Nani ao Nini Njo “Alfa na Omega”?

CHAGUA LUGA

Jibu ya Biblia

Yehova Mungu, Mweza-Yote njo “Alfa na Omega.” Ile maneno inapatikana mara tatu mu Biblia.—Ufunuo 1:8; 21:6; 22:13. *

Juu ya nini Mungu anajiita “Alfa na Omega”?

Alfa na omega njo herufi ya kwanza na ya mwisho katika alfabeti ya Kigiriki, luga yenye ilitumiwa kuandika sehemu ya Biblia yenye kwa kawaida inaitwa Agano Jipya, yenye kutia ndani kitabu ya Ufunuo. Kwa kuwa zile herufi zinapatikana mwanzo na mwisho wa alfabeti ya Kigiriki zinatumiwa kuonyesha kama Yehova tu njo mwanzo na mwisho. (Ufunuo 21:6) Alikuwa Mungu Mweza-Yote milele, na ataendelea kuwa Mungu Mweza-Yote milele. Yeye peke yake njo alikuwa “tangu milele mupaka milele.”—Zaburi 90:2.

Nani njo ‘wa kwanza na wa mwisho’?

Biblia inatumia ile maneno kumuhusu Yehova Mungu na tena kumuhusu Mwana wake, Yesu, lakini katika maana tofauti. Ona hii mifano mbili.

Kwenye Isaya 44:6, Yehova anasema: “Mimi ndiye wa kwanza na mimi ndiye wa mwisho. Hakuna Mungu isipokuwa mimi.” Hapa Yehova anakazia kwamba yeye njo Mungu wa milele na wa kweli; isipokuwa yeye, hakuna mwingine. (Kumbukumbu la Torati 4:35, 39) Mu ile andiko, maneno “wa kwanza na . . . wa mwisho” iko na maana ileile kama “Alfa na Omega.”
Tena, maneno “wa Kwanza [pro’tos, hapana alfa] na wa Mwisho [e’skha·tos, hapana omega]” inapatikana mu Ufunuo 1:17, 18 na 2:8. Mu ile mistari, habari inaonyesha kama mwenye anazungumuziwa mule alikufa kisha akarudia kuwa muzima. Kwa hiyo, ile mistari haizungumuzie Mungu juu yeye hayakufaka. (Habakuki 1:12) Lakini, Yesu alikufaka na akafufuliwa. (Matendo 3:13-15) Alikuwa mwanadamu wa kwanza kufufuliwa na kupewa uzima wenye hauwezi kufa mbinguni, kwenye sasa anaishi “milele na milele.” (Ufunuo 1:18; Wakolosai 1:18) Kisha pale, Yesu njo ataongoza ufufuo zingine zote. (Yohana 6:40, 44) Kwa hiyo, alikuwa wa mwisho kufufuliwa moja kwa moja na Yehova. (Matendo 10:40) Katika ile maana, Yesu anastahili kuitwa “wa Kwanza na wa Mwisho.”

Ufunuo 22:13 inaonyesha kama Yesu njo “Alfa na Omega”?

Hapana. Musemaji wa Ufunuo 22:13 hatambulishwe moja kwa moja, na kuko wasemaji wengi mu ile sura. Akizungumuza juu ya ile sehemu ya Ufunuo, Profesere William Barclay aliandika hivi: “Mambo haikuandikwa kwa mupangilio wowote; . . . ile inafanya ikuwe nguvu kujua mwenye iko anasema.” (Ufunuo wa Yohana, Buku ya 2, Toleo yenye ilibadilishwa, ukurasa wa 223) Kwa hiyo, “Alfa na Omega” mwenye anatajwa mu Ufunuo 22:13 anaweza kuwa uleule Mutu mwenye alipewa ile jina mu sehemu zingine za Ufunuo, ni kusema, Yehova Mungu.

^ Inazungumuziwa kwa mara ya ine mu Ufunuo 1:11 mu tafsiri ya King James Version. Mu tafsiri mingi za sasa ile maneno imeondolewa mu ile andiko ya Ufunuo juu haipatikane mu maandishi ya zamani sana ya Kigiriki, lakini iliongezwa nyuma mu kopi fulani za Maandiko