Barua ya Yakobo 3:1-18
3 Ndugu zangu, watu wote kati yenu wasitafute kuwa walimu, kwa sababu munajua kwamba tutapokea hukumu nzito* zaidi.+
2 Kwa maana sisi wote tunajikwaa* mara nyingi.+ Kama mutu yeyote hajikwae katika neno, huyo ni mutu mukamilifu, mwenye anaweza kuongoza kwa lijamu* mwili wake wote pia.
3 Kama tunaweka lijamu* katika vinywa vya farasi ili watutii, sisi tunaongoza mwili wao wote pia.
4 Muangalie pia mashua:* Hata kama ni kubwa sana na zinaendeshwa na upepo mukali, zinaongozwa na usukani* mudogo sana ili kuenda kila mahali kwenye mutu mwenye kuongoza anataka kuenda.
5 Vilevile pia, ulimi ni kiungo kidogo cha mwili, lakini unajisifu sana. Muangalie namna moto kidogo unaweza kuteketeza pori kubwa!
6 Ulimi pia ni moto.+ Kati ya viungo vya mwili wetu, ulimi unafananisha ulimwengu wa ukosefu wa haki, kwa maana unachafua mwili wote+ na unawasha kwa moto mwendo wote wa maisha,* na unawashwa moto na Gehena.*
7 Kwa maana kila namna ya munyama wa pori na ndege na munyama mwenye kutambaa* na kiumbe cha bahari vinaweza kufugwa na vimefugwa na wanadamu.
8 Lakini hakuna mwanadamu mwenye anaweza kufuga ulimi. Ulimi ni kitu kigumu kuzuia na chenye kuumiza, umejaa sumu yenye kuua.+
9 Kupitia ulimi tunamusifu Yehova,* Baba, na tena kupitia ulimi tunalaani wanadamu wenye wamefanywa “kwa mufano wa Mungu.”+
10 Baraka na laana vinatoka katika kinywa kilekile.
Ndugu zangu, haifae mambo yatendeke vile.+
11 Je, chemchemi inaweza kutosha maji matamu na pia machungu katika shimo lilelile?
12 Ndugu zangu, je, muti wa tini unaweza kuzaa zeituni, ao muzabibu kuzaa tini?+ Na maji ya chumvi hayawezi kutokeza maji matamu.
13 Ni nani mwenye hekima na uelewaji kati yenu? Aonyeshe kupitia mwenendo wake muzuri matendo yenye yanafanywa kwa upole wenye unatokana na hekima.
14 Lakini kama muko na wivu mukali+ na ugomvi*+ katika mioyo yenu, musikuwe munajisifu+ na kusema uongo juu ya ile kweli.
15 Hii haiko hekima yenye inashuka kutoka juu; lakini ni ya kidunia,+ ya kinyama, na ya pepo wachafu.
16 Kwa maana mahali kwenye kuko wivu na ugomvi,* kutakuwa pia muvurugo na kila jambo la mubaya.+
17 Lakini hekima yenye inatoka juu kwanza kabisa ni safi,+ kisha yenye kufanya amani,+ yenye usawaziko,+ tayari kutii, yenye kujaa rehema na matunda ya muzuri,+ haibague,+ na haiko ya kinafiki.+
18 Zaidi ya hayo, tunda la haki linapandwa katika hali zenye amani+ kwa ajili ya* wale wenye kufanya amani.+
Maelezo ya Chini
^ Ao “kali.”
^ Ao “tunafanya makosa.”
^ Lijamu ni kipande cha chuma chenye kinawekwa kwenye kinywa cha munyama ili kumuongoza na kumuzuia.
^ Lijamu ni kipande cha chuma chenye kinawekwa kwenye kinywa cha munyama ili kumuongoza na kumuzuia.
^ Ao “mashua ya maji; bateau.”
^ Usukani ni kifaa kidogo chenye kuongoza mashua (mashua ya maji).
^ Tnn., “muzunguko wa kuzaliwa (chanzo).”
^ Gehena ilikuwa mahali pa kuunguzia uchafu inje ya Yerusalemu. Angalia Maana ya Maneno.
^ Ao “kitu chenye kutambaa.”
^ Angalia Nyongeza A5.
^ Ao pengine, “tamaa yenye uchoyo.”
^ Ao pengine, “tamaa yenye uchoyo.”
^ Ao pengine, “na.”
