Amosi 5:1-27
5 “Musikie neno hili lenye ninasema juu yenu kama wimbo wa huzuni,* Ee nyumba ya Israeli:
2 ‘Israeli, bikira, ameanguka;
Hawezi kusimama tena.
Ameachwa peke yake juu ya inchi yake mwenyewe;
Hakuna mutu wa kumuinua.’
3 “Kwa maana Bwana Mwenye Mamlaka Makubwa Zaidi Yehova anasema hivi:
‘Muji wenye kutoka na wanaume elfu moja (1 000) utabakia na wanaume mia moja (100);
Na ule wenye kutoka na wanaume mia moja utabakia na wanaume kumi (10), kwa ajili ya nyumba ya Israeli.’+
4 “Kwa maana Yehova anaambia nyumba ya Israeli hivi:
‘Munitafute na muendelee kuishi.+
5 Musitafute muji wa Beteli,+
Musiende katika muji wa Gilgali+ wala musivuke kuenda Beer-sheba,+
Kwa sababu hakika muji wa Gilgali utaenda katika uhamisho,+
Na muji wa Beteli utageuka kuwa kitu bure.*
6 Mumutafute Yehova na muendelee kuishi,+
Ili asilipuke kama moto juu ya nyumba ya Yosefu,
Kwa kuteketeza Beteli, pasipo mutu wa kuzimisha moto huo.
7 Munageuza haki kuwa pakanga,*
Na munatupa chini uadilifu.*+
8 Ule mwenye alifanya kundi la nyota la Kima* na kundi la nyota la Kesili,*
Ule mwenye anageuza kivuli kizito kuwa asubui,
Ule mwenye anafanya muchana ukuwe giza kama usiku,+
Ule mwenye anaita maji ya bahari
Ili ayamwange juu ya uso wa dunia+
—Yehova ndilo jina lake.
9 Atafanya uharibifu ukuje kwa kushitukia juu ya wenye nguvu,
Na kuleta uharibifu juu ya mahali kwenye ngome.
10 Wanachukia wale wenye kutoa karipio kwenye mulango mukubwa wa muji,
Na wanachukia wale wenye kusema kweli.+
11 Kwa sababu munalipisha maskini kodi ya shamba
Na munakamata nafaka yake kuwa ushuru,+
Hamutaendelea kuishi katika nyumba zenye mumejenga kwa majiwe yenye kuchongwa+
Wala hamutakunywa divai yenye kutoka katika mashamba ya muzuri ya mizabibu yenye mumepanda.+
12 Kwa maana ninajua kwamba matendo yenu ya kuasi* ni mengi sana
Na namna zambi zenu ni kubwa sana
—Munatesa wenye haki,
Munakamata rushwa,*
Na munaima maskini haki zao kwenye mulango mukubwa wa muji.+
13 Kwa hiyo, wale wenye kuwa na ufahamu watakaa kimya wakati huo,
Kwa sababu utakuwa wakati wa taabu.+
14 Mutafute mambo ya muzuri, hapana mambo ya mubaya,+
Ili muendelee kuishi.+
Na Yehova Mungu wa majeshi atakuwa pamoja na ninyi,
Kama vile munasema iko.*+
15 Muchukie mambo ya mubaya, na mupende mambo ya muzuri,+
Muache haki itawale katika mulango mukubwa wa muji.+
Pengine Yehova Mungu wa majeshi
Ataonyesha wema watu wenye kubakia wa Yosefu.’+
16 “Kwa hiyo, Yehova Mungu wa majeshi, Yehova, anasema hivi:
‘Watu wataomboleza katika viwanja vyote vya watu wote,
Na katika barabara zote watasema: “Ole! ole!”
Wataita walimaji wakuje kuomboleza
Na watu wenye kujua kuomboleza ili wakuje kulia.’
17 ‘Watu wataomboleza katika mashamba yote ya mizabibu;+
Kwa maana nitapita katikati yenu,’ ni vile Yehova anasema.
18 ‘Ole wenu ninyi wenye kutamani sana siku ya Yehova!+
Lakini siku ya Yehova itakuwa na maana gani kwenu?+
Itakuwa giza, hapana mwangaza.+
19 Itakuwa kama mutu mwenye anakimbia simba, kisha anakutana na dubu,
Na wakati anaingia katika nyumba yake na kuegemeza mukono wake kwenye ukuta, nyoka anamuuma.
20 Siku ya Yehova, je, haitakuwa giza, na hapana mwangaza;
Je, haitakuwa giza kubwa, na hapana uangavu?
21 Ninachukia, ninazarau sikukuu zenu,+
Na sifurahie harufu ya mikusanyiko yenu mikubwa.
22 Hata mukinitolea matoleo ya kuteketezwa na matoleo ya zawadi,
Sitazifurahia;+
Na sitakubali zabihu zenu za ushirika za wanyama wenye kunenepa.+
23 Mutoshe mbele yangu makelele ya nyimbo zenu;
Na sitaki kusikia muziki wa vyombo vyenu vya kamba.+
24 Muache haki itiririke kama maji,+
Na uadilifu* kama muto mudogo wenye unaendelea kutiririka.
25 Je, muliniletea zabihu na matoleo ya zawadi
Wakati mulikuwa katika jangwa ile miaka makumi ine (40), Ee nyumba ya Israeli?+
26 Sasa mutalazimika kubeba Sakuti mufalme wenu na Kaiwani,*
Sanamu zenu, nyota ya mungu wenu mwenye mulijitengenezea,
27 Na nitawafanya muende katika uhamisho mbali sana na Damasko,’+ ni vile anasema yeye mwenye jina lake ni Yehova Mungu wa majeshi.”+
Maelezo ya Chini
^ Ao “wimbo wa maombolezo.”
^ Ao pengine, “utakuwa kitu cha uchawi.”
^ Angalia Maana ya Maneno.
^ Ao “uchungu.”
^ Pengine ni nyota zenye kuitwa Pleiadesi katika kundi la nyota la Taurusi, ao Ngombe.
^ Pengine ni kundi la nyota la Orioni.
^ Ao “kata-midomo.”
^ Ao “matendo yenu ya mubaya.”
^ Ao “eko.”
^ Angalia Maana ya Maneno.
^ Pengine miungu hiyo ni sayari ya Zohali (Saturne), yenye iliabudiwa kama mungu.
