Cha Kwanza cha Mambo ya Nyakati 13:1-14
13 Daudi alifanya shauri pamoja na wakubwa wa maelfu na wa mamia na pamoja na kila kiongozi.+
2 Kisha Daudi akaambia kutaniko lote la Israeli: “Kama inaonekana muzuri kwenu na kama inakubalika kwa Yehova Mungu wetu, tutume ujumbe kwa ndugu zetu wenye kubakia katika maeneo yote ya Israeli na pia kwa makuhani na Walawi katika miji yao+ yenye malisho wakuje na wajiunge na sisi.
3 Na turudishe Sanduku+ la Mungu wetu.” Kwa maana hawakukuwa wamelihangaikia katika siku za Sauli.+
4 Kutaniko lote likakubali kufanya vile, kwa maana ilionekana muzuri kwa watu wote.
5 Basi Daudi akakusanya Israeli wote, kuanzia muto wa Misri* mupaka Lebo-Hamati,*+ ili kuleta Sanduku la Mungu wa kweli kutoka Kiriat-yearimu.+
6 Daudi na Israeli wote wakapanda kuenda Baala,+ Kiriat-yearimu, ya Yuda, ili kupandisha kutoka kule Sanduku la Mungu wa kweli, Yehova, mwenye kukaa akiwa mufalme juu ya* makerubi,+ mahali kwenye jina lake linaitiwa.
7 Lakini, wakaweka Sanduku la Mungu wa kweli juu ya gari la mupya la kukokotwa+ na kulileta kutoka katika nyumba ya Abinadabu, na Uza na Ahio walikuwa wanaongoza gari hilo la kukokotwa.+
8 Daudi na Israeli wote walikuwa wanashangilia mbele ya Mungu wa kweli kwa nguvu zao zote, kwa nyimbo, vinubi, vyombo vingine vya kamba, ngoma za kidogo,*+ matoazi,+ na tarumbeta.+
9 Lakini wakati walifika kwenye kiwanja cha kupigia-pigia nafaka cha Kidoni, Uza akanyoosha mukono wake na kukamata lile Sanduku, kwa sababu wale ngombe walikuwa karibu kuliangusha.
10 Halafu kasirani ya Yehova ikawaka juu ya Uza, na Yeye akamupiga na kumuua kwa sababu alikuwa amenyoosha mukono wake juu ya lile Sanduku,+ na akakufa pale mbele ya Mungu.+
11 Lakini Daudi akakasirika kwa sababu kasirani kali ya Yehova ilikuwa imemulipukia Uza; na mahali pale pamekuwa pakiitwa Peres-uza* mupaka leo.
12 Basi Daudi akamuogopa Mungu wa kweli siku hiyo na kusema: “Namna gani ninaweza kuleta kwangu Sanduku la Mungu wa kweli?”+
13 Daudi hakuleta Sanduku hilo mahali kwenye alikuwa katika Muji wa Daudi, lakini aliagiza lipelekwe katika nyumba ya Obed-edomu Mugati.
14 Sanduku la Mungu wa kweli lilikuwa pamoja na nyumba ya Obed-edomu, lilibakia katika nyumba yake kwa miezi tatu (3), na Yehova akaendelea kubariki nyumba ya Obed-edomu na vitu vyote vyenye alikuwa navyo.+
Maelezo ya Chini
^ Ao “kuanzia Shihori ya Misri.”
^ Ao “muingilio wa Hamati.”
^ Ao pengine, “katikati ya.”
^ Ao “matari.”
^ Maana yake “Mulipuko Juu ya Uza.”
