Cha Pili cha Wafalme 13:1-25
13 Katika mwaka wa makumi mbili na tatu (23) wa Yehoashi+ mwana wa Ahazia+ mufalme wa Yuda, Yehoahazi mwana wa Yehu+ akakuwa mufalme juu ya Israeli katika Samaria, na alitawala kwa miaka kumi na saba (17).
2 Aliendelea kufanya mambo ya mubaya mbele ya macho ya Yehova, na aliendelea katika zambi yenye Yeroboamu mwana wa Nebati alikuwa amefanya Israeli watende.+ Hakugeuka na kuiacha.
3 Basi kasirani ya Yehova+ ikawaka juu ya Israeli,+ na akawatia katika mukono wa Mufalme Hazaeli+ wa Siria na katika mukono wa Ben-hadadi+ mwana wa Hazaeli siku zao zote.
4 Kisha wakati fulani Yehoahazi akaomba rehema ya* Yehova, na Yehova akamusikiliza, kwa maana alikuwa ameona ukandamizaji wenye mufalme wa Siria alikuwa ameleta juu ya Israeli.+
5 Basi Yehova akapatia Israeli mwokozi+ ili awakomboe kutoka katika mukono wa Siria, na Waisraeli wakakaa katika nyumba zao kama zamani.*
6 (Lakini, hawakuacha zambi ya nyumba ya Yeroboamu yenye alikuwa amefanya Israeli watende.+ Waliendelea katika zambi hiyo,* na muti mutakatifu*+ uliendelea kusimama katika Samaria.)
7 Yehoahazi alibakia tu na jeshi lenye wapanda-farasi makumi tano (50), magari kumi (10), na maaskari elfu kumi (10 000) wenye kutembea kwa miguu, kwa sababu mufalme wa Siria alikuwa amewaharibu,+ akiwakanyanga-kanyanga kama mavumbi wakati wa kupiga-piga nafaka.+
8 Na mambo mengine ya historia ya Yehoahazi, mambo yote yenye alifanya, na nguvu zake, je, hayaandikwe katika kitabu cha historia ya nyakati za wafalme wa Israeli?
9 Kisha Yehoahazi akalalishwa na kupumuzika pamoja na mababu zake, na wakamuzika katika Samaria;+ na Yehoashi mwana wake akakuwa mufalme pa nafasi yake.
10 Katika mwaka wa makumi tatu na saba (37) wa Mufalme Yehoashi wa Yuda, Yehoashi+ mwana wa Yehoahazi akakuwa mufalme juu ya Israeli katika Samaria, na alitawala kwa miaka kumi na sita (16).
11 Akaendelea kufanya mambo ya mubaya mbele ya macho ya Yehova, hakuacha zambi zote zenye Yeroboamu mwana wa Nebati alikuwa amefanya Israeli watende.+ Aliendelea* katika zambi hizo.
12 Na mambo mengine ya historia ya Yehoashi, mambo yote yenye alifanya, na nguvu zake na namna alipigana na Mufalme Amazia wa Yuda,+ je, hayaandikwe katika kitabu cha historia ya nyakati za wafalme wa Israeli?
13 Kisha Yehoashi akalalishwa na kupumuzika pamoja na mababu zake, na Yeroboamu*+ akakaa kwenye kiti chake cha ufalme. Na Yehoashi akazikwa katika Samaria pamoja na wafalme wa Israeli.+
14 Sasa wakati Elisha+ alipata ugonjwa wenye ulifikia kutokeza kifo chake, Yehoashi mufalme wa Israeli akashuka kuenda kwa Elisha na kulia juu yake akimukumbatia, akisema: “Baba yangu, baba yangu! Gari la Israeli na wapanda-farasi wake!”+
15 Kisha Elisha akamuambia: “Kamata upinde na mishale.” Basi akakamata upinde na mishale.
16 Kisha akamuambia mufalme wa Israeli: “Tia mukono wako kwenye upinde.” Basi akatia mukono wake kwenye upinde, halafu Elisha akatia mikono yake juu ya mikono ya mufalme.
17 Kisha akasema: “Fungua dirisha la upande wa mashariki.” Basi akalifungua. Elisha akasema: “Piga!” Basi akapiga. Sasa akasema: “Mushale wa ushindi* wa Yehova, mushale wa ushindi* juu ya Siria! Wewe utapiga* Siria kule Afeki+ mupaka uiharibu kabisa.”
18 Akaendelea kusema: “Kamata mishale,” na akaikamata. Kisha akamuambia mufalme wa Israeli: “Piga chini.” Basi akapiga chini mara tatu (3) na akaacha.
19 Halafu ule mutu wa Mungu wa kweli akamukasirikia sana na kusema: “Ulipaswa kupiga chini mara tano (5) ao mara sita (6)! Halafu ungepiga Siria mupaka uiharibu, lakini sasa utapiga Siria mara tatu (3) tu.”+
20 Kisha, Elisha akakufa na kuzikwa. Kulikuwa vikundi vya wanyanganyi Wamoabu+ vyenye vilikuwa vinakuja katika inchi kwenye mwanzo wa mwaka.*
21 Wakati wanaume fulani walikuwa wanazika mutu, waliona kikundi cha wanyanganyi, kwa hiyo wakamutupa haraka ule mutu ndani ya kaburi la Elisha na kukimbia. Wakati mutu huyo aligusa mifupa ya Elisha, akafufuka+ na kusimama kwa miguu yake.
22 Sasa Mufalme Hazaeli+ wa Siria alikandamiza Israeli+ siku zote za Yehoahazi.
23 Hata hivyo, Yehova akawaonyesha wema+ na rehema na akaonyesha kuwa anawahangaikia kwa ajili ya agano lake na Abrahamu,+ Isaka,+ na Yakobo.+ Hakutaka kuwaharibu, na hakuwatupilia mbali kutoka mbele yake mupaka leo.
24 Wakati mufalme Hazaeli wa Siria alikufa, Ben-hadadi mwana wake akakuwa mufalme pa nafasi yake.
25 Kisha Yehoashi mwana wa Yehoahazi akakamata tena miji yenye Ben-hadadi mwana wa Hazaeli alikuwa amekamata katika vita kutoka kwa Yehoahazi baba yake. Yehoashi alimupiga* mara tatu (3),+ na akarudisha miji ya Israeli.
Maelezo ya Chini
^ Ao “akatuliza uso wa.”
^ Ni kusema, kwa amani na usalama.
^ Tnn., “Ndani yake alitembea.”
^ Angalia Maana ya Maneno.
^ Tnn., “Alitembea.”
^ Ni kusema, Yeroboamu wa Pili.
^ Ao “wokovu.”
^ Ao “wokovu.”
^ Ao “Utapata ushindi juu ya.”
^ Tnn., “wakati mwaka unaingia,” inawezekana ni katika kipindi cha mvua ya mwisho.
^ Ao “alipata ushindi juu yake.”
