Katika Jamuhuri ya Kidemokrasia ya Congo, Mashahidi wa Yehova wanaendelea kutolea wenzao musaada na wengine wenye walipatwa na musiba wa mafuriko ao maji mengi, musiba wenye ulipiga muji wa Boma, wenye kupatikana kwenye umbali wa kilometre 470 kusini mangaribi mwa muji wa Kinshasa, katika juma la tarehe 26 Mwezi wa 12.

Familia 39 za Mashahidi zilipatwa na musiba huo, na Shahidi mumoja alikufa katika musiba huo. Zaidi ya hilo, nyumba tano za Mashahidi ziliharibiwa sana na zingine tano ziliharibiwa kidogo.

Biro ya tawi ya Mashahidi wa Yehova katika Jamuhuri ya Kidemokrasia ya Congo ilipeleka chakula na manguo kwa Mashahidi wenye walipatwa na musiba huo katika sehemu ya mangaribi ya inchi ili kutimiza mahitaji yao ya haraka. Mashahidi katika miji ya Matadi na Muanda, yenye kuwa kwenye umbali wa kilometre 80 na Boma, walijitoa ili kusaidia zaidi ndugu na dada zao.

Kwa kutumia michango yenye kutolewa kwa ajili ya kazi ya kuhubiri katika dunia yote ya Mashahidi, Baraza Lenye Kuongoza la Mashahidi wa Yehova linaongoza kazi hiyo ya kutoa misaada katika Congo likiwa kwenye makao yao makubwa katika Warwick, New York.

Watangazaji wa Habari Wanaweza Kuzungumuza na:

David A. Semonian, Biro ya Kutoa Habari, tel. +1-845-524-3000

Jamuhuri ya Kidemokrasia ya Congo: Robert Elongo, tel. +243-81-555-1000