Misiba ya asili yenye tuko naona leo haitoke kwa Mungu, lakini anahangaikia wale wenye wako napatwa na ile misiba. Misiba ya asili ni kati ya mambo yenye Ufalme wa Mungu utamaliza. Lakini kwa sasa Mungu anafariji wale wenye wako napatwa na misiba ya asili.​—2 Wakorinto 1:3.

•  Juu ya nini tunaweza kuwa hakika kama misiba ya asili haiko malipizi kutoka kwa Mungu?

•  Misiba ya asili ni alama ya siku za mwisho?

•  Namna gani Mungu anasaidiaka wale wenye wanapatwa na misiba ya asili?

•  Biblia inaweza kutusaidia tujitayarishe juu ya misiba ya asili?

•  Maandiko ya Biblia ya kusaidia wale wenye wanapatwa na misiba ya asili

 Biblia inaonyesha kama Mungu alitumia nguvu za asili juu ya kupatia watu malipizi. Namna alifanya vile ni tofauti na namna misiba ya asili iko inatokea.

•   Misiba ya asili inaua na kuumiza watu bila kuchagua. Lakini hukumu ya Mungu yenye kuzungumuziwa mu Biblia ilikuwa inachagua tu watu wabaya. Kwa mfano, wakati Mungu aliharibu miji ya zamani ya Sodoma na Gomora aliokoa mwanaume mwaminifu Loti na watoto wake wanamuke wawili. (Mwanzo 19:29, 30) Mungu alichunguza mioyo ya watu wa ile wakati na aliharibu tu wale wenye aliona kuwa walikuwa watu wabaya.​—Mwanzo 18:23-​32; 1 Samweli 16:7.

•   Misiba ya asili haitoake alama yoyote ao inatoaka tu alama kidogo mbele itokee. Lakini wakati wa zamani mbele Mungu atumikishe nguvu zake juu ya kuharibu watu wabaya alikuwa anawaonya. Watu wenye walimusikiliza walipata nafasi ya kuokoka ile misiba.​—Mwanzo 7:1-5; Matayo 24:38, 39.

•   Wakati fulani wanadamu wanakuwaka chanzo ya misiba ya asili. Namna gani? Wanaharibishaka mazingira na kujenga fasi kwenye matetemeko ya inchi, maji ya mingi, ao hali ya hewa ya mubaya inaweza kutokea. (Ufunuo 11:18) Haiko kosa ya Mungu kama wanadamu wanakamata ile maamuzi.​—Mezali 19:3.

 Ndiyo, unabii wa Biblia unaonyesha kama kungekuwa misiba wakati wa “umalizio wa mupangilio wa mambo,” ao “siku za mwisho.” (Matayo 24:3; 2 Timoteo 3:1) Kwa mfano, juu ya wakati wetu Yesu alisema: “Kutakuwa upungufu wa chakula na matetemeko ya inchi mahali pamoja kisha pengine.” (Matayo 24:7) Karibuni, Mungu atamaliza mambo yote yenye kuleta mateso kutia ndani misiba ya asili.​—Ufunuo 21:3, 4.

•   Mungu anawafariji kupitia Neno lake Biblia. Biblia inatuhakikishia kama Mungu anatuhangaikiaka na kama anasikiaka mubaya wakati tunateseka. (Isaya 63:9; 1 Petro 5:6, 7) Tena Biblia inatuambia kuwa Mungu anaahidi kama kuko wakati misiba ya asili haitatokea tena.​—Ona “ Maandiko ya Biblia ya kusaidia wale wenye wanapatwa na misiba ya asili.”

•   Mungu anawasaidia kupitia watumishi wake. Mungu anachochea watumishi wake ku dunia wafuate mfano wa Yesu. Ilitabiriwa kama Yesu angefariji “wenye kuvunjika moyo” na “wote wenye kuomboleza.” (Isaya 61:1, 2) Watumishi wa Mungu nao wanajikaza kufanya vile.​—Yohana 13:15.

   Mungu anatumia pia watumishi wake juu watolee msaada wale wenye walipatwa na misiba ya asili.​—Matendo 11:28-30; Wagalatia 6:10.

 Ndiyo. Hata kama Biblia haiko kitabu ya kusaidia watu kujitayarisha juu ya misiba ya asili, iko na kanuni zenye zinaweza kusaidia. Kwa mufano:

•   Ujitayarishe mbele musiba utokee. Biblia inasema: “Mutu mwerevu anaona hatari na kujificha.” (Mezali 22:3) Ni jambo ya hekima kujitayarisha mbele ya wakati juu ya mambo yenye inaomba kutenda kwa haraka. Ile matayarisho inatia ndani kutayarisha vitu vya musaada wa kwanza na kusikilizana mu familia fasi munaweza kukutana wakati musiba inatokea.

•   Uone uzima kuwa wa maana kuliko vitu vya kimwili. Biblia inasema: “Hatukuleta kitu katika ulimwengu, na hatuwezi kutoka na kitu.” (1 Timoteo 6:7, 8) Tunapaswa kuwa tayari kuacha nyumba yetu na mali yetu juu ya kukimbia musiba. Ni jambo ya lazima tukumbuke kama uzima wetu ni wa maana zaidi kuliko vitu vya kimwili.​—Matayo 6:25.