Muhubiri 10:1-20
10 Kama vile mainzi wenye kufa wanafanya mafuta ya mutengenezaji wa marashi yanuke na kutoa pofu, ni vile pia upumbavu kidogo unaharibu hekima na utukufu.+
2 Moyo wa mwenye hekima unamuongoza katika njia yenye inafaa,* lakini moyo wa mujinga unamuongoza katika njia yenye haifae.*+
3 Katika kila njia yenye mupumbavu anatembea, hana akili ya muzuri,*+ na anafanya kila mutu ajue kwamba yeye ni mupumbavu.+
4 Kama kasirani* ya mutawala inawaka juu yako, usitoke mahali pako,+ kwa maana utulivu unatuliza zambi kubwa.+
5 Kuko jambo lenye kuhuzunisha lenye nimeona chini ya jua, kosa fulani lenye linafanywa na wenye mamlaka:+
6 Upumbavu umepewa vyeo vingi vya juu, lakini matajiri* wanabakia katika vyeo vya chini.
7 Nimeona watumishi wakiwa kwenye migongo ya farasi lakini wakubwa wakitembea kwa miguu kama vile watumishi.+
8 Mwenye anachimba shimo anaweza kuangukia ndani;+ na mwenye anabomoa ukuta wa majiwe anaweza kuumwa na nyoka.
9 Mwenye anachimbua majiwe yatamuumiza, na mwenye anapasua vipande vikubwa vya muti anaweza kuwa katika hatari kwa sababu ya vipande hivyo.*
10 Kama kifaa cha chuma kinapoteza makali na kama mutu hakinoe, atahitaji kutumia nguvu nyingi zaidi. Lakini hekima inasaidia kupata mafanikio.
11 Kama nyoka anauma mbele ya kuchezeshwa, mutu mwenye kuchezesha nyoka mwenye ufundi* hapate faida yoyote.
12 Maneno yenye kutoka katika kinywa cha mwenye hekima yanafanya akubaliwe,+ lakini midomo ya mujinga ndiyo yanamuharibu.+
13 Maneno ya kwanza yenye kutoka katika kinywa chake ni upumbavu,+ na maneno yake ya mwisho ni wazimu wenye kuleta musiba.
14 Lakini mupumbavu anaendelea kusema.+
Mwanadamu hajue mambo yenye yatatokea; ni nani anaweza kumuambia mambo yenye yatakuja kisha yeye?+
15 Kazi ya nguvu ya mujinga inamuchokesha, kwa sababu hajue hata namna ya kupata njia ya kuenda katika muji.
16 Ole wake inchi wakati mufalme wake ni kijana+ na wakubwa wanaanza kufanya karamu asubui!
17 Heri inchi yenye mufalme wake ni mwana wa watu wenye vyeo na yenye wakubwa wake wanakula kwa wakati wenye unafaa ili kupata nguvu, haiko juu ya kulewa!+
18 Kwa sababu ya uvivu mukubwa sehemu ya juu ya nyumba inabonyea, na kwa sababu ya mikono yenye uvivu, nyumba inavuya.+
19 Mukate unafanywa* ili kuleta kicheko, na divai inafanya maisha yafurahishe;+ lakini feza zinatimiza mahitaji yote.+
20 Hata katika mawazo yako,* usilaani mufalme,*+ wala usilaani tajiri katika chumba chako cha kulala; kwa sababu ndege* anaweza kupeleka sauti,* ao kiumbe chenye mabawa kinaweza kurudilia mambo yenye yalisemwa.
Maelezo ya Chini
^ Tnn., “uko kwenye mukono wake wa kuume.”
^ Tnn., “uko kwenye mukono wake wa kushoto.”
^ Tnn., “moyo wake unakosewa.”
^ Tnn., “roho, pumuzi.”
^ Ao “wenye uwezo.”
^ Ao pengine, “anapaswa kufanya angalisho navyo.”
^ Tnn., “mwenye anajua sana kutumia ulimi.”
^ Ao “Chakula kinafanywa.”
^ Ao pengine, “kwenye kitanda chako.”
^ Ao “usiseme mufalme mubaya.”
^ Tnn., “kiumbe mwenye kuruka wa mbinguni.”
^ Ao “habari.”
