Kwa Waebrania 4:1-16
4 Kwa hiyo, kwa kuwa ahadi ya kuingia katika pumuziko lake inabakia, tukuwe macho* ili mutu yeyote kati yenu asionekane amepungukiwa.+
2 Kwa maana sisi pia tumetangaziwa habari njema,+ kama vile walitangaziwa; lakini neno lenye walisikia halikuwaletea faida, kwa sababu hawakuunganishwa kwa imani pamoja na wale wenye walisikiliza.
3 Kwa maana sisi wenye tumeonyesha imani tunaingia katika pumuziko, kama vile alisema: “Kwa hiyo niliapa katika kasirani yangu, ‘Hawataingia katika pumuziko langu,’”+ hata kama kazi zake zilimalizwa tangu kuwekwa musingi wa ulimwengu.+
4 Kwa maana mahali fulani amesema hivi juu ya siku ya saba (7): “Na Mungu akapumuzika siku ya saba kutokana na kazi zake zote,”+
5 na hapa tena anasema: “Hawataingia katika pumuziko langu.”+
6 Basi, kwa kuwa kunabakia watu fulani waingie katika pumuziko hilo, na wale wenye walitangaziwa kwanza habari njema hawakuingia kwa sababu ya kukosa kutii,+
7 yeye tena anaweka siku fulani kwa kusema hivi kisha wakati murefu katika zaburi ya Daudi, “Leo”; kama vile ilisemwa pale juu, “Leo kama munasikiliza sauti yake, musifanye mioyo yenu kuwa migumu.”+
8 Kwa maana kama Yoshua+ aliwaingiza mahali pa pumuziko, Mungu hangesema baadaye juu ya siku ingine.
9 Kwa hiyo kunabakia pumuziko la sabato kwa ajili ya watu wa Mungu.+
10 Kwa maana mutu mwenye ameingia katika pumuziko la Mungu, amepumuzika pia kisha kazi zake mwenyewe, kama vile Mungu alipumuzika pia kutoka kwenye kazi zake mwenyewe.+
11 Kwa hiyo tufanye nguvu yetu yote ili tuingie katika pumuziko hilo, ili mutu yeyote asianguke katika mufano uleule wa kukosa kutii.+
12 Kwa maana neno la Mungu liko na uzima na liko na nguvu+ na liko makali kuliko upanga wowote wenye makali pande mbili+ na linaingia hata kufikia kugawanya nafsi* na roho,* na viungo kutoka kwa mafuta ya ndani ya mifupa, na linaweza kutambua mawazo na makusudio ya moyo.
13 Na hakuna kiumbe chenye kufichwa mbele ya macho yake,+ lakini vitu vyote viko uchi na vyenye kufunuliwa wazi mbele ya macho ya ule mwenye tunapaswa kutoa hesabu kwake.+
14 Basi, kwa kuwa tuko na kuhani mukubwa sana mwenye amepita katika mbingu, Yesu Mwana wa Mungu,+ tuendelee kumutangaza mbele ya watu wote.+
15 Kwa maana hatuna kuhani mukubwa mwenye hawezi kusikilia uzaifu wetu huruma,+ lakini tuko naye mwenye amejaribiwa katika mambo yote kama vile sisi, lakini bila kufanya zambi.+
16 Basi, tukaribie kiti cha ufalme cha fazili zenye hazistahiliwe tukiwa na uhuru wa kusema,+ kusudi tupokee rehema na tupate fazili zenye hazistahiliwe ili zitusaidie wakati wenye kufaa.
