Muhubiri 11:1-10
11 Tupa* mukate wako juu ya maji,+ kwa maana kisha siku nyingi utaupata tena.+
2 Patia fungu watu saba (7) ao hata munane (8),+ kwa maana haujue ni taabu gani itatokea* katika dunia.
3 Kama mawingu yanajaa maji, mvua itanyesha juu ya dunia; na kama muti unaanguka kuelekea kusini ao kaskazini, mahali kwenye muti unaangukia ni pale utabakia.
4 Mwenye anaangalia upepo hatapanda mbegu, na mwenye anaangalia mawingu hatavuna.+
5 Kama vile haujue namna roho inafanya kazi katika mifupa ya mutoto mwenye kuwa ndani ya* mwanamuke mwenye mimba,+ ni vile pia haujue kazi ya Mungu wa kweli, mwenye anafanya mambo yote.+
6 Panda mbegu zako asubui na usiache mukono wako upumuzike mupaka mangaribi;+ kwa maana haujue ni ya wapi itafanikiwa, kama ni hii ao ile, ao kama zote mbili zitakuwa muzuri.
7 Mwangaza ni mutamu, na ni muzuri kwa macho kuona jua.
8 Kwa maana kama mwanadamu anaishi miaka mingi, acha aifurahie yote.+ Lakini anapaswa kukumbuka kwamba siku za giza zinaweza kuwa nyingi; mambo yote yenye yatakuja ni bure.*+
9 Kijana, furahi wakati ungali kijana, na moyo wako ufurahi katika siku za ujana wako. Fuata njia za moyo wako na uende kwenye macho yako yanakuongoza; lakini ujue kwamba Mungu wa kweli atakuleta katika hukumu* kwa sababu ya mambo hayo yote.+
10 Kwa hiyo ondoa katika moyo wako mambo yenye kuleta mahangaiko, na uepushe mwili wako na mambo yenye kuumiza, kwa maana ujana na kipindi kizuri cha maisha ni bure.*+
Maelezo ya Chini
^ Ao “Tuma.”
^ Ao “musiba gani utatokea.”
^ Tnn., “mifupa katika tumbo la uzazi la.”
^ Ao “ubatili.”
^ Ao “atakuomba utoe hesabu.”
^ Ao “ubatili.”
