Hesabu 30:1-16
30 Kisha Musa akasema na vichwa+ vya makabila ya Israeli, na kuwaambia: “Hili ndilo neno lenye Yehova ameamuru:
2 Kama mwanaume anafanya naziri+ kwa Yehova ao anaapa kiapo+ cha kujifunga naziri ya kujiepusha na kitu fulani,* hapaswe kuvunja neno lake.+ Anapaswa kufanya kila jambo lenye aliapa kufanya.+
3 “Na kama mwanamuke anafanya naziri kwa Yehova ao anajifunga naziri ya kujiepusha na kitu fulani wakati angali kijana na anaishi katika nyumba ya baba yake
4 na baba yake akisikia naziri yake ao naziri ya kujiepusha na kitu fulani yenye amejifunga* na baba yake hapinge jambo hilo, naziri zake zote zitaendelea, na kila naziri ya kujiepusha na kitu fulani yenye amejifunga itaendelea.
5 Lakini kama baba yake anamukataza wakati anasikia kwamba amejifunga naziri ao naziri za kujiepusha na kitu fulani, naziri hiyo haitaendelea. Yehova atamusamehe kwa sababu baba yake alimukataza.+
6 “Lakini, kama anaolewa na bwana wakati iko* chini ya naziri yake ao ahadi yenye amejifunga bila kufikiri
7 na bwana yake akisikia juu ya naziri hiyo na hapinge jambo hilo siku yenye anasikia juu ya naziri hiyo, naziri zake ao naziri za kujiepusha na kitu fulani zenye amejifunga zitaendelea.
8 Lakini kama bwana yake anamukataza siku yenye anasikia juu ya naziri hiyo, bwana huyo anaweza kuvunja naziri hiyo ao ahadi yenye mwanamuke huyo alijifunga bila kufikiri,+ na Yehova atamusamehe mwanamuke huyo.
9 “Lakini kama mujane ao mwanamuke mwenye ndoa yake ilivunjika anafanya naziri, kila jambo lenye amejifunga litabakia lenye kufungwa juu yake.
10 “Lakini, kama mwanamuke alijifunga naziri ao naziri ya kujiepusha na kitu fulani wakati alikuwa katika nyumba ya bwana yake
11 na bwana yake alisikia naziri yake na hakupinga jambo hilo ao kulikataa, naziri zake zote ao naziri yoyote ya kujiepusha na kitu fulani yenye alijifunga itaendelea.
12 Lakini kama bwana yake alivunja kabisa naziri zozote ao naziri yoyote ya kujiepusha na kitu fulani yenye mwanamuke huyo aliapa katika siku yenye alizisikia, naziri hizo hazitaendelea.+ Bwana yake alizivunja, na Yehova atamusamehe mwanamuke huyo.
13 Kuhusu naziri yoyote ao kiapo chochote chenye kutia ndani naziri ya kujiima kitu fulani,* bwana yake anapaswa kuikubali ao bwana yake anapaswa kuivunja.
14 Lakini kama bwana yake hamupinge siku kwa siku, basi amekubali naziri zote ao naziri zote za kujiepusha na kitu fulani zenye kuwa juu ya mwanamuke huyo. Anazikubali kwa sababu hakupinga siku yenye alimusikia anafanya naziri hizo.
15 Lakini kama bwana yake anazivunja kisha pale, wakati fulani kisha siku yenye alizisikia, atapata matokeo ya hatia ya mwanamuke huyo.+
16 “Hayo ndiyo masharti yenye Yehova alimuamuru Musa kuhusu bwana na bibi yake, na kuhusu baba na binti yake mudogo mwenye kuishi katika nyumba ya baba yake.”
Maelezo ya Chini
^ Ao “kufunga sharti juu ya nafsi yake.”
^ Ao “amefunga juu ya nafsi yake.”
^ Ao “eko.”
^ Ao “naziri ya kutesa nafsi.”
