Kulingana na Matayo 10:1-42
10 Basi Yesu akaita wanafunzi wake kumi na mbili (12) na kuwapatia mamlaka juu ya roho wachafu,+ ili wafukuze pepo hao wachafu na kuponyesha kila namna ya ugonjwa na kila namna ya uzaifu.
2 Haya ndiyo majina ya wale mitume kumi na mbili (12):+ Kwanza, Simoni, mwenye kuitwa Petro,+ na Andrea+ ndugu yake; Yakobo mwana wa Zebedayo na Yohana+ ndugu yake;
3 Filipo na Bartolomayo;+ Tomasi+ na Matayo+ mukusanya-kodi; Yakobo mwana wa Alfayo; Tadayo;
4 Simoni Mukananayo;* na Yuda Iskariote, mwenye kisha wakati fulani alimusaliti.+
5 Yesu akatuma hao kumi na mbili (12) na kuwapatia maagizo haya:+ “Musiende katika barabara ya mataifa, wala musiingie katika muji wowote wa Wasamaria;+
6 lakini tofauti na hilo, muende tu kwa kondoo wenye kupotea wa nyumba ya Israeli.+
7 Wakati munaenda, muhubiri na kusema: ‘Ufalme wa mbinguni umekaribia.’+
8 Muponyeshe wagonjwa,+ mufufue wafu, mufanye wenye ukoma wakuwe safi, mufukuze pepo wachafu. Mulipokea bure, mutoe bure.
9 Musibebe zahabu, feza, ao shaba kwenye mikaba* yenu ya kuwekea feza,+
10 ao mufuko wa chakula kwa ajili ya safari, ao nguo mbili,* ao viatu, ao fimbo,+ kwa maana mufanyakazi anastahili chakula chake.+
11 “Katika muji ao kijiji chochote kwenye mutaingia, mutafute ni nani mwenye kustahili, na mukae pale mupaka wakati mutatoka.+
12 Wakati munaingia katika nyumba, musalimie watu wa nyumba hiyo.
13 Kama nyumba hiyo inastahili, amani yenye munaitakia ikuwe juu yake;+ lakini kama haistahili, amani yenu iwarudilie ninyi.
14 Kila mahali kwenye mutu hawapokee wala kusikiliza maneno yenu, wakati munatoka katika nyumba hiyo ao muji huo, mukungute mavumbi yenye kuwa kwenye miguu yenu.+
15 Kwa kweli ninawaambia ninyi, itakuwa mwepesi zaidi kwa inchi ya Sodoma na Gomora+ katika Siku ya Hukumu kuliko kwa muji huo.
16 “Muangalie! Ninawatuma ninyi kama kondoo katikati ya imbwa wa pori; kwa hiyo mukuwe waangalifu kama nyoka na bila kosa* kama njiwa.+
17 Mufanye angalisho na watu, kwa maana watawapeleka ninyi kwenye tribinali ya kidogo+ na kuwapiga mijeledi+ katika masinagogi yao.+
18 Na mutapelekwa mbele ya magavana na wafalme+ kwa ajili yangu, ili kuwatolea wao na mataifa ushahidi.+
19 Lakini, wakati watawapeleka, musihangaike juu ya mambo yenye mutasema ao namna mutayasema, kwa sababu mutapewa mambo ya kusema saa hiyo;+
20 kwa maana wenye kusema haiko ninyi tu, lakini ni roho ya Baba yenu ndiyo inasema kupitia ninyi.+
21 Zaidi ya hayo, ndugu atamutoa ndugu yake ili auawe, na baba atamutoa mutoto wake, na watoto wataasi wazazi na kufanya wauawe.+
22 Na mutachukiwa na watu wote kwa sababu ya jina langu,+ lakini ule mwenye atavumilia* mupaka mwisho ataokolewa.+
23 Wakati wanawatesa katika muji mumoja, mukimbilie katika muji mwingine;+ kwa maana kwa kweli ninawaambia ninyi, hamutamaliza kuzunguka miji ya Israeli mupaka Mwana wa binadamu afike.
24 “Mwanafunzi hamupite mwalimu wake, wala mutumwa hamupite bwana wake.+
25 Inatosha kwa mwanafunzi kuwa kama mwalimu wake, na mutumwa kuwa kama bwana wake.+ Kama watu wamemuita bwana wa nyumba Beelzebuli,*+ je, hawatafanya vile hata zaidi kwa watu wa nyumba yake?
26 Basi musiwaogope, kwa maana hakuna jambo lenye kufunikwa lenye halitafunuliwa, na hakuna siri yenye haitajulikana.+
27 Mambo yenye ninawaambia katika giza, muyaseme katika mwangaza, na mambo yenye munasikia yanasemwa kwa sauti ya chini, muyahubiri kwenye sehemu za juu za nyumba.+
28 Na musiogope wale wenye wanaua mwili lakini hawawezi kuua nafsi;*+ lakini, muogope ule mwenye anaweza kuharibu vyote viwili, nafsi na mwili katika Gehena.*+
29 Ndege shomoro wawili wanauzishwa kwa feza moja ya kichele ya samani kidogo,* haiko vile? Lakini hakuna hata mumoja wao mwenye ataanguka chini bila Baba yenu kujua.+
30 Lakini hata nywele zote za vichwa vyenu zimehesabiwa.
31 Basi musiogope; ninyi ni wa maana kuliko ndege shomoro wengi.+
32 “Kila mutu mwenye ananikubali mbele ya wanadamu,+ mimi pia nitamukubali mbele ya Baba yangu wa mbinguni.+
33 Lakini kila mutu mwenye ananikana mbele ya wanadamu, mimi pia nitamukana mbele ya Baba yangu wa mbinguni.+
34 Musiwaze nilikuja kuleta amani katika dunia; sikukuja kuleta amani, lakini upanga.+
35 Kwa maana, nilikuja kuleta mugawanyiko kati ya mwana na baba yake, kati ya binti na mama yake, na kati ya binti-mukwe na mama-mukwe wake.+
36 Kwa kweli, maadui wa mutu watakuwa watu wa nyumba yake mwenyewe.
37 Kila mutu mwenye anamupenda baba ao mama kuliko mimi hanistahili; na kila mutu mwenye anamupenda mwana ao binti kuliko mimi hanistahili.+
38 Na kila mutu mwenye hakubali muti wake wa mateso* na kunifuata hanistahili.+
39 Kila mutu mwenye anapata nafsi yake ataipoteza,* na kila mutu mwenye anapoteza nafsi yake* kwa ajili yangu ataipata.+
40 “Kila mutu mwenye anawapokea ninyi ananipokea mimi pia, na kila mutu mwenye ananipokea mimi anamupokea pia Ule mwenye alinituma.+
41 Kila mutu mwenye anamupokea nabii kwa sababu ni nabii atapata zawabu ya nabii,+ na kila mutu mwenye anamupokea mwenye haki kwa sababu ni mutu mwenye haki atapata zawabu ya mutu mwenye haki.
42 Na kila mutu mwenye anamupatia mumoja wa hawa wadogo kikombe tu cha maji ya baridi ya kunywa kwa sababu ni mwanafunzi wangu, kwa kweli ninawaambia ninyi, hatapoteza zawabu yake.”+
Maelezo ya Chini
^ Ao “mwenye bidii.”
^ Ao “mishipi.”
^ Ao “nguo ingine.”
^ Ao “hatia.”
^ Ao “anavumilia.”
^ Jina lingine la Shetani, mukubwa, ao mutawala, wa pepo wachafu.
^ Ao “uzima,” ni kusema, tumaini la kuishi.
^ Gehena ilikuwa mahali pa kuunguzia uchafu inje ya Yerusalemu. Angalia Maana ya Maneno.
^ Tnn., “kwa feza moja ya kichele ya asarioni.” Angalia Nyongeza B14.
^ Angalia Maana ya Maneno.
^ Ao “uzima wake ataupoteza.”
^ Ao “uzima wake.”
