Isaya 54:1-17
54 “Piga vigelegele vya shangwe, wewe mwanamuke tasa mwenye hajazaa!+
Changamuka na upige vigelegele vya shangwe,+ wewe mwenye haujakuwaka na maumivu ya kuzaa,+Kwa maana wana* wa mwenye ameachwa peke yake ni wengi sanaKuliko wana wa mwanamuke mwenye iko* na bwana,”+ ni vile Yehova anasema.
2 “Fanya mahali pa hema yako pakuwe na nafasi kubwa zaidi.+
Nyoosha vitambaa vya hema ya tabenakulo yako kubwa.
Usizuie, refusha kamba za hema yako,Na ufanye misumari ya hema yako ikuwe nguvu.+
3 Kwa maana utaenea kuume na kushoto.
Uzao wako utariti mataifa,Nao watakaa katika miji yenye iliachwa ukiwa.+
4 Usiogope,+ kwa maana hautapatishwa haya;+Na usifezeheke, kwa maana hautavunjwa moyo.
Kwa maana utasahau haya ya ujana wako,Na hautakumbuka tena aibu ya ujane wako.”
5 “Kwa maana Mutengenezaji wako Mukubwa+ iko* kama bwana yako,+Yehova wa majeshi ndilo jina lake,Na Mutakatifu wa Israeli ni Mukombozi wako.+
Ataitwa Mungu wa dunia yote.+
6 Kwa maana Yehova alikuita kama vile ulikuwa bibi mwenye aliachwa na mwenye kulemewa na huzuni,*+Kama bibi mwenye aliolewa wakati wa ujana kisha akakataliwa,” ni vile Mungu wako anasema.
7 “Kwa maana nilikuacha kwa wakati mufupi,Lakini kwa rehema kubwa nitakukusanya.+
8 Kwa mafuriko ya kasirani kali nilikuficha uso wangu kwa wakati mufupi,+Lakini nitakuonyesha rehema kwa upendo mushikamanifu wa milele,”+ ni vile Mukombozi wako,+ Yehova, anasema.
9 “Kwangu, jambo hili ni kama siku za Noa.+
Kama vile nimeapa kwamba maji ya Noa hayatafunika tena dunia,+Vilevile nimeapa kwamba sitakuwa tena na kasirani kali kukuelekea wala sitakukemea.+
10 Kwa maana milima inaweza kuondolewa,Na vilima vinaweza kutikiswa,Lakini upendo wangu mushikamanifu hautaondolewa kwako,+Wala agano langu la amani halitatikiswa,”+ ni vile Yehova, Mwenye kukuonyesha rehema, anasema.+
11 “Ee mwanamuke mwenye kuteseka,+ mwenye kurushwa-rushwa na zoruba, mwenye hafarijiwe,+Ninatia majiwe yako kwa saruji* ya nguvu-nguvu,Na nitaweka musingi wako kwa yakuti.+
12 Nitatengeneza minara yako kwa zabarijadi,Na milango yako mikubwa kwa majiwe yenye kungaa,*Na mipaka yako yote kwa majiwe yenye samani.
13 Na wana* wako wote watafundishwa na Yehova,+Na amani ya wana* wako itakuwa nyingi.+
14 Utafanywa imara kabisa katika haki.+
Utakuwa mbali na ukandamizaji+Hautaogopa kitu chochote na hautakuwa na hofu,Kwa maana hakitakukaribia.+
15 Kama mutu yeyote anakushambulia,Haitakuwa kwa maagizo yangu.
Kila mutu mwenye anakushambulia ataanguka kwa sababu yako.”+
16 “Angalia! Mimi mwenyewe nilimuumba fundi,Mwenye anapuliza moto wa makaa,Na kazi yake inatokeza silaha.
Mimi mwenyewe pia nilimuumba mutu muharibifu ili alete uharibifu.+
17 Hakuna silaha yenye itafanywa juu yako yenye itafanikiwa,+Na utahukumu ulimi wowote wenye utainuka juu yako katika hukumu.
Huo ndio uriti wa watumishi wa Yehova,Na haki yao inatoka kwangu,” ni vile Yehova anasema.+
Maelezo ya Chini
^ Ao “eko.”
^ Ao “watoto.”
^ Ao “eko.”
^ Tnn., “mwenye kuumizwa katika roho.”
^ Ao “mortier.”
^ Ao “majiwe ya moto.”
^ Ao “watoto.”
^ Ao “watoto.”
