Hosea 9:1-17
9 “Usifurahi, Ee Israeli,+
Usitende kwa furaha kama vikundi vya watu.
Kwa maana kwa kufanya ukahaba* umemuacha Mungu wako.+
Umependa malipo ya kahaba katika kila kiwanja cha kupigia-pigia nafaka.+
2 Lakini kiwanja cha kupigia-pigia nafaka na kikamulio cha divai havitawakulisha,
Na divai mupya itaisha kwake.+
3 Hawataendelea kukaa katika inchi ya Yehova;+
Tofauti na hilo, Efraimu atarudia Misri,
Na katika Ashuru watakula vitu vichafu.+
4 Hawatamwangia tena Yehova matoleo ya divai;+
Zabihu zao hazitamupendeza.+
Ziko kama mukate wa maombolezo;
Wote wenye wanaukula watajichafua.
Kwa maana mukate wao ni kwa ajili yao wenyewe;*
Hautakuja katika nyumba ya Yehova.
5 Mutafanya nini katika siku ya mukutano,*
Katika siku ya sikukuu ya Yehova?
6 Kwa maana angalia! watakimbia kwa sababu ya uharibifu.+
Misri itawakusanya pamoja,+ na Memfisi itawazika.+
Mimea yenye kuwasha itariti vitu vyao vya feza vyenye samani,
Na miti midogo-midogo ya miiba itakuwa katika mahema yao.
7 Siku za uchunguzi zitakuja,+
Siku za malipo zitakuja,
Na Israeli atajua jambo hilo.
Nabii wao atakuwa pumbavu, na mutu mwenye kuongozwa na roho atakuwa mwenda-wazimu;
Kwa sababu ya wingi wa kosa lako, uadui juu yako ni mwingi.”
8 Mulinzi+ wa Efraimu alikuwa pamoja na Mungu wangu.+
Lakini sasa njia zote za manabii wake+ ni kama mitego ya muwindaji wa ndege;
Kuko uadui katika nyumba ya Mungu wake.
9 Wamezama sana katika uharibifu, kama katika siku za Gibea.+
Atakumbuka kosa lao na atawapatia azabu kwa sababu ya zambi zao.+
10 “Nilipata Israeli kama zabibu katika jangwa.+
Niliona mababu zenu kama tini za kwanza-kwanza kati ya tini za mwanzo-mwanzo kwenye muti wa tini.
Lakini walienda kwa Baali wa Peori;+
Walijitoa wenyewe kwa kitu cha haya,*+
Na wakakuwa wenye kuchukiza kama kitu chenye walipenda.
11 Utukufu wa Efraimu unaruka mbali kama ndege;
Hakuna kuzaa, hakuna mimba, na hakuna kuchukua mimba.+
12 Hata wakilea watoto,
Nitawaondoa mupaka kusibakie mutu;+
Ndiyo, ole wao wakati nitageuka kutoka kwao!+
13 Efraimu, mwenye kupandwa katika malisho, alikuwa kwangu kama Tiro;+
Sasa Efraimu anapaswa kuleta wana wake inje kwenye machinjo.”
14 Uwapatie, Ee Yehova, kile unapaswa kuwapatia;
Tumbo la uzazi lenye kuharibisha mimba na maziwa yenye kukauka.
15 “Uovu wao wote ulikuwa katika Gilgali,+ kwa maana kule niliwachukia.
Nitawafukuza kutoka katika nyumba yangu kwa sababu ya matendo yao maovu.+
Sitawapenda tena;+
Wakubwa wao wote wako kichwa-nguvu.
16 Efraimu atapigwa na kuangushwa chini.+
Muzizi wao utakauka, na hawatazaa matunda.
Hata kama wanazaa, nitaua uzao wao wenye wanapenda.”
17 Mungu wangu atawakataa,
Kwa maana hawakumusikiliza,+
Na watakuwa wakimbizi kati ya mataifa.+
Maelezo ya Chini
^ Ao “uasherati; umalaya.”
^ Ao “kwa ajili ya nafsi yao wenyewe.”
^ Ao “karamu yenu yenye ilipangwa.”
^ Ao “mungu wa haya.”
