Hosea 13:1-16
13 “Wakati Efraimu alisema, watu walitetemeka;
Alikuwa wa maana katika Israeli.+
Lakini akakuwa na kosa kuhusiana na Baali+ na akakufa.
2 Sasa wanaongeza kwenye zambi yao
Na wanatengeneza sanamu za metali* kupitia feza yao;+
Wanatengeneza sanamu kwa ufundi, yote hiyo ni kazi ya mafundi.
Wanaziambia, ‘Watu wenye wanatoa zabihu wabusu vitoto-dume vya ngombe.’+
3 Kwa hiyo watakuwa kama mawingu ya asubui,
Kama umande wenye unapotea mbio,
Kama maganda ya mbegu yenye yanapeperushwa na zoruba kutoka kwenye kiwanja cha kupigia-pigia nafaka,
Na kama moshi wenye unatoka katika tundu kwenye sehemu ya juu ya nyumba.
4 Lakini mimi ni Yehova Mungu wako kuanzia* inchi ya Misri;+
Haukumujua Mungu yeyote isipokuwa mimi,
Na zaidi yangu hakuna mwokozi mwingine.+
5 Nilikujua katika jangwa,+ katika inchi ya ukame.
6 Walishiba kwa malisho yao,+
Walishiba na moyo wao ukakuwa na kiburi.
Na hivyo wakanisahau.+
7 Nitakuwa kwao kama mwana-simba,+
Kama chui mwenye anajificha pembeni ya njia ili kushambulia.
8 Nitakuja juu yao kama dubu mwenye amepoteza vitoto vyake,
Na nitapasua kifua chao.*
Nitawapasua vipande-vipande kule kama simba;
Munyama wa pori atawapasua vipande-vipande.
9 Atakuharibu, Ee Israeli,
Kwa sababu uligeuka ili kunipinga, ili kupinga musaidizi wako.
10 Basi, mufalme wako iko* wapi, ili akuokoe katika miji yako yote,+
Na watawala* wako, wenye ulisema juu yao,
‘Unipatie mufalme na wakubwa’?+
11 Nilikupatia mufalme katika hasira yangu,+
Na nitamuondoa katika kasirani yangu kali.+
12 Kosa la Efraimu limefungwa;*
Zambi yake imewekwa akiba.
13 Uchungu wa kuzaa utakuja juu yake.
Lakini yeye ni mutoto mwenye hana hekima;
Hajitokeze wakati ni saa ya kuzaliwa.
14 Nitawakomboa kutoka katika nguvu za Kaburi;*
Nitawaokoa kutoka katika kifo.+
Ee Kifo, uko wapi uwezo wako wa kuumiza?+
Ee Kaburi, uko wapi uwezo wako wa kuharibu?+
Huruma itafichwa kutoka kwenye macho yangu.
15 Hata kama atakomaa kati ya matete,
Upepo wa mashariki utakuja, upepo wa Yehova,
Unakuja kutoka katika jangwa, ili kukausha kisima chake na chemchemi yake.
Huyo atanyanganya hazina ya vitu vyake vyote vyenye samani.+
16 Samaria atahesabiwa kuwa na hatia,+ kwa maana amemuasi Mungu wake.+
Wataanguka kwa upanga,+
Watoto wao watavunjwa vipande-vipande,
Na wanamuke wao wenye mimba watapasuliwa.”
Maelezo ya Chini
^ Tnn., “sanamu za kuyeyushwa.”
^ Ao “tangu.”
^ Tnn., “ukuta wa moyo wao.”
^ Tnn., “waamuzi.”
^ Ao “eko.”
^ Ao “limelindwa.”
^ Ao “Sheoli,” ni kusema, kaburi la wanadamu wote. Angalia Maana ya Maneno.
