Cha Kwanza cha Samweli 10:1-27
10 Kisha Samweli akakamata chupa ya mafuta na kuyamwanga juu ya kichwa cha Sauli.+ Akamubusu na kusema: “Yehova amekutia mafuta ili ukuwe kiongozi+ juu ya uriti wake, haiko vile?+
2 Wakati utaniacha leo, utakuta wanaume wawili karibu na kaburi la Raheli+ katika eneo la Benyamini kule Selsa, na watakuambia, ‘Punda wenye ulienda kutafuta wamepatikana, lakini sasa baba yako amesahau kuhusu punda hao+ na anahangaika kwa sababu yako. Anasema: “Nitafanya nini kuhusu mwana wangu?”’
3 Kutoka kule uende mupaka kwenye muti mukubwa wa Tabori, na kule utakutana wanaume watatu (3) wakipanda kuenda kwa Mungu wa kweli kule Beteli,+ mumoja amebeba wana-mbuzi watatu, mwingine amebeba mikate tatu, na mwingine amebeba mutungi mukubwa wa divai.
4 Watauliza kama uko salama na watakupatia mikate mbili, na unapaswa kukubali mikate hiyo kutoka kwao.
5 Kisha utafika kwenye kilima cha Mungu wa kweli, mahali kwenye kuwa kambi ya kijeshi ya Wafilisti. Wakati utafika katika muji, utakutana kikundi cha manabii wakishuka kutoka mahali pa juu, na chombo cha kamba na ngoma ya kidogo* na filimbi na kinubi vitapigwa mbele yao wakati watakuwa wanatoa unabii.
6 Roho ya Yehova itakutia nguvu,+ na utatoa unabii pamoja nao na utabadilishwa kuwa mutu tofauti.+
7 Wakati alama hizo zitakuwa zimetokea, fanya jambo lolote lenye mukono wako unaweza kufanya, kwa sababu Mungu wa kweli iko* pamoja na wewe.
8 Kisha ushuke na kunitangulia kuenda Gilgali,+ na nitashuka kukufuata kule ili nitoe zabihu za kuteketezwa na zabihu za ushirika. Utangojea kwa siku saba (7) mupaka nifike. Halafu nitakujulisha jambo lenye unapaswa kufanya.”
9 Wakati tu Sauli aligeuka ili amuache Samweli, Mungu akaanza kubadilisha moyo wake ukuwe kama wa mutu mwingine, na alama hizo zote zikatimia siku hiyo.
10 Kwa hiyo wakatoka pale na kupanda kwenye kilima, na kikundi cha manabii kikakutana naye. Mara moja roho ya Mungu ikamutia nguvu,+ na akaanza kutoa unabii+ kati yao.
11 Wakati watu wote wenye walimujua zamani walimuona akitoa unabii pamoja na manabii, wakaambiana: “Mwana wa Kishi amepatwa na nini? Je, Sauli pia iko* kati ya manabii?”
12 Basi mutu fulani wa mahali pale akasema: “Lakini baba yao ni nani?” Kwa hiyo kukakuwa usemi:* “Je, Sauli pia iko* kati ya manabii?”+
13 Wakati alimaliza kutoa unabii, akaenda mahali pa juu.
14 Kisha wakati fulani ndugu ya baba ya Sauli akamuuliza Sauli na mutumishi wake: “Mulienda wapi?” Akajibu: “Kutafuta punda,+ lakini tuliona kwamba hawakukuwa kule, kwa hiyo tukaenda kwa Samweli.”
15 Ndugu ya baba ya Sauli akauliza: “Tafazali uniambie, Samweli aliwaambia nini?”
16 Sauli akamujibu ndugu ya baba yake: “Alituambia kwamba tayari punda wamepatikana.” Lakini Sauli hakumuambia mambo yenye Samweli alisema kuhusu jambo la ufalme.
17 Kisha Samweli akaita watu ili wakusanyike mbele ya Yehova kule Mispa,+
18 na akaambia Waisraeli: “Yehova, Mungu wa Israeli anasema hivi: ‘Mimi ndiye nilipandisha Israeli kutoka Misri na kuwaokoa katika mukono wa Misri+ na katika mukono wa falme zote zenye zilikuwa zinawakandamiza.
19 Lakini leo mumemukataa Mungu wenu+ mwenye alikuwa Mwokozi wenu katika maovu yenu yote na taabu zenu, na mulisema: “Hapana, unapaswa kuweka mufalme juu yetu.” Sasa musimame mbele ya Yehova kulingana na makabila yenu na kulingana na maelfu yenu.’”*
20 Kwa hiyo Samweli akafanya makabila yote ya Israeli yakaribie,+ na kabila la Benyamini likachaguliwa.+
21 Kisha akafanya kabila la Benyamini likaribie kulingana na familia zao, na familia ya Wamatri ikachaguliwa. Mwishowe Sauli mwana wa Kishi akachaguliwa.+ Lakini wakati walienda kumutafuta, hawakumupata mahali popote.
22 Kwa hiyo wakamuuliza Yehova:+ “Je, mutu huyo tayari amekuja hapa?” Yehova akajibu: “Amejificha pale kati ya mizigo.”
23 Kwa hiyo wakakimbia na kumuleta kutoka mahali pale. Wakati alisimama katikati ya watu, alikuwa murefu kuliko watu wote kuanzia kwenye mabega mupaka kwenye kichwa.+
24 Samweli akaambia watu wote: “Je, munaona ule mwenye Yehova amechagua,+ kwamba hakuna mutu mwenye kuwa kama yeye kati ya watu wote?” Na watu wote wakaanza kusema kwa sauti kubwa: “Mufalme aishi siku nyingi!”
25 Samweli akaambia watu kuhusu haki ya wafalme+ na kuiandika katika kitabu na kukiweka mbele ya Yehova. Kisha Samweli akaacha watu wote waende, kila mutu kwenye nyumba yake.
26 Sauli pia akaenda kwenye nyumba yake kule Gibea, alikuwa pamoja na wapiganaji-vita wenye Yehova alikuwa amegusa mioyo yao.
27 Lakini watu fulani wenye hawana mafaa yoyote wakasema: “Huyu atatuokoa namna gani?”+ Kwa hiyo wakamuzarau, na hawakumuletea zawadi yoyote.+ Lakini hakusema kitu kuhusu jambo hilo.*
Maelezo ya Chini
^ Ao “tari.”
^ Ao “eko.”
^ Ao “eko.”
^ Ao “eko.”
^ Ao “mezali.”
^ Ao “ukoo wenu mbalimbali.”
^ Tnn., “Na alikuwa kama bubu.”
