Ezekieli 4:1-17
4 “Na wewe, mwana wa binadamu, kamata tofali na ulitie mbele yako. Uchonge muji juu yake—Yerusalemu.
2 Uuzunguke kwa ajili ya vita+ na ujenge ukuta wa kuuzunguka kwa ajili ya vita,+ usimamishe boma la kuuzunguka kwa ajili ya vita,+ jenga kambi ili kuushambulia, na uzungushe juu yake vyombo vya kubomolea.+
3 Kamata kikaangio cha chuma, na ukiweke kuwa ukuta wa chuma katikati yako na muji huo. Kisha ukaze uso wako juu ya muji, nao utazungukwa kwa ajili ya vita; na wewe utauzunguka kwa ajili ya vita. Hiyo ni alama kwa nyumba ya Israeli.+
4 “Kisha ulalie upande wako wa kushoto na utie hatia ya nyumba ya Israeli juu yako.*+ Utabeba hatia yao kwa hesabu ya siku zenye utalalia upande wako.
5 Na nitaweka juu yako siku mia tatu makumi kenda (390), zenye kulingana na miaka ya hatia yao,+ na wewe utabeba hatia ya nyumba ya Israeli.
6 Na unapaswa kuzitimiza.
“Kisha kwa mara ya pili utalala chini, kwenye upande wako wa kuume, na utabeba hatia ya nyumba ya Yuda+ kwa siku makumi ine (40). Nimekupatia wewe siku moja kwa ajili ya mwaka moja, siku moja kwa ajili ya mwaka moja.
7 Na utageuzia uso wako kuelekea kuzungukwa kwa Yerusalemu kwa ajili ya vita+ mukono wako ukiwa wazi, na unapaswa kutoa unabii juu yake.
8 “Angalia! Nitakufunga kwa kamba ili usigeuke kutoka upande wako mumoja kuenda upande wako mwingine mupaka utakuwa umetimiza siku za kuzunguka kwako kwa ajili ya vita.
9 “Na utakamata ngano, shayiri, maharagi ya munene-munene, dengu, mutama, na ngano ya kusemeti na uvitie katika chombo kimoja na uvifanye kuwa mukate kwa ajili yako. Kwa hesabu ya siku zenye unalalia upande wako, siku mia tatu makumi kenda (390), utaukula.+
10 Utapima na kula shekeli makumi mbili (20)* za chakula kwa siku. Utakikula kwa nyakati zenye zimewekwa.
11 “Na utakunywa maji kwa kipimo, sehemu moja ya sita (1/6) ya hini.* Utayakunywa kwa nyakati zenye zimewekwa.
12 “Na utakikula kama vile ungekula mukate wa muviringo wa shayiri; na utaupika mbele ya macho yao, kwa kutumia mavi ya wanadamu yenye kukauka kuwa kuni.”
13 Yehova akaendelea kusema: “Ni vile Waisraeli watakula mukate wao—wenye hauko safi—kati ya mataifa kwenye nitawasambaza.”+
14 Basi nikasema: “Isikuwe vile, Bwana Mwenye Mamlaka Makubwa Zaidi Yehova! Tangu ujana wangu mupaka sasa, sijachafuliwa* kwa kula nyama ya munyama mwenye amepatikana amekufa wala munyama mwenye amepasuliwa,+ na nyama chafu* haijaingia katika kinywa changu.”+
15 Kwa hiyo akaniambia: “Sawa, nitakuruhusu utumie mavi ya ngombe pa nafasi ya mavi ya wanadamu, na utapika mukate wako juu yake.”
16 Kisha akaniambia: “Mwana wa binadamu, angalia, nitaondoa akiba ya chakula* katika Yerusalemu,+ na kwa wasiwasi mwingi watakula kipimo chao cha mukate kwa kupima,+ na kwa woga mukubwa watakunywa kipimo chao cha maji kwa kupima.+
17 Hilo litatukia ili wakose mukate na maji, nao waangaliane kwa mushituko na waharibike kabisa kwa sababu ya kosa lao.
Maelezo ya Chini
^ Tnn., “yake,” ni kusema, upande wa kushoto wa Ezekieli.
^ Karibu grame 230 (aunsi troi 7.3). Angalia Nyongeza B14.
^ Karibu Litre 0.6 (painti 1.3). Angalia Nyongeza B14.
^ Ao “nafsi yangu haijachafuliwa.”
^ Ao “mubaya.”
^ Tnn., “nitavunja fimbo za mikate.” Inawezekana ni fimbo zenye zilikuwa zinatumiwa ili kuwekea mikate.
