Maria Magdalene anapanguza machozi yake na kuangalia mbinguni. Bwana wake mupendwa ametundikwa ku muti. Ni karibu saa sita ya muchana mu kipindi cha mvua ya mwisho, lakini ‘kumekuwa giza juu ya inchi yote’! (Luka 23:44, 45) Anazungusha nguo yake ku mabega na anasogea karibu sana na wanamuke wenye wako pembeni yake. Wakati mwezi unaingia kati ya dunia na jua, kunakuwaka giza yenye inafanyaka tu dakika kidogo. Lakini giza ya saa tatu yenye inatokea ile siku haiko kwa sababu mwezi umeingia kati ya dunia na jua. Pengine Maria na wengine wenye wanasimama karibu na Yesu wanaanza kusikia sauti za wanyama wenye wanaliaka tu usiku. Watu fulani wenye wako wanaangalia ‘wanaogopa sana’ na wanasema: “Hakika huyu alikuwa Mwana wa Mungu.” (Matayo 27:54) Pengine wanafunzi wa Yesu na watu wengine wenye kuwa pale wanawaza kama Yehova anaonyesha kuwa anahuzunika na kuchukizwa na namna watu wanamutendea Mwana wake bila huruma.

 Hata kama Maria Magdalene anahuzunika sana kuona namna Yesu iko anateseka, anabakia pale. (Yohana 19:25, 26) Yesu iko na maumivu ya nguvu sana. Mama ya Yesu pia iko na nia ya kutiwa moyo na kufarijiwa.

 Mambo yenye Yesu alifanyiaka Maria inamuchochea afanye yote yenye anaweza kwa ajili ya Yesu. Wakati fulani alikuwaka mwanamuke wa kusikilia huruma na mwenye hana tumaini, lakini Yesu alibadilisha maisha yake. Yesu alimufanya aheshimiwe na maisha ikuwe na kusudi. Alifikia kuwa mwanamuke mwenye imani kubwa. Namna gani? Na mufano wake wa imani unaweza kutufundisha nini leo?

 Mu Biblia, habari kuhusu Maria Magdalene inaanza kwa kueleza namna Yesu anamufanyia mambo ya muzuri. Yesu anamuweka huru kwa kumutosha mu hali ya mubaya sana. Ile wakati, pepo wachafu walikuwa wanasumbua watu sana, walikuwa hata wanaingia mu watu fulani, na kuwachochea wafanye mambo fulani. Hatujue kama walimuchochea Maria Magdalene ajiendeshe namna gani. Tunajua tu kama pepo saba wabaya na wakali walikuwa ndani yake. Na Yesu Kristo aliwafukuza wote!​—Luka 8:2.

 Kisha wale pepo kutoka ndani yake, Maria alipata kitulizo kabisa na angekuwa sasa na maisha ya muzuri. Namna gani angeonyesha shukrani yake? Alifikia kuwa mwanafunzi mushikamanifu wa Yesu. Pia, wakati alitambua kama Yesu na mitume wake wako na lazima ya musaada, aliwapatia chakula, manguo, na nafasi ya kulala usiku. Yesu na wanafunzi wake hawakuwa matajiri, na ile wakati hawakuwa na kazi ya kimwili. Ili wakaze akili juu ya kazi ya kuhubiri na kufundisha, walikuwa na lazima ya musaada wa kimwili.

 Maria na wanamuke wengine waliwapatia vitu vyenye walikuwa navyo lazima. Wale wanamuke walikuwa “wanawatumikia kwa kutumia mali zao.” (Luka 8:1, 3) Inawezekana wamoja kati ya wale wanamuke walikuwa na vitu mingi vya kimwili. Biblia haiseme kama wale wanamuke walikuwa wanatayarishia Yesu na mitume wake chakula, kuwafulia nguo, na kuwatayarishia fasi ya kulala mu kila kijiji kwenye walienda kuhubiri. Lakini kwa kujipendea walisaidia kile kikundi chenye kilikuwa kinasafiri, chenye kilikuwa na watu 20 hivi. Kwa kweli, musaada wa wale wanamuke ulisaidia Yesu na mitume wake wakaze akili juu ya kazi ya kuhubiri. Bila shaka, Maria alijua kama hangeweza kumulipa Yesu juu ya mambo yenye alikuwa amemufanyia, lakini alifurahia kufanya yote yenye angeweza!

 Leo, watu wengi wanazarau wale wenye kufanyia wengine kazi za hali ya chini. Lakini Yehova hafanyake vile. Wazia namna alifurahi sana kuona vile Maria alijitoa sana ili kutegemeza Yesu na mitume wake! Leo pia, Wakristo wengi waaminifu wanafurahia kufanya kazi za hali ya chini ili kusaidia wengine. Wakati fulani, kufanyia mutu jambo fulani la muzuri ao kumuambia maneno yenye kutia moyo kunaweza kufanya ajisikie muzuri. Yehova anafurahia matendo ya vile.​—Mezali 19:17; Waebrania 13:16.

 Maria Magdalene alikuwa kati ya wanamuke wengine wenye walisindikiza Yesu wakati alikuwa anaenda Yerusalemu ili kufanya Pasaka ya mwaka wa 33. (Matayo 27:55, 56) Bila shaka, alihuzunika wakati alisikia kama Yesu alikamatwa na kusambishwa usiku. Na kisha, alipata habari ya mubaya tena zaidi. Viongozi wa dini ya Wayahudi na watu wao walichochea gavana Pontio Pilato, akatie Yesu hukumu ya kifo ku muti wa mateso, ilikuwa kifo cha maumivu. Inawezekana Maria aliona Bwana wake amechoka, damu iko inamutoka ku mwili, na iko anakokota muti murefu wenye angetundikwa juu yake.​—Yohana 19:6, 12, 15-17.

 Kwenye Yesu alitundikwa, kisha giza kutokea karibu na saa sita ya muchana, Maria Magdalene na wanamuke wengine walikuwa wanasimama “pembeni ya muti wa mateso wa Yesu.” (Yohana 19:25) Maria, mwenye alibakia pale mupaka mwisho, alisikia namna Yesu aliomba Yohana, mutume mwenye alipenda sana, achunge mama yake. Alisikia namna Yesu alimulilia Baba yake mbele akufe. Na alisikia maneno ya ushindi yenye Yesu alisema mbele akufe: “Imetimizwa.” Maria alihuzunika sana. Lakini, kisha Yesu kukata roho, inawezekana Maria alikuwa angali pale. Kisha alibakia karibu na kaburi la mupya, kwenye tajiri fulani mwenye kuitwa Yosefu wa Arimatea alitia mwili wa Yesu.​—Yohana 19:30; Matayo 27:45, 46, 57-61.

 Mufano wa Maria unatukumbusha mambo yenye tunaweza kufanya wakati ndugu na dada zetu wanapata magumu. Pengine hatutaweza kumaliza magumu yao ao kumaliza huzuni yao. Lakini, tunaweza kuonyesha huruma na uhodari. Wakati mutu iko mu magumu kuwa tu karibu naye kunaweza kumutia moyo kabisa. Kubakia karibu na mutu mwenye iko mu magumu kunaonyesha kama tuko washikamanifu kwake na kwa Mungu na kunaweza kumufariji sana.​—Mezali 17:17.

 Kisha mwili wa Yesu kuwekwa ndani ya kaburi, Maria alikuwa kati ya wanamuke wenye walienda kuuza manukato kusudi waipakae ku mwili wa Yesu. (Marko 16:1, 2; Luka 23:54-56) Kisha Sabato kumalizika, aliamuka asubui sana. Wazia namna alikuwa anatembea mu barabara zenye giza, pamoja na wanamuke wengine na wako wanaenda kwenye kaburi ya Yesu. Wakati walikuwa mu njia walijiuliza ikiwa wangeweza kutosha jiwe kubwa lenye lilikuwa ku mwingilio wa kaburi. (Matayo 28:1; Marko 16:1-3) Hata vile, waliendelea na safari. Inaonekana kama imani yao iliwachochea wafanye mambo yenye wangeweza, na wamuachie Yehova yenye hawangeweza.

 Inawezekana Maria alikuwa wa kwanza kufika ku kaburi. Wakati alifika, alisimama na kushtuka. Jiwe lilikuwa limetoshwa na kaburi ilikuwa wazi! Bila kupoteza wakati, alienda mara moja kumujulisha Petro na Yohana mambo yenye aliona. Wazia namna iko anasema hii maneno na pumuzi iko inamukatika-katika: “Wamemutosha Bwana katika kaburi, na hatujue wamemulalisha wapi”! Petro na Yohana walienda mbio ku kaburi, wakaona kama kaburi ilikuwa wazi, na kisha wakarudia kwao. *​—Yohana 20:1-10.

 Wakati Maria alirudia ku kaburi alibakia pale yeye peke. Ilikuwa asubui sana. Hali ya kimya yenye alikuta ku kaburi ilimufanya aishiwe, na akaanza kulia. Mupaka pale alikuwa hajaamini kama Bwana haiko mu kaburi. Lakini wakati alisogea mbele ili kuangalia ndani, aliona jambo fulani lenye lilimushtua sana. Malaika wawili wenye kuvaa nguo za mweupe walikuwa wanakaa ndani ya kaburi! Walimuuliza hivi: “Sababu gani unalia?” Bila kujua aseme nini, alirudilia maneno yenye alikuwa ameambia mitume: “Wamemuondoa Bwana wangu, na sijue wamemulalisha wapi.”​—Yohana 20:11-13.

 Wakati aligeuka, aliona mwanaume fulani anasimama nyuma yake. Hakumutambua, kwa hiyo akawaza kama ni mutunza-bustani mwenye alikuwa anatumika pale. Kwa upole, ule mwanaume alimuuliza hivi: “Mwanamuke, sababu gani unalia? Unamutafuta nani?” Maria akajibia hivi: “Bwana, kama umemubeba, uniambie umemulalisha wapi, na nitamutosha.” (Yohana 20:14, 15) Fikiria ile maneno yenye alisema. Kweli yeye peke angeweza kubeba mwili wa Yesu Kristo mwenye alikuwa mwanaume muzito na mwenye nguvu? Maria hakufikiria ile mambo yote. Alijua tu kama alipaswa kufanya mambo yenye angeweza.

 Wakati tunapambana na mahangaiko na magumu yeye inaonekana kuwa nguvu, namna gani tunaweza kuiga imani ya Maria Magdalene? Kama tunakaza akili juu ya uzaifu wetu na mambo yenye hatuna uwezo wa kufanya, woga na mashaka vinaweza kutumaliza nguvu. Lakini kama tunajikaza kufanya yote yenye tunaweza, na kuacha mambo ingine mu mikono ya Mungu, tunaweza kufanya mambo mingi kupita ile tunawazia. (2 Wakorinto 12:10; Wafilipi 4:13) Zaidi ya yote, tutamufurahisha Yehova. Maria, yeye alimufurahisha Yehova, na Yehova alimubariki mu namna yenye hakuwazia.

 Mwanaume mwenye anasimama karibu na Maria haiko mutunza-bustani. Zamani alikuwa seremala, kisha akakuwa mwalimu, na kisha akakuwa Bwana mupendwa wa Maria. Lakini Maria hamutambue, kwa hiyo anageuka na kuanza kuenda. Maria hangeweza kuwazia mambo yenye ilikuwa imetokea: Yesu alikuwa amefufuliwa, na alikuwa sasa kiumbe wa roho mwenye nguvu. Alikuwa amevaa mwili wa kibinadamu, lakini haikukuwa mwili wenye alikufa nao. Mu siku zenye zilifuata ufufuo wake, mara mingi hata watu wenye walimujua muzuri walishindwa kumutambua.​—Luka 24:13-16; Yohana 21:4.

 Namna gani Yesu alimusaidia Maria amutambue? Ni kupitia namna alimuita kwa jina: “Maria!” Mara moja Maria akageuka na kusema kwa sauti neno la Kiebrania lenye alizoea kutumia ili kumuita Yesu, ni kusema, “Raboni!” Ilikuwa Mwalimu wake mupendwa! Maria alifurahi sana. Alimushika Yesu na hakutaka kumuacha.​—Yohana 20:16.

 Yesu alijua mawazo ya Maria. Kwa hiyo, akamuambia: “Acha kunishika.” Tunaweza kuwazia namna Yesu iko anasema ile maneno kwa upole, pengine anaonyesha sura ya kicheko, wakati iko anajitosha mu mikono ya Maria. Kisha anamuhakikishia hivi: “Sijapanda kuenda kwa Baba.” Wakati wa Yesu kurudia mbinguni ulikuwa haujaenea. Alikuwa angali na mambo ya kufanya ku dunia, na alipenda Maria amusaidie. Bila shaka, Maria alikuwa anasikiliza kwa uangalifu. Yesu alimuambia hivi: “Uende kwa ndugu zangu na uwaambie, ‘Ninapanda kuenda kwa Baba yangu na Baba yenu na kwa Mungu wangu na Mungu wenu.’”​—Yohana 20:17.

 Bwana wake alimupatia kazi ya maana kabisa! Maria alikuwa kati ya wanafunzi wa kwanza wenye walimuona Yesu kisha kufufuliwa, na sasa Yesu anamupatia kazi ya maana ya kuenda kujulisha wengine ile habari ya muzuri. Wazia namna alitafuta wanafunzi kwa furaha na kwa bidii. Wazia namna pumuzi iko inamukatika-katika wakati iko anasema hii maneno yenye yeye na wanafunzi wengine waliendelea kukumbuka muda murefu kisha pale: “Nimemuona Bwana!” Aliwaambia mambo yote yenye Yesu alisema, na alikuwa anasema haraka-haraka kwa sababu ya furaha mingi. (Yohana 20:18) Mambo yenye Maria anaambia wanafunzi inaunga mukono mambo yenye wale wanamuke wengine walikuwa wameambia wanafunzi. Nao walifikaka ku kaburi, na kukuta iko wazi.​—Luka 24:1-3, 10.

 Wanafunzi waliamini? Ku mwanzo, hawakuamini kabisa. Biblia inasema hivi: “Maneno hayo yalionekana kwao kama hayana maana, na hawakuamini wanamuke hao.” (Luka 24:11) Wale wanaume hawakukuwa na nia ya mubaya. Lakini walikuwa wamekomalia mu eneo kwenye watu hawakuwa wanaamini wanamuke. Kulingana na desturi za warabi, mwanamuke hakupaswa kutoa ushahidi ku tribinali. Pengine bila kujua, mitume walikuwa wamechochewa sana na desturi za kwao. Lakini Yesu na Baba yake hawana ile mawazo ya ubaguzi. Walipatia Maria Magdalene kazi ya maana sana!

 Hata kama wale wanaume hawakumuamini, Maria hakukasirika. Alijua kama Bwana wake anamutumainia, na ile ilitosha. Vilevile, wale wote wenye kumufuata Yesu wamepewa habari ya kutangaza. Biblia inaiita “habari njema ya Ufalme wa Mungu.” (Luka 8:1) Yesu hakuambia wafuasi wake kama kila mutu atawaamini ao kama atafurahia kazi yao. Tofauti na ile, watu wangewachukia. (Yohana 15:20, 21) Njo maana, ni muzuri Wakristo wakumbuke mufano wa Maria Magdalene. Hata kama ndugu zake wa kiroho hawakumuamini, ile haikumufanya akose furaha ya kuwaambia habari njema ya kufufuliwa kwa Yesu!

 Kisha wakati fulani, Yesu alitokea mitume wake na kisha alitokea hesabu kubwa zaidi na zaidi ya wafuasi wake. Siku moja alitokea wafuasi wake zaidi ya 500 kwa wakati mumoja! (1 Wakorinto 15:3-8) Kila mara wakati Yesu alitokea watu, ile ilitia nguvu imani ya Maria, ikuwe alimuona ao alisikia tu habari. Pengine Maria Magdalene alikuwa kati ya wanamuke wenye Biblia inasema kama walikuwa kwenye mukutano wenye ulifanywa kule Yerusalemu siku ya Pentekoste, wakati Mungu alimwangia wanafunzi wa Yesu roho yake takatifu.​—Matendo 1:14, 15; 2:1-4.

 Ikuwe vile ao hapana, tuko na sababu ya muzuri ya kuwa hakika kama Maria Magdalene aliendelea kuwa na imani yenye nguvu maisha yake yote. Kila mumoja wetu ajikaze pia kufanya vile! Tutaiga imani ya Maria kama tunaonyesha shukrani kwa ajili ya mambo yote yenye Yesu ametufanyia, na kama tunategemea musaada wa Mungu wakati tuko najikaza kutumikia wengine kwa unyenyekevu.