Mezali 16:1-33
16 Mutu anatayarisha mawazo ya moyo wake,*Lakini jibu lenye anatoa* linatoka kwa Yehova.+
2 Njia zote za mwanadamu zinaonekana kuwa sawa* mbele ya macho yake,+Lakini Yehova anachunguza nia.*+
3 Tia kila jambo lenye unafanya katika mukono wa Yehova,*+Na mipango yako itafanikiwa.
4 Yehova amefanya kila kitu kitimize kusudi lake,Hata waovu kwa ajili ya siku ya musiba.+
5 Kila mutu mwenye kiburi katika moyo ni chukizo kwa Yehova.+
Ukuwe hakika kwamba* hatakosa kupewa azabu.
6 Kwa upendo mushikamanifu na uaminifu, kosa linafunikwa,+Na kwa kumuogopa Yehova mutu anajiepusha na ubaya.+
7 Wakati Yehova anafurahia njia za mutu,Anafanya hata maadui wake waishi kwa amani pamoja naye.+
8 Ni muzuri zaidi kuwa na kidogo pamoja na uadilifu*+Kuliko kuwa na mapato mengi pasipo haki.+
9 Mutu anaweza kupanga njia yake katika moyo wake,Lakini Yehova ndiye anaongoza hatua zake.+
10 Uamuzi wenye kuongozwa na roho* unapaswa kuwa kwenye midomo ya mufalme;+Hapaswe hata kidogo kusaliti haki.+
11 Mizani* na vipimo vyenye kuwa sawa vinatoka kwa Yehova;Majiwe yote ya kupimia yenye kuwa katika mufuko ni kazi yake.+
12 Matendo maovu yanachukiza wafalme,+Kwa maana kiti cha ufalme kinafanywa kuwa imara kabisa kupitia haki.+
13 Maneno ya haki yanafurahisha wafalme.
Wanapenda mutu mwenye anasema kweli.+
14 Kasirani kali ya mufalme ni kama mujumbe wa kifo,+Lakini mutu mwenye hekima anaituliza.*+
15 Katika mwangaza wa uso wa mufalme kuko uzima;Kukubaliwa naye ni kama wingu la mvua wakati wa kipindi cha mvua ya mwisho.+
16 Ni muzuri sana kupata hekima kuliko zahabu!+
Inafaa kuchagua uelewaji kuliko kuchagua feza.+
17 Barabara kubwa ya watu wanyoofu inaepuka mambo ya mubaya.
Kila mutu mwenye analinda njia yake analinda uzima wake.*+
18 Kiburi kinatangulia kuanguka,Na roho yenye majivuno inatangulia kujikwaa.+
19 Ni muzuri zaidi kuwa munyenyekevu* kati ya wapole+Kuliko kupata sehemu ya vitu vyenye watu wenye majivuno walichukua katika vita.
20 Mutu mwenye anaonyesha ufahamu katika jambo atapata mafanikio,*Na mwenye furaha ni ule mwenye anamutegemea Yehova.
21 Mutu mwenye hekima katika moyo ataitwa mutu mwenye uelewaji,+Na mutu mwenye kuongea kwa upole anaongeza* usadikisho.+
22 Ufahamu ni chemchemi ya uzima kwa wenye kuwa nao,Lakini wapumbavu wanapewa nizamu kwa upumbavu wao wenyewe.
23 Moyo wa mwenye hekima unapatia kinywa chake ufahamu+Na unaongeza ushawishi kwenye maneno yake.
24 Maneno yenye kupendeza ni sega la asali,Ni matamu kwa nafsi* na yanaponyesha mifupa.+
25 Kuko njia yenye inaonekana kuwa sawa mbele ya macho ya mutu,Lakini mwishowe inaongoza kwenye kifo.+
26 Hamu ya kula* ya mufanyakazi inamufanya atumike kazi kwa bidiiKwa sababu njaa yake inamuchochea* aendelee kufanya kazi.+
27 Mutu mwenye hana mafaa yoyote anachimbua mambo ya mubaya;+Na maneno yake ni kama moto wenye kuunguza.+
28 Mufanya-fujo* anatokeza mugawanyiko,+Na muchongezi anatenganisha marafiki wa karibu.+
29 Mutu mwenye jeuri anashawishi jirani yakeNa kumuongoza katika njia ya mubaya.
30 Anafinya jicho lake wakati anafanya mipango yenye kuumiza.
Anakaza midomo yake pamoja wakati anafanya jambo lenye kuumiza.
31 Imvi ni taji la uzuri*+Wakati zinapatikana katika njia ya haki.+
32 Mutu mwenye hakasirike haraka+ ni muzuri zaidi kuliko mwanaume mwenye nguvu,Na mutu mwenye kuzuia kasirani yake* ni muzuri zaidi kuliko mutu mwenye anashinda muji.+
33 Kura inapigwa katika sehemu ya nguo yenye kufunika mapaja,+Lakini kila uamuzi wenye unafanywa kwa kura hiyo unatoka kwa Yehova.+
Maelezo ya Chini
^ Ao “jibu lenye kufaa.” Tnn., “jibu la ulimi.”
^ Tnn., “Mipangilio ya moyo ni ya mutu.”
^ Tnn., “safi.”
^ Tnn., “roho.”
^ Tnn., “Umuviringishie Yehova kazi zako.”
^ Tnn., “Mukono kwa mukono.”
^ Angalia Maana ya Maneno.
^ Ao “Uamuzi wenye kuongozwa na Mungu.”
^ Ao “Kilo.”
^ Ao “anaiepuka.”
^ Ao “nafsi yake.”
^ Tnn., “munyenyekevu wa roho.”
^ Tnn., “mema.”
^ Ao “Na maneno yenye kuvutia yanaongeza.” Tnn., “Na utamu wa midomo unaongeza.”
^ Ao “Yako na onjo tamu.” Angalia Maana ya Maneno.
^ Tnn., “kinywa chake kinamuchochea.”
^ Ao “Nafsi.”
^ Ao “Mwenye kufanya mipango ya mubaya.”
^ Ao “utukufu.”
^ Tnn., “anatawala juu ya roho yake.”
