Hosea 4:1-19
4 Musikie neno la Yehova, ninyi watu wa Israeli,
Kwa maana Yehova iko* na mashitaka juu ya wakaaji wa inchi,+
Kwa sababu hakuna kweli wala upendo mushikamanifu wala ujuzi wa Mungu katika inchi.+
2 Viapo vya uongo na kudanganya+ na mauaji+
Na kuiba na uzinifu+ vimeenea sana,
Na tendo moja la kumwanga damu linafuata tendo lingine la kumwanga damu.+
3 Ndiyo sababu inchi itaomboleza+
Na kila mukaaji ndani yake ataregea;
Wanyama wa pori na ndege wa mbinguni,
Hata samaki wa bahari, watakufa.
4 “Lakini, mutu yeyote asishindane wala kukaripia,+
Kwa maana watu wako ni kama wale wenye wanashindana na kuhani.+
5 Basi utajikwaa wakati wa muchana,
Na nabii atajikwaa pamoja na wewe, kama wakati wa usiku.
Na mimi nitamunyamazisha* mama yako.
6 Watu wangu watanyamazishwa,* kwa sababu hakuna ujuzi.
Kwa sababu umekataa ujuzi,+
Mimi pia nitakukataa usinitumikie kama kuhani wangu;
Na kwa sababu umesahau sheria ya* Mungu wako,+
Mimi mwenyewe nitasahau wana wako.
7 Kadiri walikuwa wanaongezeka, ni vile waliendelea kunitendea zambi.+
Nitabadilisha utukufu wao kuwa haya.*
8 Wanakula zambi ya watu wangu,
Na wako na pupa ya* kosa lao.
9 Itakuwa kwa watu kama vile itakuwa kwa kuhani;
Nitawaomba watoe hesabu kwa sababu ya njia zao,
Na nitaleta juu yao matokeo ya matendo yao.+
10 Watakula lakini hawatashiba.+
Watafanya umalaya,* lakini hawataongezeka,+
Kwa sababu hawakumuheshimia Yehova.
11 Ukahaba* na divai na divai mupya
Vinaondoa nia ya kufanya mambo yenye kuwa sawa.*+
12 Watu wangu wanatafuta habari kwa sanamu zao za miti,
Wanafanya yale fimbo* yao inawaambia;
Kwa sababu roho ya ukahaba* inawapoteza,
Na kupitia ukahaba* wao wanakataa kujinyenyekeza mbele ya Mungu wao.
13 Wanatoa zabihu kwenye vichwa vya milima,+
Na kwenye vilima wanachoma zabihu ili zitoe moshi,
Chini ya miti ya mialoni na miti ya milubna na kila muti mukubwa,+
Kwa sababu kivuli cha miti hiyo ni kizuri.
Ndiyo sababu mabinti wenu wanafanya ukahaba*
Na mabinti-wakwe wenu wanafanya uzinifu.
14 Sitaomba mabinti wenu watoe hesabu kwa sababu ya ukahaba* wao,
Na mabinti-wakwe wenu kwa sababu ya uzinifu wao.
Kwa maana wanaume wanajitenga wakiwa na makahaba
Na wanatoa zabihu pamoja na makahaba wa hekalu;
Watu hao wenye hawana uelewaji+ wataangamia.
15 Hata kama unafanya ukahaba,* Ee Israeli,+
Yuda asikuwe na hatia.+
Musikuje Gilgali+ ao Bet-aveni,+
Na musiape, ‘Kama vile hakika Yehova anaishi!’+
16 Kwa maana kama vile ngombe mwenye iko* kichwa-nguvu, Israeli amekuwa kichwa-nguvu.+
Je, sasa Yehova atawachunga kama mwana-kondoo dume katika malisho yenye kuwa wazi?*
17 Efraimu amejiunga na sanamu.+
Mumuache!
18 Wakati pombe* yao inaisha,
Wanafanya umalaya.*
Na watawala* wake wanapenda sana mambo ya haya.+
19 Upepo utamufunika* katika mabawa yake,
Na watasikilia zabihu zao haya.”
Maelezo ya Chini
^ Ao “eko.”
^ Ao “nitamuharibu.”
^ Ao “wataharibiwa.”
^ Ao “agizo la.”
^ Ao pengine, “Wamebadilisha utukufu wangu mwenyewe kuwa haya.”
^ Ao “wanainua nafsi yao kwenye.” Angalia Maana ya Maneno, “Nafsi.”
^ Ao “Watakuwa waasherati sana; Watafanya ukahaba.”
^ Tnn., “Vinaondoa moyo.”
^ Ao “Uasherati; Umalaya.”
^ Ao “fimbo ya muaguzi.”
^ Ao “uasherati; umalaya.”
^ Ao “uasherati; umalaya.”
^ Ao “uasherati; umalaya.”
^ Ao “uasherati; umalaya.”
^ Ao “uasherati; umalaya.”
^ Ao “eko.”
^ Tnn., “mahali penye nafasi kubwa?”
^ Ao “pombe ya ngano.”
^ Ao “wanakuwa waasherati sana; wanakuwa makahaba.”
^ Tnn., “ngao.”
^ Ao “utamufagilia mbali.”
