TAREHE 4 MWEZI WA 9, 2017
JAMUHURI YA AFRIKA YA KATI
Mashahidi Katika Jamhuri ya Afrika ya Kati Wanakimbia Vita
Ndugu wa halmashauri ya kutoa musaada anatoa musaada.
DOUALA, Kamerun—Vita vya kikabila na kidini katika maeneo fulani ya Jamhuri ya Afrika ya Kati imewalazimisha Mashahidi wa Yehova kukimbilia katika inchi jirani ya Kamerun na Jamhuri ya Kidemokrasia ya Congo, kwenye waabudu wenzao wamewakaribisha na kuwatunza.
Kisha mapigano yenye yalitokea tarehe 13 Mwezi wa 7, 2017, Mashahidi wa Yehova 15 hivi na familia zao, kutia ndani mutoto mudogo sana, walikimbilia katika kijiji cha Mbai Mboum mashariki mwa Kamerun. Juma lenye lilifuata, kwa sababu ya mapigano ya vikundi vyenye kuwa na silaha vyenye viliunguza nyumba za watu, Mashahidi wa Yehova 60 hivi kutoka Bangassou katika Jamhuri ya Afrika ya Kati, walikimbilia katika muji wa Ndu, katika Jamhuri ya Kidemokrasia ya Congo, kwenye Mashahidi wenzao waliwapokea.
Mutoto mudogo sana iko kati ya wakimbizi.
Jean-Bernard Fayanga, musemaji wa Mashahidi wa Yehova katika Jamhuri ya Afrika ya Kati, alisema hivi: “Tunafurahi kusikia kwamba hakuna ndugu au dada mwenye aliuawa katika mapigano hayo. Tunafanya kazi sana na biro za tawi za Kamerun na Congo ili kuanzisha halmashauri za kutoa musaada katika eneo hilo ili kutolea Mashahidi wenzetu maji ya kunywa, chakula, makao yenye kufaa, na musaada wa kiroho.”
Wazee Mashahidi wamepanga kutoa musaada wa kiroho, kama vile nafasi za kuangalilia video zenye kutegemea Biblia katika luga yao ya Sango.
Baraza Lenye Kuongoza la Mashahidi wa Yehova linasimamia kazi ya kutoa musaada likiwa kwenye makao yao makubwa, kwa kutumia michango yenye kutolewa kwa ajili ya kazi ya kuhubiri ya Mashahidi katika dunia yote.
Watangazaji wa habari wanaweza kuzungumuza na:
David A. Semonian, Biro ya Kutoa Habari, tel. +1-845-524-3000
Cameroon: Gilles Mba, tel. +237-6996-30727
Jamhuri ya Afrika ya Kati: Jean-Bernard Fayanga, tel. +236-7575-1605