Amosi 3:1-15
3 “Musikie neno hili lenye Yehova amesema juu yenu, Enyi watu wa Israeli, juu ya familia yote yenye nilipandisha kutoka inchi ya Misri:
2 ‘Ninyi peke yenu ndio nimejua kati ya familia zote za dunia.+
Ndiyo maana nitawaomba mutoe hesabu kwa sababu ya makosa yenu yote.+
3 Je, watu wawili watatembea pamoja kama hawakusikilizana kukutana?*
4 Je, simba atanguruma katika pori wakati hana mawindo?
Je, mwana-simba* atanguruma katika maficho yake wakati hakukamata kitu?
5 Je, ndege ataanguka katika mutego wenye kuwa chini wakati hakuna kitu cha kumunasa?*
Je, mutego utafyatuka kutoka chini wakati haukukamata kitu?
6 Kama baragumu inapigwa katika muji, je, watu hawatatetemeka?
Kama musiba unatokea katika muji, je, haiko Yehova ndiye ametenda?
7 Kwa maana Bwana Mwenye Mamlaka Makubwa Zaidi Yehova hatafanya jambo fulani
Kama hajafunulia watumishi wake manabii jambo lake la siri.*+
8 Simba amenguruma!+ Ni nani mwenye hataogopa?
Bwana Mwenye Mamlaka Makubwa Zaidi Yehova amesema! Ni nani mwenye hatatoa unabii?’+
9 ‘Mutangaze jambo hilo juu ya minara yenye ngome ya Ashdodi
Na juu ya minara yenye ngome katika inchi ya Misri.
Museme: “Mukusanyike ili kushambulia milima ya Samaria;+
Mujionee muvurugo katikati yake
Na upunjaji wenye kuwa ndani yake.+
10 Kwa maana hawajue kufanya mambo yenye kuwa sawa,” ni vile Yehova anasema,
“Wale wenye kukusanya jeuri na uharibifu katika minara yao yenye ngome.”’
11 Kwa hiyo Bwana Mwenye Mamlaka Makubwa Zaidi Yehova anasema hivi:
‘Adui atazunguka inchi,+
Ataondoa juu yenu nguvu yenu,
Na vitu vyenye kuwa katika minara yenu yenye ngome vitanyanganywa.’+
12 Yehova anasema hivi:
‘Kama vile muchungaji anatosha kwa nguvu miguu mbili ao kipande cha sikio la kondoo katika kinywa cha simba,
Ni vile watu wa Israeli watatoshwa kwa nguvu,
Wale wenye kukaa sasa katika Samaria kwenye vitanda vya muzuri sana na viti vya muzuri sana.’*+
13 ‘Musikie na kuonya* nyumba ya Yakobo,’ ni vile Bwana Mwenye Mamlaka Makubwa Zaidi Yehova, Mungu wa majeshi, anasema.
14 ‘Kwa maana siku yenye nitaomba Israeli atoe hesabu kwa sababu ya matendo yake yote ya kuasi,*+
Nitaomba pia hesabu itolewe juu ya mazabahu za Beteli;+
Pembe za mazabahu zitakatwa na kuanguka chini.+
15 Nitabomoa nyumba ya kipindi cha baridi pamoja na nyumba ya kipindi cha joto.’
‘Nyumba za pembe za tembo zitaharibiwa,+
Na nyumba kubwa-kubwa* hazitakuwa tena,’+ ni vile Yehova anasema.”
Maelezo ya Chini
^ Ao “hawakupatana kukutana?”
^ Ao “mwana-simba mwenye manyoya ya murefu kwenye shingo.”
^ Ao pengine, “wakati hakuna chambo ndani yake.”
^ Ao “siri yake.”
^ Ao “viti vya Damasko.”
^ Ao “kutoa ushahidi juu ya.”
^ Ao “matendo yake yote ya mubaya.”
^ Ao pengine, “Na nyumba nyingi.”
