Muhubiri 1:1-18
1 Maneno ya mukutanishaji,*+ mwana wa Daudi, mufalme katika Yerusalemu.+
2 “Yote ni bure* kabisa!” ni vile mukutanishaji anasema,“Yote ni bure kabisa! Kila kitu ni bure!”+
3 Mutu anapata faida gani kwa kazi zake zote za nguvuZenye anafanya kwa jasho chini ya jua?+
4 Kizazi kinapita, na kizazi kinakuja,Lakini dunia inadumu* milele.+
5 Jua linatokea,* na jua linashuka;Na linarudia haraka mahali kwenye litatokea tena.+
6 Upepo unaenda kusini na kuzunguka mupaka kaskazini;Unaendelea kuzunguka tena na tena; upepo unaendelea kufanya mizunguko yake.
7 Mito yote ya kidogo* inatiririka kuingia katika bahari, lakini bahari haijae.+
Mahali mito ya kidogo inatoka, ni kule inarudia ili kutiririka tena.+
8 Mambo yote yanachokesha;Hakuna mwenye anaweza hata kueleza juu ya hilo.
Jicho halishibake kuona;Na sikio halijae kwa sababu ya kusikia.
9 Mambo yenye yamekwisha kuwa, ndiyo yatakuwa tena,Na mambo yenye yamekwisha kufanywa, ndiyo yatafanywa tena;Hakuna kitu kipya chini ya jua.+
10 Je, kuko kitu chochote chenye mutu anaweza kusema, “Angalia hiki—ni kipya”?
Kimekuwa tangu zamani sana;Kimekuwa mbele ya wakati wetu.
11 Hakuna mwenye anakumbuka watu wa zamani;Wala hakuna mwenye atakumbuka wenye watakuja;Wala wale wenye watakuja kisha hawatawakumbuka.+
12 Mimi, mukutanishaji, nimekuwa mufalme juu ya Israeli katika Yerusalemu.+
13 Niliazimia katika moyo wangu kujifunza na kuchunguza kwa hekima+ kila jambo lenye limefanywa chini ya mbingu+—kazi zenye kutaabisha zenye Mungu amepatia wana wa binadamu wafanye.
14 Niliona kazi zote zenye zilifanywa chini ya jua,Na angalia! mambo yote yalikuwa bure,* na kufuatilia upepo.+
15 Kitu chenye kukunjama hakiwezi kunyooshwa,Na kitu chenye kukosekana hakiwezi kuhesabiwa.
16 Kisha nikasema katika moyo wangu: “Angalia! Nimepata hekima nyingi, kuliko mutu yeyote mwenye alinitangulia Yerusalemu,+ na moyo wangu umepata hekima nyingi sana na ujuzi.”+
17 Nilijikaza sana katika moyo wangu ili nijue hekima na kujua wazimu* na kujua ujinga,+ na hayo pia ni kufuatilia upepo.
18 Kwa maana hekima nyingi inaleta hali ya kuvunjika moyo sana,Kwa hiyo kila mutu mwenye anaongeza ujuzi anaongeza maumivu.+
Maelezo ya Chini
^ Ao “mwenye kukusanya watu; mwenye kuita watu kwenye mukusanyiko.”
^ Ao “ubatili.”
^ Tnn., “inasimama.”
^ Ao “linaangaza.”
^ Ao “Mito midogo ya kipindi cha baridi; Mito midogo yenye kutokea wakati fulani.”
^ Ao “ubatili.”
^ Ao “upumbavu mwingi sana.”
