JW LIBRARY
Panga Habari Kulingana na Mapendezi Yako—iOS
Mambo kadhaa yametiwa katika programu ya JW Library ili ufurahie kusoma. Mambo hayo yametiwa kwenye sehemu ya juu ya kifaa chako unaposoma sura au makala fulani.
Huenda ukahitaji kubofya kitufe cha Mengineyo kutumia baadhi ya mambo yanayopatikana kwenye sehemu ya juu ya kifaa chako.
Fuata maelekezo yafuatayo ili kupanga habari kulingana na mapendezi yako:
Badili Lugha
Unaweza kubadili lugha ya sura au makala unayosoma.
Bofya kitufe cha Lugha ili uone ukurasa unaosoma unapatikana katika lugha zipi. Lugha unazotumia mara nyingi zitapangwa juu kwenye orodha hiyo. Toleo lililorahisishwa la Mnara wa Mlinzi pia litapatikana hapa. Unaweza pia kutafuta kwenye orodha hiyo kwa kuandika jina la lugha.
Lugha ambazo bado huzijapakuliwa zina alama ya wingu. Bofya lugha ili upakue chapisho. Chapisho litakapopakuliwa kwenye kifaa chako, alama ya wingu itatoweka. Bofya lugha hiyo tena ikiwa unataka kusoma.
Badili Ukubwa wa Maandishi
Unaweza kubadili ukubwa wa maandishi ili uweze kusoma vizuri.
Bofya kitufe cha Ukubwa wa Herufi; kisha rekebisha kistari kinachotokea ili kuongeza au kupunguza ukubwa wa maandishi. Ukubwa uliochagua utatumika kwa machapisho yote uliyopakua.
Soma Makala Kama Picha au Kama Maandishi
BUnaweza kusoma makala fulani kama picha au kama maandishi. Bofya kitufe kilichoonyeshwa ili kuchagua ungependa kusoma kwa njia gani.
Soma Kama Picha: Ukichagua kuisoma kama picha, ukurasa utajitokeza kama ule wa kitabu kilichochapishwa. Wengine hupenda kutumia picha kwa ajili ya machapisho kama vile kitabu cha nyimbo ili waweze kuona alama za muziki.
Soma Kama Maandishi: Ukichagua kusoma kama maandishi, maandiko yaliyoonyeshwa yatakuwa na viunganishi unavyoweza kusoma kwa ukubwa uliochagua.
Fungua Katika . . .
Sehemu ya Fungua Katika . . . inakuruhusu kufungua habari ileile iliyo katika JW Library kwa kutumia programu nyingine.
Bofya Fungua Katika . . . ili uone orodha ya programu zilizopo. Kwa mfano, unaweza kubofya Fungua Katika Maktaba Kwenye Mtandao ili kufungua ukurasa unaosoma kwenye Watchtower MKTABA KWENYE MTANDAO.
Tengeneza Takwa Binafsi la Mpangilio wa Biblia
Unapobofya andiko la Biblia katika chapisho, mistari inajitokeza. Bofya kitufe cha Tengeneza Takwa Binafsi kilicho chini ya mistari hiyo ili kuchagua ni tafsiri zipi ungependa zionekane kwenye orodha yako.
Bofya kitufe cha Ongeza au Ondoa ili uongeze au kuondoa tafsiri za Biblia. Unaweza kuvuta Biblia kwenda juu au chini ili kubadili mpangilio wake.
Ona “Pakua na Utumie Biblia—iOS” kujifunza jinsi ya kupakua Biblia zaidi katika JW Library.
Sehemu hizo mbalimbali zilipatikana Februari 2015 kwenye JW Library toleo la 1.4, ambalo linafanya kazi vizuri kwenye vifaa vinavyotumia mfumo wa iOS 6.0 au wa karibuni zaidi. Ikiwa hauoni mambo haya, tafadhali fuata mwelekezo kwenye makala “Anza Kutumia JW Library—iOS,” kwenye Pata Habari za Karibuni Zaidi.
