Makuta Njo Chanzo ya Mambo Yote ya Mubaya?

CHAGUA LUGA

Jibu ya Biblia

Hapana. Biblia haiseme kama makuta ni kitu ya mubaya, na kama njo chanzo ya mambo yote ya mubaya. Watu fulani wanasemaka kama Biblia inasema “feza [makuta] ni chanzo cha mambo ya mubaya.” Lakini Biblia haiseme vile. Inasema kama “kupenda feza ni chanzo cha mambo ya mubaya.”—1 Timoteo 6:10.

Biblia inasema nini juu ya makuta?

Biblia inasema kama wakati makuta inatumiwa muzuri, inaweza kuletea mutu faida, na hata “ulinzi.” (Muhubiri 7:12) Zaidi ya ile, Biblia inapongeza wale wenye wanaonyesha wengine ukarimu kwa kuwapatia vitu mbalimbali na hata makuta.—Mezali 11:25.

Lakini inatushauria tusione makuta kuwa jambo ya maana zaidi mu maisha yetu. Inasema hivi: “Njia yenu ya maisha ikuwe bila upendo wa feza, wakati munatosheka na vitu vya sasa.” (Waebrania 13:5) Ile andiko inatufundisha kama tunapaswa kuwa na mawazo yenye usawaziko kuhusu makuta, na hatupaswe kufuatilia utajiri. Lakini tunapaswa kutosheka na mambo yenye tuko nayo lazima kabisa, ni kusema, chakula, manguo, na fasi ya kulala.—1 Timoteo 6:8.

Juu ya nini Biblia inatuambia tusipende makuta?

Watu wenye pupa hawatapata uzima wa milele. (Waefeso 5:5) Juu ya nini? Juu pupa ni aina ya ibada ya sanamu ao ibada ya uongo. (Wakolosai 3:5) Zaidi ya ile, wakati watu wenye pupa wanajikaza sana kupata vitu vyenye wanatamani, mara mingi wanafanyaka mambo ya mubaya. Mezali 28:20 inasema hivi: “Mwenye anaharakisha kupata utajiri hatakosa kuwa na hatia.” Watu wenye pupa wanaweza hata kufanya mambo ya mubaya sana sawa vile kuogopesha watu, kunyanganya, kuiba, kubeba watu kinguvu, ao kuua.

Hata kama kupenda makuta hakutufikishe ku ile mambo ya mubaya, kunaweza kuwa na matokeo ingine ya mubaya. Biblia inasema kama “wale wenye wameazimia kuwa matajiri wanaanguka katika jaribu na mutego na tamaa nyingi za upumbavu na zenye kuumiza.”—1 Timoteo 6:9.

Mashauri yenye Biblia inatoa kuhusu makuta inaweza kutuletea faida gani?

Kama hatuvunje kanuni za Mungu ili kutafuta makuta, tutalinda heshima yetu na Mungu atatukubali na kutusaidia. Mungu anaahidi hivi wale wenye wanajikaza kumufurahisha: “Sitakuacha hata kidogo, na sitakutupa hata kidogo.” (Waebrania 13:5, 6) Tena, anatuhakikishia kama “mutu muaminifu atapata baraka nyingi.”—Mezali 28:20.

Maandiko yenye kuzugumuzia makuta

Muhubiri 7:12: “Feza ni ulinzi.”

Ni kusema: Wakati makuta inatumiwa muzuri, inaweza kuletea mutu faida juu inaweza kumuletea ulinzi kwa kiasi fulani.

Luka 12:15: “Hata wakati mutu iko na vitu vingi, uzima wake hautokane na vitu vyenye iko navyo.”

Ni kusema: Makuta haiko njo jambo ya maana zaidi mu maisha, na haitatusaidia tuokolewe.

1 Timoteo 6:10: “Kupenda feza ni chanzo cha mambo ya mubaya ya namna zote, na kwa kujikaza kufikia upendo huo, watu wengine wamepotoshwa kutoka kwenye imani, na wamejitoboa wenyewe kila mahali kwa maumivu mengi.”

Ni kusema: Kuwa na makuta haiko mubaya. Lakini watu wenye wanapenda makuta, wenye wanaiona kuwa jambo ya maana zaidi mu maisha yao, wanajileteaka magumu mingi. Kwa mufano, familia zao zinaweza kuvunjika na wanaweza kugonjwa juu ya kutumika sana.

Waebrania 13:5: “Njia yenu ya maisha ikuwe bila upendo wa feza, wakati munatosheka na vitu vya sasa.”

Ni kusema: Kuliko kutafuta tu kuwa matajiri, ni muzuri tutosheke na mambo yenye tuko nayo lazima.

Matayo 19:24: “Ni vyepesi zaidi kwa ngamia kupita katika tundu la sindano kuliko tajiri kuingia katika Ufalme wa Mungu.”

Ni kusema: Yesu alikuwa ametoka tu kuambia kijana fulani tajiri akuwe mufuasi wake. Ule kijana alikatala juu alikuwa napenda sana mali yake. Wakati Yesu alisema ile maneno, alipenda kutuonya kama ikiwa mutu anatia utajiri pa nafasi ya kwanza kuliko kumutumikia Mungu, anaweza kupoteza tumaini ya uzima wa milele.