Isaya 41:1-29
41 “Munisikilize mukiwa kimya,* ninyi visiwa;Mataifa yapate nguvu yao tena.
Yakaribie; kisha yaseme.+
Tukuje pamoja kwa ajili ya hukumu.
2 Ni nani amemuinua mutu kutoka mahali jua linatokea,*+Akimuita afuate miguu Yake* ili atimize haki,Ili atie mataifa katika mukono wakeNa kumufanya atiishe wafalme?+
Mwenye anawafanya wakuwe mavumbi mbele ya upanga wake,Kama majani ya kukauka yenye kupeperushwa na upepo mbele ya upinde wake?
3 Anawafuatilia, akipita bila kuzuiwaKwenye njia zenye miguu yake haijapitia.
4 Ni nani ametenda na kufanya jambo hili,Akiita vizazi tangu mwanzo?
Mimi, Yehova, ndiye wa Kwanza;+Na kwa wale wa mwisho mimi ni uleule.”+
5 Visiwa vimeona jambo hilo na kuogopa.
Miisho ya dunia ilianza kutetemeka.
Wanakaribia na kuja mbele.
6 Kila mumoja anamusaidia mwenzakeNa kumuambia ndugu yake: “Ukuwe na nguvu.”
7 Kwa hiyo fundi anamutia nguvu fundi wa metali;+Ule mwenye kulainisha kwa nyundo* ya chumaAnamutia nguvu ule mwenye kupiga nyundo* kwenye fuawe,*
Anasema kuhusu kazi ya kuunganisha vyuma: “Iko muzuri.”
Kisha inapigiliwa misumari ili isianguke.
8 “Lakini wewe, Ee Israeli, uko mutumishi wangu,+Wewe, Ee Yakobo, mwenye nimechagua,+Uzao wa* Abrahamu rafiki yangu,+
9 Wewe, mwenye nilitosha kwenye miisho ya dunia,+Na wewe, mwenye niliita kutoka sehemu zake za mbali zaidi.
Nilikuambia, ‘Wewe ni mutumishi wangu;+Nimekuchagua wewe; sijakukataa.+
10 Usiogope, kwa maana niko pamoja na wewe.+
Usihangaike, kwa maana niko Mungu wako.+
Nitakutia nguvu, ndiyo, nitakusaidia,+Nitakushika kwelikweli kwa mukono wangu wa kuume wa haki.’
11 Angalia! Wale wote wenye kuwaka kasirani juu yako watapatishwa haya na kufezeheshwa.+
Wale wenye kupigana na wewe watafanywa kuwa bure na wataharibiwa.+
12 Utatafuta watu wenye kupambana na wewe, lakini hautawapata;Watu wenye kupigana na wewe watakuwa kama kitu chenye hakiko, kama kitu bure kabisa.+
13 Kwa maana mimi, Yehova Mungu wako, ninashika mukono wako wa kuume,Ni mimi mwenye kukuambia, ‘Usiogope. Nitakusaidia.’+
14 Usiogope, wewe munyoo* Yakobo,+Ninyi watu wa Israeli, nitawasaidia,” ni vile Yehova, Mukombozi wako,+ Mutakatifu wa Israeli, anasema.
15 “Angalia! Nimekufanya kuwa kifaa cha kupiga-piga nafaka,+Kifaa kipya cha kupiga-piga nafaka chenye meno yenye makali pande mbili.
Utakanyanga milima na kuipondaNa kufanya vilima kuwa kama maganda ya mbegu.
16 Utawapepua,Na upepo utawapeperusha,Na zoruba yenye upepo mukali itawasambaza.
Utashangilia katika Yehova,+Na utajisifu katika Mutakatifu wa Israeli.”+
17 “Wenye uhitaji na maskini wanatafuta maji, lakini hakuna.
Ulimi wao umekauka kwa sababu ya kiu.+
Mimi, Yehova, nitawajibu.+
Mimi, Mungu wa Israeli, sitawaacha.+
18 Nitafanya mito itiririke kwenye vilima vyenye kuwa wazi,+Na chemchemi katika mabonde tambarare.+
Nitageuza jangwa kuwa kiziwa cha maji chenye mateteNa inchi yenye haina maji kuwa chemchemi za maji.+
19 Nitapanda muti wa mwerezi katika jangwa,Muti wa mugunga* na muti wa muhadasi na muti wa musonobari.+
Nitapanda muti wa muberoshi katika jangwa tambarare,Pamoja na muti wa mutizari na muti wa muvinje,+
20 Ili watu wote waone na kujuaNa kukaza uangalifu na kuelewaKwamba mukono wa Yehova umefanya vile,Na Mutakatifu wa Israeli ameumba jambo hilo.”+
21 “Mulete kesi yenu ya hukumu,” ni vile Yehova anasema.
“Mujitetee,” ni vile Mufalme wa Yakobo anasema.
22 “Mulete ushuhuda na mutuambie mambo yenye yatatokea.
Mutuambie kuhusu mambo ya zamani,*Ili tufikiri sana juu ya mambo hayo* na tujue mwisho wake.
Ao mututangazie mambo yenye kuja.+
23 Mutuambie mambo yenye yatatokea wakati wenye kuja,Ili tujue kwamba ninyi ni miungu.+
Ndiyo, mufanye jambo fulani, la muzuri ao la mubaya,Ili tushangae wakati tutaliona.+
24 Angalia! Ninyi ni kitu chenye hakiko,Na mambo yenye mumetimiza hayako kitu.+
Kila mutu mwenye anawachagua ninyi ni chukizo.+
25 Nimemuinua mutu fulani kutoka kaskazini, na atakuja,+Mutu mumoja kutoka mahali jua linatokea*+ mwenye ataitia jina langu.
Atakanyanga-kanyanga watawala* kama vile wao ni udongo,+Kama vile mufinyanzi* anakanyanga-kanyanga udongo mubichi.
26 Ni nani alisema kuhusu jambo hili tangu mwanzo, ili tujue,Ao kuanzia nyakati za zamani, ili tuseme, ‘Yeye anasema kweli’?+
Kwa kweli, hakuna mwenye alilitangaza!
Hakuna mwenye alilisema!
Hakuna mwenye alisikia jambo lolote kutoka kwenu.”+
27 Nilikuwa wa kwanza kumuambia Sayuni: “Angalia! Wako hapa!”+
Na kwa Yerusalemu nitatuma mutu mwenye kubeba habari njema.+
28 Lakini niliendelea kuangalia, na hapakukuwa mutu;Hapakukuwa mutu yeyote kati yao mwenye alitoa shauri.
Na niliendelea kuwaomba watoe jibu.
29 Angalia! Wote ni udanganyifu.*
Kazi zao ni bure.
Sanamu zao za metali* ni upepo na kitu cha kuwazia-wazia tu.+
Maelezo ya Chini
^ Ao “Mukae kimya mbele yangu.”
^ Ao “kutoka mashariki.”
^ Ni kusema, amutumikie Yeye.
^ Ao “hama, marteau.”
^ Fuawe ni chuma kikubwa chenye mufuaji wa vyuma anatumia ili kugongea vitu vyenye anafua.
^ Ao “hama, marteau.”
^ Tnn., “Mbegu ya.”
^ Ni kusema, mwenye hana ulinzi na wa hali ya chini.
^ Ao “mushita.”
^ Tnn., “kwanza.”
^ Ao “tuweke moyo wetu juu ya mambo hayo.”
^ Ao “kutoka mashariki.”
^ Ao “watawala-wasaidizi.”
^ Angalia Maana ya Maneno.
^ Ao “kitu chenye hakiko.”
^ Ao “sanamu zao za kuyeyushwa.”
