Hagai 2:1-23
2 Katika mwezi wa saba (7), siku ya makumi mbili na moja (21) ya mwezi huo, neno la Yehova likakuja kupitia nabii Hagai,+ na kusema,
2 “Tafazali uliza Zerubabeli+ mwana wa Shealtieli, gavana wa Yuda,+ na Yoshua+ mwana wa Yehosadaki,+ kuhani mukubwa, na watu wengine wote:
3 ‘Je, kungali kati yenu mutu mwenye aliona nyumba hii* katika utukufu wake wa kwanza?+ Sasa munaiona namna gani? Je, haionekane kuwa bure kwa kuilinganisha na hiyo?’+
4 “‘Lakini sasa ukuwe na nguvu, Zerubabeli,’ ni vile Yehova anasema, ‘na ukuwe na nguvu, Yoshua mwana wa Yehosadaki, kuhani mukubwa.’
“‘Na ninyi watu wote wa inchi, mukuwe na nguvu,’+ ni vile Yehova anasema, ‘na mufanye kazi.’
“‘Kwa maana niko pamoja na ninyi,’+ ni vile Yehova wa majeshi anasema.
5 ‘Mukumbuke mambo yenye niliwaahidi wakati mulitoka Misri,+ na roho yangu ingali pamoja na ninyi.*+ Musiogope.’”+
6 “Kwa maana Yehova wa majeshi anasema hivi: ‘Na mara moja tena—katika wakati kidogo—na nitatikisa mbingu na dunia na bahari na inchi kavu.’+
7 “‘Na nitatikisa mataifa yote, na vitu vyenye samani* vya mataifa yote vitaingia;+ na nitajaza nyumba hii utukufu,’+ ni vile Yehova wa majeshi anasema.
8 “‘Feza ni yangu, na zahabu ni yangu,’ ni vile Yehova wa majeshi anasema.
9 “‘Nyumba hii itakuwa na utukufu kuliko ile ya zamani,’+ ni vile Yehova wa majeshi anasema.
“‘Na nitawapatia amani mahali hapa,’+ ni vile Yehova wa majeshi anasema.”
10 Katika siku ya makumi mbili na ine (24) ya mwezi wa kenda (9), katika mwaka wa pili wa Dario, neno la Yehova likakuja kwa nabii Hagai,+ na kusema:
11 “Yehova wa majeshi anasema, ‘Tafazali, uliza makuhani hivi kuhusu sheria:+
12 “Mutu akibeba nyama takatifu ndani ya upindo wa nguo yake, na nguo yake iguse mukate ao muchuzi ao divai ao mafuta ao chakula chochote, je, kitakuwa kitakatifu?”’”
Makuhani wakajibu: “Hapana!”
13 Kisha Hagai akauliza: “Mutu mwenye haiko safi kwa sababu amegusa maiti,* akigusa kitu chochote kati ya vitu hivyo, je, kitu hicho kitakuwa kichafu?”+
Makuhani wakajibu: “Kitakuwa kichafu.”
14 Basi Hagai akasema: “‘Ni vile watu hawa wako, na ni vile taifa hili liko mbele yangu,’ ni vile Yehova anasema, ‘na ni vile kazi yote ya mikono yao iko; kitu chochote wanatoa kule, hakiko safi.’
15 “‘Lakini sasa, tafazali, muweke moyo wenu* juu ya jambo hili kuanzia leo: Mbele jiwe liwekwe juu ya jiwe katika hekalu la Yehova,+
16 hali yenu ilikuwa namna gani? Wakati mutu alienda kwenye rundo la nafaka akitazamia kupata vipimo makumi mbili (20), kulikuwa vipimo kumi (10) tu; na wakati mutu alienda kwenye shimo la kukamulia divai ili kushota vipimo makumi tano (50) kutokana na mufereji wa kupitishia divai, kulikuwa vipimo makumi mbili tu.+
17 Niliwapiga—kazi yote ya mikono yenu—kwa ugonjwa wenye kukausha mimea na kuvu+ na mvua ya majiwe, lakini hakuna mutu kati yenu mwenye alirudia kwangu,’ ni vile Yehova anasema.
18 “‘Tafazali, muweke moyo wenu* juu ya jambo hili kuanzia leo, kuanzia siku ya makumi mbili na ine (24) ya mwezi wa kenda (9), kuanzia siku yenye musingi wa hekalu la Yehova uliwekwa;+ muweke moyo wenu juu ya jambo hili:
19 Je, kungali mbegu katika depo?*+ Muzabibu, muti wa tini, mukomamanga, na muzeituni—hazijazaa matunda, haiko vile? Kuanzia leo nitatuma baraka.’”+
20 Siku ya makumi mbili na ine (24) ya mwezi huo, neno la Yehova likakuja mara ya pili kwa Hagai,+ na kusema:
21 “Ambia Zerubabeli gavana wa Yuda, ‘Nitatikisa mbingu na dunia.+
22 Nitapindua falme na kumaliza nguvu ya falme za mataifa;+ na nitapindua gari na wapandaji wake, na nitapindua farasi na wapandaji wake, kila mumoja kupitia upanga wa ndugu yake.’”+
23 “‘Siku hiyo,’ ni vile Yehova wa majeshi anasema, ‘nitakuchukua, mutumishi wangu Zerubabeli+ mwana wa Shealtieli,’+ ni vile Yehova anasema, ‘na nitakufanya kuwa kama pete ya muhuri, kwa sababu ni wewe nimechagua,’ ni vile Yehova wa majeshi anasema.”
Maelezo ya Chini
^ Ao “hekalu hili.”
^ Ao pengine, “na wakati roho yangu ilikuwa inasimama kati yenu.”
^ Ao “vyenye kutamanika.”
^ Ao “nafsi yenye imekufa.” Angalia Maana ya Maneno.
^ Ao “mufikiri sana.”
^ Ao “mufikiri sana.”
^ Ao “shimo la kuwekea nafaka?”
