Ezekieli 1:1-28
1 Katika mwaka wa makumi tatu (30), siku ya tano (5) ya mwezi wa ine (4), wakati nilikuwa pembeni ya muto Kebari+ kati ya watu wenye walihamishwa,+ mbingu zilifunguka na nilianza kuona maono ya Mungu.
2 Katika siku ya tano (5) ya mwezi huo—ni kusema, katika mwaka wa tano wa uhamisho wa mufalme Yehoyakini+—
3 neno la Yehova likakuja kwa Ezekieli* mwana wa Buzi kuhani pembeni ya muto Kebari katika inchi ya Wakaldayo.+ Pale, mukono wa Yehova ukakuja juu yake.+
4 Wakati nilikuwa ninaangalia, niliona upepo wa zoruba+ ukikuja kutoka kaskazini, na kulikuwa wingu kubwa na moto wenye kumeta-meta*+ wenye ulizungukwa na nuru yenye kungaa, na kutoka katikati ya ule moto kulikuwa kitu chenye kufanana na elektramu.*+
5 Katikati yake kulikuwa kitu chenye kilifanana na viumbe ine (4) vyenye uzima,+ na kila kimoja kilionekana kama mwanadamu.
6 Kila kimoja cha viumbe hivyo kilikuwa na nyuso ine (4) na mabawa ine.+
7 Miguu ya viumbe hivyo ilikuwa imenyooka, na vikanyangio vya miguu ya viumbe hivyo vilikuwa kama vikanyangio vya kitoto-dume cha ngombe, na vilikuwa vinangaa kama vile kungaa kwa shaba yenye kungarishwa.+
8 Vilikuwa na mikono ya mwanadamu chini ya mabawa yavyo pande zote ine (4), na vyote ine vilikuwa na nyuso na mabawa.
9 Mabawa ya viumbe hivyo yalikuwa yanagusana. Havikukuwa vinageuka wakati vilikuwa vinaenda; kila kimoja cha viumbe hivyo kilikuwa kinaenda mbele moja kwa moja.+
10 Nyuso za viumbe hivyo zilionekana hivi: Kila kimoja cha viumbe hivyo ine (4) kilikuwa na uso wa mwanadamu na uso wa simba+ upande wa kuume, uso wa ngombe-dume+ upande wa kushoto, na kila kimoja cha viumbe hivyo ine kilikuwa na uso wa tai.+
11 Ni vile nyuso za viumbe hivyo zilikuwa. Mabawa ya viumbe hivyo yalikuwa yamenyooshwa juu yao. Kila kimoja cha viumbe hivyo kilikuwa na mabawa mbili yenye yalikuwa yanagusana na mabawa mbili yenye kufunika miili yao.+
12 Kila kimoja cha viumbe hivyo kilikuwa kinaenda mbele moja kwa moja, vilienda mahali popote penye roho ilitaka viende.+ Havikukuwa vinageuka wakati vilikuwa vinaenda.
13 Na vile viumbe vyenye uzima vilionekana kama makaa ya moto yenye kuwaka, na kitu chenye kilifanana na mienge ya moto wenye kungaa kilikuwa kinaenda mbele na nyuma katikati ya viumbe hivyo vyenye uzima, na umeme wa radi ulikuwa unangaa kutoka katika ule moto.+
14 Na wakati viumbe hivyo vyenye uzima vilienda na kurudia, mwendo wa viumbe hivyo ulionekana kama miangaza ya umeme wa radi.
15 Wakati nilikuwa ninaangalia viumbe hivyo vyenye uzima, niliona gurudumu* moja katika dunia pembeni ya kila kimoja cha viumbe hivyo vyenye uzima vyenye viko na nyuso ine (4).+
16 Magurudumu* hayo na muundo wake vilionekana vyenye kungaa kama krisolito, na yote ine (4) yalifanana. Kuonekana kwa magurudumu hayo na muundo wake vilikuwa kama vile gurudumu lilikuwa ndani ya gurudumu lingine.*
17 Wakati yalienda, yangeweza kuenda upande wowote wa zile pande ine bila kugeuka wakati yalikuwa yanaenda.
18 Mizingo* yake ilikuwa juu sana kiasi ya kwamba iliogopesha sana, na mizingo ya yote ine (4) ilikuwa imejaa macho kuizunguka pande zote.+
19 Kila mara wakati viumbe vyenye uzima vilienda, yale magurudumu* yalikuwa yanaenda pamoja navyo, na wakati vile viumbe vyenye uzima viliinuliwa kutoka katika dunia, yale magurudumu yaliinuliwa pia.+
20 Yalikuwa yanasonga mahali kwenye roho ilitaka yaende, mahali popote kwenye roho ilienda. Magurudumu* yalikuwa yanainuliwa pamoja na viumbe hivyo, kwa maana roho yenye ilikuwa inatenda juu ya vile viumbe vyenye uzima* ilikuwa pia ndani ya yale magurudumu.
21 Wakati vilienda, hayo yalienda; na wakati vilisimama, nayo yalisimama; na wakati viliinuliwa kutoka katika dunia, magurudumu* yalikuwa yanainuliwa pamoja na viumbe hivyo, kwa maana roho yenye ilikuwa inatenda juu ya vile viumbe vyenye uzima ilikuwa pia ndani ya yale magurudumu.
22 Juu ya vichwa vya vile viumbe vyenye uzima kulikuwa mufano wa anga lenye kumeta-meta kama barafu yenye kuogopesha, lenye kutandikwa juu ya vichwa vya viumbe hivyo.+
23 Chini ya anga hilo mabawa yao yalikuwa yamenyooka,* moja kuelekea lingine. Kila mumoja alikuwa na mabawa mbili ya kufunika upande mumoja wa miili yao na mbili ya kufunika upande mwingine.
24 Wakati nilisikia sauti ya mabawa ya viumbe hivyo, ilikuwa kama sauti ya maji yenye kuteremuka haraka, kama sauti ya Mweza-Yote.+ Wakati vilienda, ilikuwa kama sauti ya jeshi. Wakati vilisimama, vilishusha mabawa yavyo.
25 Kulikuwa sauti juu ya anga lenye lilikuwa juu ya vichwa vya viumbe hivyo. (Wakati vilisimama, vilishusha mabawa yavyo.)
26 Juu ya anga lenye lilikuwa juu ya vichwa vyao kulikuwa kitu chenye kilionekana kama jiwe la yakuti,+ na kilifanana na kiti cha ufalme.+ Mwenye alikaa kwenye kiti cha ufalme juu alikuwa mutu fulani mwenye alionekana kama mwanadamu.+
27 Niliona kitu chenye kungaa kama elektramu+ chenye kilikuwa kama moto wenye ulikuwa unangaa kutoka kile chenye kilionekana kuwa kiuno chake na kuenda juu; na kutoka kwenye kiuno chake kuenda chini, niliona kitu chenye kilifanana na moto.+ Kulikuwa mwangaza kumuzunguka pande zote
28 kama mwangaza wa upinde wa mvua+ katika wingu siku ya mvua. Ni vile mwangaza wenye kungaa wenye ulizunguka pande zote ulionekana. Ulikuwa kama kuonekana kwa utukufu wa Yehova.+ Wakati niliuona, nikaanguka uso chini na nikaanza kusikia sauti ya mutu akizungumuza.
Maelezo ya Chini
^ Maana yake “Mungu Anatia Nguvu.”
^ Ao “umeme wa radi.”
^ Muchanganyiko wenye kungaa wa zahabu na feza.
^ Ao “mupeto; pneu.”
^ Ao “mipeto; pneus.”
^ Pengine yalikutana katikati ya kipenyo kilekile yakifanyiza pembe muraba.
^ Ao “Jantes.”
^ Ao “mipeto; pneus.”
^ Ao “mipeto; pneus.”
^ Tnn., “roho ya kiumbe chenye uzima.”
^ Ao “mipeto; pneus.”
^ Ao pengine, “yenye kunyooka moja kwa moja.”
