Cha Pili cha Wafalme 1:1-18
-
Eliya anatabiri kifo cha Ahazia (1-18)
1 Kisha kifo cha Ahabu, Moabu+ waliasi Israeli.
2 Ni wakati huo ndio Ahazia alianguka chini kupitia tundu lenye lilikuwa katika chumba chake cha juu katika Samaria na akaumia. Kwa hiyo akatuma wajumbe na kuwaambia: “Muende, mumuulize Baal-zebubu mungu wa Ekroni+ ili kujua kama nitapona kidonda hiki.”+
3 Lakini malaika wa Yehova akamuambia Eliya*+ Mutishbi: “Simama, uende kukutana na wajumbe wa mufalme wa Samaria na uwaambie, ‘Je, ni kwa sababu hakuna Mungu katika Israeli ndiyo maana munaenda kumuuliza Baal-zebubu mungu wa Ekroni?+
4 Kwa hiyo Yehova anasema hivi: “Hautatoka katika kitanda chenye unalalia, kwa maana hakika utakufa.”’” Kisha Eliya akaenda.
5 Wakati wajumbe hao walirudia kwa Ahazia, mara moja akawaambia: “Sababu gani mumerudia?”
6 Wakamujibu: “Kuko mutu mwenye alikuja kukutana na sisi, na akatuambia, ‘Muende, murudie kwa mufalme mwenye aliwatuma na mumuambie, “Yehova anasema hivi: ‘Je, ni kwa sababu hakuna Mungu katika Israeli ndiyo maana munaenda kuuliza Baal-zebubu mungu wa Ekroni? Kwa hiyo, hautatoka katika kitanda chenye unalalia, kwa maana hakika utakufa.’”’”+
7 Kisha mufalme akawauliza: “Mutu mwenye alikuja kukutana na ninyi na kuwaambia maneno hayo alikuwa namna gani?”
8 Basi wakamuambia: “Alikuwa mwanaume mwenye kuvaa nguo za manyoya+ na mukaba* wa ngozi kwenye kiuno chake.”+ Mara moja akasema: “Ni Eliya Mutishbi.”
9 Kisha mufalme akatuma kwa Eliya mukubwa wa watu makumi tano (50) na wanaume wake makumi tano. Wakati alipanda kuenda kwa Eliya, alikuwa anakaa kwenye kichwa cha mulima. Akamuambia: “Mutu wa Mungu wa kweli,+ mufalme anasema hivi: ‘Shuka chini.’”
10 Lakini Eliya akamujibu ule mukubwa wa watu makumi tano (50): “Sawa, kama mimi ni mutu wa Mungu, moto ushuke kutoka mbinguni+ na ukuteketeze wewe pamoja na wanaume wako makumi tano.” Na moto ukashuka kutoka mbinguni na ukamuteketeza yeye pamoja na wanaume wake makumi tano.
11 Kwa hiyo mufalme akatuma tena kwa Eliya mukubwa mwingine wa watu makumi tano (50) na wanaume wake makumi tano. Akaenda na kumuambia: “Mutu wa Mungu wa kweli, mufalme anasema hivi: ‘Shuka chini haraka.’”
12 Lakini Eliya akawajibu: “Kama mimi ni mutu wa Mungu wa kweli, moto ushuke kutoka mbinguni na ukuteketeze wewe pamoja na wanaume wako makumi tano (50).” Na moto wa Mungu ukashuka kutoka mbinguni na ukamuteketeza yeye pamoja na wanaume wake makumi tano.
13 Kisha mufalme akatuma tena mukubwa wa tatu (3) wa watu makumi tano (50) na wanaume wake makumi tano. Lakini ule mukubwa wa tatu wa watu makumi tano akapanda na akainama na akapiga magoti mbele ya Eliya na akaanza kuomba rehema na kumuambia: “Mutu wa Mungu wa kweli, tafazali, acha uzima wangu na uzima wa watumishi wako hawa makumi tano ukuwe* na samani mbele ya macho yako.
14 Tayari moto umeshuka kutoka mbinguni na kuteketeza wale wakubwa wawili wa kwanza wa watu makumi tano (50) na vikundi vyao vya watu makumi tano, lakini sasa acha uzima wangu ukuwe* na samani mbele ya macho yako.”
15 Halafu malaika wa Yehova akamuambia Eliya: “Shuka pamoja naye. Usimuogope.” Basi akasimama na akashuka na kuenda pamoja naye kwa mufalme.
16 Kisha Eliya akamuambia mufalme: “Yehova anasema hivi: ‘Ulituma wajumbe wamuulize Baal-zebubu mungu wa Ekroni.+ Je, ni kwa sababu hakuna Mungu katika Israeli?+ Sababu gani haukuuliza neno lake? Kwa hiyo, hautatoka katika kitanda chenye unalalia, kwa maana hakika utakufa.’”
17 Kwa hiyo akakufa, kulingana na neno la Yehova lenye Eliya alikuwa amesema; na kwa sababu hakukuwa na mwana, Yehoramu*+ akakuwa mufalme pa nafasi yake, katika mwaka wa pili wa Yehoramu+ mwana wa Yehoshafati mufalme wa Yuda.
18 Na mambo mengine ya historia ya Ahazia,+ mambo yenye alifanya, je, hayaandikwe katika kitabu cha historia ya nyakati za wafalme wa Israeli?
Maelezo ya Chini
^ Maana yake “Mungu Wangu Ni Yehova.”
^ Ao “mushipi.”
^ Ao “nafsi yangu na nafsi za watumishi wako hawa makumi tano zikuwe.”
^ Ao “nafsi yangu ikuwe.”
^ Ni kusema, ndugu ya Ahazia.
