Cha Kwanza cha Mambo ya Nyakati 12:1-40
-
Wenye waliunga mukono ufalme wa Daudi (1-40)
12 Hawa ndio wanaume wenye walikuja kwa Daudi kule Siklagi+ wakati hakuweza kutembea kila mahali kwa uhuru kwa sababu ya Sauli+ mwana wa Kishi, na walikuwa kati ya wapiganaji-vita wenye nguvu wenye walimuunga mukono katika pigano.+
2 Walikuwa wanabeba upinde, na wangeweza kutumia mukono wa kuume na pia mukono wa kushoto+ ili kutupa majiwe kwa kombeo+ ao kupiga mishale kwa upinde. Walikuwa kati ya ndugu za Sauli, kutoka Benyamini.+
3 Kichwa alikuwa Ahiezeri, pamoja na Yoashi, wote wawili walikuwa wana wa Shemaa Mugibea;+ Yezieli na Peleti wana wa Azmaveti,+ Baraka, Yehu Mwanatoti,
4 Ishmaya Mugibeoni,+ mupiganaji-vita mwenye nguvu kati ya wale makumi tatu (30)+ na mwenye kuwa juu ya wale makumi tatu; pia Yeremia, Yahazieli, Yohanani, Yozabadi Mugedera,
5 Eluzai, Yerimoti, Bealia, Shemaria, Shefatia Muharifu,
6 Elkana, Ishia, Azareli, Yoezeri, na Yashobeamu, Wakora;+
7 na Yoela na Zebadia wana wa Yerohamu wa Gedori.
8 Wamoja kati ya Wagadi walienda kujiunga na Daudi kwenye ngome katika jangwa;+ walikuwa wapiganaji-vita wenye nguvu, maaskari wenye walizoezwa kwa ajili ya vita, wenye kusimama wakiwa tayari na ngao kubwa na mukuki, wenye nyuso zao zilikuwa kama za simba na wenye walikimbia mbio kama swala juu ya milima.
9 Ezeri alikuwa kichwa, wa pili Obadia, wa tatu (3) Eliabu,
10 wa ine (4) Mishmana, wa tano (5) Yeremia,
11 wa sita (6) Atai, wa saba (7) Elieli,
12 wa munane (8) Yohanani, wa kenda (9) Elzabadi,
13 wa kumi (10) Yeremia, wa kumi na moja (11) Makbanai.
14 Hao walikuwa Wagadi,+ vichwa vya jeshi. Mudogo zaidi alikuwa sawa na watu mia moja (100), na mukubwa zaidi alikuwa sawa na watu elfu moja (1 000).+
15 Hao ndio wanaume wenye walivuka Yordani katika mwezi wa kwanza wakati sehemu zake za pembeni zilikuwa zimejaa sana, na walifukuza watu wote wenye walikuwa wanaishi katika inchi tambarare za chini, upande wa mashariki na wa mangaribi.
16 Wamoja kati ya watu wa Benyamini na Yuda walikuja pia kwa Daudi kwenye ngome yake.+
17 Kisha Daudi akatoka na kuenda mbele yao na akawaambia: “Kama mumekuja kwangu kwa amani ili kunisaidia, moyo wangu utaungana na ninyi. Lakini kama ni kwa ajili ya kunisaliti kwa maadui wangu wakati mikono yangu haikufanya ubaya wowote, Mungu wa mababu zetu aone jambo hilo na ahukumu.”+
18 Kisha roho ikakuja juu ya* Amasai,+ kichwa cha wale makumi tatu (30):
“Sisi ni wako, Ee Daudi, na tuko pamoja na wewe, Ee mwana wa Yese.+
Amani, amani ikuwe yako, na amani ikuwe na ule mwenye anakusaidia,Kwa maana Mungu wako anakusaidia.”+
Basi Daudi akawapokea na kuwaweka kati ya vichwa vya maaskari.
19 Watu fulani kutoka Manase walikimbia pia na kujiunga na Daudi wakati alikuja pamoja na Wafilisti ili kupigana na Sauli; lakini hakusaidia Wafilisti, kwa maana kisha kufanya shauri, mabwana wa Wafilisti+ walimufukuza, na kusema: “Atakimbia na kuenda kwa Sauli bwana wake, na jambo hilo litatia vichwa vyetu katika hatari.”+
20 Wakati alienda Siklagi,+ watu hawa walikimbia kutoka Manase na kuenda kwake: Adna, Yozabadi, Yediaeli, Mikaeli, Yozabadi, Elihu, na Ziletai, vichwa vya maelfu wa Manase.+
21 Walimusaidia Daudi kupigana na kikundi cha wanyanganyi, kwa sababu wote walikuwa wenye nguvu, wenye uhodari,+ na wakakuwa viongozi katika jeshi.
22 Kila siku watu waliendelea kuja kwa Daudi+ ili kumusaidia mupaka ikakuwa kambi kubwa kama kambi ya Mungu.+
23 Hii ndiyo hesabu ya vichwa vya wale wenye kubeba silaha kwa ajili ya pigano wenye walikuja kwa Daudi kule Hebroni+ ili kumupatia ufalme wa Sauli kulingana na agizo la Yehova.+
24 Wanaume wa Yuda wenye kubeba ngao kubwa na mukuki walikuwa elfu sita na mia munane (6 800), wenye kubeba silaha kwa ajili ya pigano.
25 Kati ya Wasimeoni, wenye nguvu, wanaume hodari wa jeshi walikuwa elfu saba na mia moja (7 100).
26 Kati ya Walawi, elfu ine na mia sita (4 600).
27 Yehoyada+ alikuwa kiongozi wa wana wa Haruni,+ na watu elfu tatu na mia saba (3 700) walikuwa pamoja naye,
28 na pia Sadoki,+ kijana mwanaume mwenye nguvu na hodari, pamoja na wakubwa makumi mbili na mbili (22) kutoka katika jamaa yake ya upande wa baba.
29 Kati ya Wabenyamini, ndugu za Sauli,+ kulikuwa watu elfu tatu (3 000), wenye zamani hesabu yao kubwa walikuwa wanalinda mambo ya nyumba ya Sauli.
30 Kati ya Waefraimu, kulikuwa wanaume elfu makumi mbili na mia munane (20 800) wenye nguvu, wanaume hodari wenye sifa kati ya jamaa zao za upande wa baba.
31 Kutoka katika nusu ya kabila la Manase, kulikuwa watu elfu kumi na munane (18 000) wenye walikuwa wametajwa kwa majina ili wakuje kumufanya Daudi kuwa mufalme.
32 Kutoka katika kabila la Isakari, wenye walielewa nyakati na kujua mambo yenye Waisraeli walipaswa kufanya, kulikuwa watu mia mbili (200) kati ya vichwa vyao, na ndugu zao wote walikuwa chini ya uongozi wao.
33 Kutoka kwa Zabuloni, kulikuwa wanaume elfu makumi tano (50 000) wenye wangeweza kutumika katika jeshi, wenye kujipanga kwa ajili ya vita wakiwa na silaha zote za vita, wote wakijiunga na Daudi kwa ushikamanifu wenye haugawanyike.*
34 Kutoka kwa Naftali, kulikuwa wakubwa elfu moja (1 000), na pamoja nao kulikuwa wanaume elfu makumi tatu na saba (37 000) wenye walikuwa na ngao kubwa na mukuki.
35 Kati ya Wadani, wale wenye kujipanga kwa ajili ya vita walikuwa elfu makumi mbili na munane na mia sita (28 600).
36 Na kutoka kwa Asheri, wale wenye wangeweza kutumika katika jeshi ili kujipanga kwa ajili ya vita walikuwa elfu makumi ine (40 000).
37 Kutoka ngambo ya Yordani,+ kati ya Warubeni, Wagadi, na nusu ya kabila la Manase, kulikuwa maaskari elfu mia moja makumi mbili (120 000) wenye walikuwa na aina zote za silaha za vita.
38 Hao wote walikuwa wanaume wa vita, wenye walijiunga pamoja katika vita; walikuja Hebroni kwa moyo kamili ili kumufanya Daudi kuwa mufalme juu ya Israeli yote, na pia watu wengine wote wa Israeli walikuwa wanaungana katika nia ya* kumufanya Daudi kuwa mufalme.+
39 Na walibakia kule pamoja na Daudi kwa siku tatu (3), walikuwa wanakula na kunywa, kwa maana ndugu zao walikuwa wamefanya matayarisho kwa ajili yao.
40 Pia wale wenye walikuwa karibu nao, na hata wale wenye walikuwa mbali kufikia Isakari, Zabuloni, na Naftali, walikuwa wanaleta chakula juu ya punda, ngamia, nyumbu, na ngombe—walileta unga, keki za tini zenye zilifinywa-finywa na keki za zabibu, divai, mafuta, na ngombe na kondoo wengi sana, kwa maana kulikuwa furaha katika Israeli.
Maelezo ya Chini
^ Tnn., “ikamuvika.”
^ Ao “wote wenye kujiunga na Daudi hawakukuwa na mioyo mbili.”
^ Tnn., “walikuwa na moyo mumoja.”
