Tarehe 7 Mwezi wa 10, 2020, a Tribinali ya Eneo la Mayskiy ya Jamuhuri ya Kabardino-Balkaria itatangaza uamuzi wake mu kesi ya Ndugu Yuriy Zalipayev. Iko mu hatari ya kufungwa miaka mbili mu gereza.

Yuriy Zalipayev

• Alizaliwa: 1962 (Samara)

• Maisha Yake: Amefanya kazi ya soudure na ya kutembeza motokari kubwa-kubwa. Anapenda kusoma poèmes na kutembea ku milima

• Mu 1983 alimuoa Natalia, mwenye walisomaka naye. Miaka kumi kisha, walianza kujifunza Biblia pamoja. Wako na watoto tatu. Wote wanamutumikia Yehova pamoja na watu fulani wa jamaa yao

Tarehe 20 Mwezi wa 8, 2016, askari waliingia kwa nguvu mu Jumba la Ufalme mu eneo la Mayskiy na wakatia mule vitabu vyetu fulani vyenye serikali ya Urusi ilikataza. Hata kama ndugu walikuwa na video ya kuonyesha kama ni wale askari njo walitia vile vitabu mule, tribinali ilisema kama ndugu hawakuheshimia sheria, kwa hiyo iliomba tengenezo ilipe amande ya roubles 200 000 (ao dola 2 634). Miezi fulani kisha, tribinali ilimushitaki Ndugu Zalipayev na kusema kama alifanya kosa nzito sana juu ya mambo yenye ilitokeaka ile siku.

Muendesha-mashtaka alisema kama Ndugu Zalipayev alisambaza vichapo vyenye vilikatazwa na serikali na kama iko anatia moyo Mashahidi wa Yehova wengine watendee watu wa dini zingine mubaya. Ile ni mashtaka yenye kuhukumiwa na sheria ya Urusi na inaitwa “kutia watu moyo wakuwe na musimamo mukali wa dini” (Sehemu ya 1 ya nukta ya 280 ya Sheria ya Urusi Kuhusu Makosa Mazito).

Tribinali ilianza kusikiliza ile kesi tarehe 21 Mwezi wa 6, 2020. Wakati wote wa kusikilizwa kwa ile kesi, mashahidi wa biro ya Muendesha-mashtaka walikuwa wanapingana-pingana, na ushuhuda wao haukukuwa na musingi. Kwa mufano, wakati ile kesi ilikuwa iko inaendelea, ilifikia kujulikana kama watu fulani wenye walishuhudia kama walisikia ku mukutano fulani namna Ndugu Zalipayev alikuwa anachochea watu wasitii sheria ya inchi, hawakukuwa hata kwa ile mukutano. Tena, washuhuda wengine wa biro ya Muendesha-mashtaka walisema kama vichapo vyenye vilikatazwa, vyenye vilipatikana mu Jumba la Ufalme, vilitiwa mule na askari.

Wakati Ndugu Zalipayev anangojea uamuzi wa kesi yake, tunaendelea kusali, ili yeye na watu wa familia yake wapate nguvu na amani katika hii maneno ya Daudi: “Yehova ni nguvu zangu na ngao yangu;Moyo wangu unamutegemea yeye.Nimepokea musaada wake, na moyo wangu unashangilia.”​—Zaburi 28:7.