Mezali 9:1-18
9 Hekima ya kweli imejenga nyumba yake;Imechonga nguzo zake saba (7).
2 Imetayarisha kabisa nyama yake;*Imechanganya divai yake;Imepanga pia meza yake.
3 Imetuma watumishi wake wanamukeIli waite kwa sauti kubwa kutoka nafasi za juu za muji:+
4 “Mutu yeyote mwenye hana uzoefu, aingie humu.”
Anamuambia ule mwenye hana akili ya muzuri:*
5 “Kuja, ukule mukate wanguNa ukunywe divai yenye nilichanganya.
6 Acha ukosefu wako wa uzoefu* na uishi;+Tembea moja kwa moja katika njia ya uelewaji.”+
7 Ule mwenye kumurekebisha mutu mwenye zihaka anaalika haya,+Na mutu yeyote mwenye kumukaripia mutu muovu ataumia.
8 Usimukaripie mutu mwenye zihaka, kwa maana atakuchukia.+
Karipia mwenye hekima, naye atakupenda.+
9 Patia mwenye hekima, na atakuwa mwenye hekima zaidi.+
Fundisha mwenye haki, na elimu yake itaongezeka.
10 Kumuogopa Yehova ndio mwanzo wa hekima,+Na kumujua Mwenye Kuwa Mutakatifu Zaidi+ ni uelewaji.
11 Kwa maana nitafanya siku zako zikuwe nyingi,+Na miaka ya maisha yako itaongezwa.
12 Kama unakuwa mwenye hekima, unakuwa mwenye hekima kwa faida yako mwenyewe,Lakini kama uko mwenye zihaka, utabeba zihaka hiyo peke yako.
13 Mwanamuke mujinga ni mwenye fujo.+
Yeye ni mujinga na hajue kitu.
14 Anakaa kwenye muingilio wa nyumba yakeKwenye kiti katika mahali pa juu pa muji,+
15 Anaita kwa sauti kubwa wale wenye kupita karibu naye,Wale wenye kuenda mbele moja kwa moja katika njia yao:
16 “Mutu yeyote mwenye hana uzoefu, aingie humu.”
Anaambia wale wenye hawana akili ya muzuri:*+
17 “Maji yenye yaliibwa ni matamu,Na chakula chenye kukuliwa kwa uficho ni chenye kupendeza.”+
18 Lakini hawajue kwamba wale wenye hawana uwezo katika kifo wako pale,Kwamba wageni wake wanapatikana katika sehemu za chini kabisa za Kaburi.*+
Maelezo ya Chini
^ Tnn., “Amechinja machinjo yake.”
^ Tnn., “iko katika ukosefu wa moyo.”
^ Ao “watu wenye hawana uzoefu.”
^ Tnn., “wako katika ukosefu wa moyo.”
^ Ao “Sheoli,” ni kusema, kaburi la wanadamu wote. Angalia Maana ya Maneno.
