Ezekieli 10:1-22
10 Wakati nilikuwa ninaangalia, niliona juu ya anga lenye lilikuwa juu ya vichwa vya makerubi kitu kama jiwe la yakuti chenye kilionekana juu yao, na kilifanana na kiti cha ufalme.+
2 Kisha akamuambia ule mwanaume mwenye kuvaa nguo ya kitani:+ “Ingia katikati ya magurudumu* yenye kuzunguka,+ chini ya makerubi, na ujaze mikono yako mbili makaa yenye kuwaka+ kutoka katikati ya makerubi na uyatupe juu ya muji.”+ Kwa hiyo akaingia wakati nilikuwa ninaona.
3 Makerubi walikuwa wamesimama upande wa kuume wa nyumba wakati ule mwanaume aliingia, na lile wingu lilijaa katika kiwanja cha ndani.
4 Na utukufu wa Yehova+ ukainuka kutoka kwa makerubi mupaka kwenye kizingiti* cha muingilio wa nyumba, na nyumba hiyo ikajaa wingu pole kwa pole,+ na kiwanja kilikuwa kimejaa uangavu wa utukufu wa Yehova.
5 Na sauti ya mabawa ya makerubi iliweza kusikika katika kiwanja cha inje, kama sauti ya Mungu Mweza-Yote wakati anasema.+
6 Kisha akamuamuru ule mwanaume mwenye kuvaa kitani: “Kamata moto kutoka katikati ya magurudumu* yenye kuzunguka, kutoka katikati ya makerubi,” naye akaingia na kusimama pembeni ya gurudumu.
7 Kisha mumoja wa makerubi akanyoosha mukono wake kuelekea moto wenye ulikuwa katikati ya makerubi.+ Akakamata kiasi fulani na kukiweka kwenye mikono ya ule mwenye kuvaa nguo ya kitani,+ naye akaukamata na kuenda inje.
8 Makerubi walikuwa na kitu chenye kilifanana na umbo ya mikono ya mwanadamu chini ya mabawa yao.+
9 Wakati nilikuwa ninaangalia, niliona magurudumu* ine (4) pembeni ya makerubi, gurudumu moja pembeni ya kila kerubi, na magurudumu hayo yalionekana yenye kungaa kama jiwe la krisolito.+
10 Kuhusu kuonekana kwake, yote ine (4) yalifanana, yalionekana kama vile gurudumu* lilikuwa ndani ya gurudumu lingine.
11 Wakati yalienda, yangeweza kuenda upande wowote katikati ya zile pande ine (4) bila kugeuka, kwa maana yalikuwa yanaenda mahali kwenye kichwa kiliangalia na yalienda bila kugeuka.
12 Miili yao yote, migongo yao, mikono yao, mabawa yao, na yale magurudumu,* magurudumu ya wote ine (4), yalijaa macho kuzunguka pande zote.+
13 Kuhusu yale magurudumu,* nilisikia sauti ikiyaita, “Magurudumu yenye kuzunguka!”
14 Kila mumoja wao* alikuwa na nyuso ine (4). Uso wa kwanza ulikuwa uso wa kerubi, uso wa pili ulikuwa uso wa mutu,* wa tatu (3) ulikuwa uso wa simba, na wa ine ulikuwa uso wa tai.+
15 Na wale makerubi walikuwa wanainuka—walikuwa viumbe vilevile vyenye uzima vyenye nilikuwa nimeona* kwenye muto Kebari+—
16 na wakati wale makerubi walienda, magurudumu* yalikuwa yanaenda pamoja nao; na wakati wale makerubi waliinua mabawa yao ili yakuwe juu ya dunia, yale magurudumu hayakukuwa yanageuka ao kuondoka pembeni yao.+
17 Wakati walisimama, nayo yalisimama; na wakati waliinuka, yaliinuka pamoja nao, kwa maana roho yenye ilikuwa inatenda juu ya vile viumbe vyenye uzima* ilikuwa ndani ya magurudumu.*
18 Kisha utukufu wa Yehova+ ukaondoka kwenye kizingiti* cha muingilio wa nyumba na kusimama juu ya makerubi.+
19 Sasa makerubi wakainua mabawa yao na kuinuka kutoka katika dunia wakati nilikuwa ninaona. Yale magurudumu* pia yalikuwa pembeni yao wakati waliondoka. Wakasimama kwenye muingilio wa mulango mukubwa wa mashariki wa nyumba ya Yehova, na utukufu wa Mungu wa Israeli ulikuwa juu yao.+
20 Hivyo ndivyo viumbe vyenye uzima vyenye nilikuwa nimeona* chini ya Mungu wa Israeli kwenye muto Kebari,+ basi nikafikia kujua kwamba vilikuwa makerubi.
21 Vyote ine (4) vilikuwa na nyuso ine, mabawa ine, na kitu chenye kilionekana kama mikono ya mwanadamu chini ya mabawa yavyo.+
22 Na kuonekana kwa nyuso za viumbe hivyo kulikuwa kama nyuso zenye nilikuwa nimeona pembeni ya muto Kebari.+ Kila kimoja cha viumbe hivyo kilikuwa kinaenda mbele moja kwa moja.+
Maelezo ya Chini
^ Ao “mipeto; pneus.”
^ Hapa kizingiti ni ubao wenye kuwa chini ya mulango.
^ Ao “mipeto; pneus.”
^ Ao “mipeto; pneus.”
^ Ao “mupeto; pneu.”
^ Ao “mipeto; pneus.”
^ Ao “mipeto; pneus.”
^ Ni kusema, kila mumoja wa makerubi.
^ Ao “mwanadamu.”
^ Tnn., “kilikuwa kile kiumbe chenye uzima chenye nilikuwa nimeona.”
^ Ao “mipeto; pneus.”
^ Tnn., “roho ya kile kiumbe chenye uzima.”
^ Ao “mipeto; pneus.”
^ Hapa kizingiti ni ubao wenye kuwa chini ya mulango.
^ Ao “mipeto; pneus.”
^ Tnn., “Hiki ndicho kiumbe chenye uzima chenye nilikuwa nimeona.”
