Ndugu na dada zetu mu inchi mingi wamebadilisha namna yao ya kukusanyika na kuhubiri juu ya hii ugonjwa wa coronavirus. Hawakusanyike tena mu Majumba ya Ufalme lakini wanafanya mikutano kupitia vidéoconférence. Ile ilifanya wengi wabadilishe namna yao ya kutoa michango ili kuunga mukono kazi ya mu dunia yote. Wanatoa michango kupitia site yetu ya Enternete.

Mashahidi wa Yehova mu inchi zaidi ya 112 wanaweza kutumia sehemu “michango” kwenye jw.org juu ya kutoa michango mu njia ya kielektroniki, kwa mufano kwa kutumia karte yao ya banke.

Juu wahubiri wengi hawawezi tena kutoa michango yao ku Jumba ya Ufalme, wanatoa makuta fulani kila mwezi kupitia ile sehemu “michango” kwenye site yetu. Dada Susan Cohen, wa inchi ya Amerika, muhubiri wa miaka 74, anatumia ile njia. Anasema: “Ni njia mwepesi sana; kama miye naweza, kila mutu anaweza. Nafurahi sana kujua kama ingali inawezekana nitoe muchango juu ya kuunga mukono kazi ya kuhubiri.”

Ndugu Eduardo Paiva wa Brazilia alikuwaka anawaza kama kutoa muchango kupitia site yetu ilikuwa inafanyika tu kama mutu hakukuwa na namna ya kutoa kwa njia ya kawaida. Anasema: “Nimeona sasa kama njo njia ya muzuri sana ya kuendelea kuunga mukono kazi ya mu dunia yote hii wakati ya magumu ya mingi. Tunaweza kutumia hii njia ili kuonyesha shukrani yetu na upendo wetu hizi siku za mwisho.”

Ndugu Gajus Glockentin, mwenye anasimamia biro ya mambo ya hazina kwenye makao makubwa ya Mashahidi wa Yehova kule Warwick, New York, anasema: “Inajenga imani kabisa kuona nia ya ndugu ya kuendelea kuunga mukono kazi ya Ufalme. Tunakamata hii michango na valere sana. Tunaendelea kuchunguza namna ya kupunguza garama mu tengenezo yetu juu tutumie muzuri michango ya ndugu na dada. Wengi wamepunguza michango ya makuta yenye walikuwa wanatoa, lakini hawajapunguza hata kidogo nia yao ya kutoa ili kuunga mukono tengenezo ya Yehova.”​—2 Wakorinto 9:7.