Hesabu 12:1-16
12 Sasa Miriamu na Haruni wakaanza kusema mubaya juu ya Musa kwa sababu ya mwanamuke Mukushi mwenye alikuwa ameoa, kwa sababu alikuwa amechukua mwanamuke Mukushi.+
2 Walikuwa wanasema: “Je, Yehova amezungumuza kupitia Musa tu? Je, hajazungumuza kupitia sisi pia?”+ Na Yehova alikuwa anasikiliza.+
3 Sasa mwanaume huyu Musa alikuwa mupole sana kuliko watu wote*+ juu ya uso wa dunia.
4 Mara moja Yehova akamuambia Musa, Haruni, na Miriamu: “Ninyi watatu (3), muende kwenye hema ya mukutano.” Kwa hiyo wote watatu wakaenda.
5 Na Yehova akashuka katika nguzo ya wingu+ na kusimama kwenye muingilio wa hema ya mukutano na akaita Haruni na Miriamu. Wote wawili wakaenda mbele.
6 Kisha akawaambia: “Tafazali, musikie maneno yangu. Kama kungekuwa nabii wa Yehova kati yenu, ningejijulisha kwake katika maono,+ na ningesema naye katika ndoto.+
7 Lakini haiko vile juu ya mutumishi wangu Musa! Amepewa nyumba yangu yote.*+
8 Ninazungumuzaka naye uso kwa uso,*+ waziwazi, hapana kwa vitendawili; na anaonaka umbo ya Yehova. Sababu gani, basi, hamukuogopa kusema mubaya juu ya mutumishi wangu, juu ya Musa?”
9 Kwa hiyo kasirani ya Yehova ikawaka juu yao, naye akaenda na kuwaacha.
10 Lile wingu likaondoka juu ya hema, na angalia! Miriamu alikuwa amepigwa kwa ukoma mweupe kama teluji.*+ Kisha Haruni akageuka na kumuangalia Miriamu, na akaona kwamba alikuwa amepigwa ukoma.+
11 Mara moja Haruni akamuambia Musa: “Ninakuomba, bwana wangu! Tafazali, usituhesabie zambi hii! Tumetenda kwa upumbavu katika jambo lenye tumefanya.
12 Tafazali, usimuache aendelee kuwa kama mutu mwenye amekufa, mwenye nusu ya mwili wake imeoza wakati wa kuzaliwa!”
13 Na Musa akaanza kumulilia Yehova, na kusema: “Ee Mungu, tafazali umuponyeshe! Tafazali!”+
14 Yehova akamujibu Musa: “Kama baba yake angemutemea mate moja kwa moja kwenye uso wake, je, hangepata haya kwa siku saba (7)? Acha awekwe mbali na watu inje ya kambi kwa siku saba,+ kisha anaweza kurudishwa ndani.”
15 Kwa hiyo Miriamu akawekwa mbali na watu inje ya kambi kwa siku saba (7),+ na watu hawakuvunja kambi mupaka wakati Miriamu alirudishwa ndani.
16 Kisha watu wakaondoka Haseroti+ na wakaanza kupiga kambi katika jangwa la Parani.+
Maelezo ya Chini
^ Ao “munyenyekevu sana, kuliko mutu mwingine yeyote.”
^ Tnn., “Anajionyesha kuwa muaminifu katika nyumba yangu yote.”
^ Tnn., “kinywa kwa kinywa.”
^ Ao “neige.”
