Barua ya Yakobo 4:1-17
4 Ni nini inaleta vita na mapigano kati yenu? Je, havitokane na tamaa zenu za mwili zenye zinaendeleza pambano ndani yenu?*+
2 Munatamani, lakini hamuna kitu. Munaendelea kuua na kutamani kwa wivu, lakini hamuna uwezo wa kupata. Munaendelea kupigana na kufanya vita.+ Hamuna kitu kwa sababu hamuombe.
3 Wakati munaomba, hamupokee kwa sababu munaomba kwa kusudi la mubaya, ili muvitumie kwa ajili ya tamaa zenu za mwili.
4 Ninyi wazinifu,* je, hamujue kama urafiki na ulimwengu ni uadui na Mungu? Kwa hiyo, mutu yeyote mwenye anataka kuwa rafiki ya ulimwengu anajifanya mwenyewe kuwa adui ya Mungu.+
5 Ao je, munawaza kama andiko linasema hivi bila sababu: “Roho yenye imekaa ndani yetu inaendelea kutamani kwa wivu”?+
6 Hata hivyo, fazili zenye hazistahiliwe zenye Yeye anatoa ni kubwa zaidi. Kwa hiyo, andiko linasema: “Mungu anapinga wenye majivuno,+ lakini anapatia wanyenyekevu fazili zenye hazistahiliwe.”+
7 Basi, mujitiishe wenyewe kwa Mungu;+ lakini mumupinge Ibilisi,+ naye atawakimbia ninyi.+
8 Mumukaribie Mungu, naye atawakaribia ninyi.+ Musafishe mikono yenu, ninyi watenda-zambi,+ na mutakase mioyo yenu,+ ninyi wenye kusita-sita.
9 Mukuwe na taabu na muomboleze na kulia.+ Kicheko chenu kigeuzwe kuwa maombolezo, na furaha yenu kuwa kukosa tumaini.
10 Mujinyenyekeze wenyewe mbele ya macho ya Yehova,*+ naye atawainua ninyi.+
11 Ndugu, muache kusemana mubaya kati yenu.+ Mutu yeyote mwenye anamusema mubaya ndugu ao anamuhukumu ndugu yake anasema mubaya juu ya sheria na anahukumu sheria. Sasa kama unahukumu sheria, basi wewe hauko mutendaji wa sheria lakini uko muamuzi.
12 Kuko mumoja tu mwenye kuwa Mutoaji-sheria na Muamuzi,+ ule mwenye anaweza kuokoa na kuharibu.+ Lakini wewe ni nani ili ukuwe unamuhukumu jirani yako?+
13 Sasa, musikilize ninyi wenye kusema: “Leo ao kesho tutasafiri kuenda katika muji fulani na tutakaa mwaka mumoja kule, na tutafanya biashara na kupata faida,”+
14 ijapokuwa hamujue maisha yenu yatakuwa namna gani kesho.+ Kwa maana ninyi ni kunguku yenye inatokea kwa wakati kidogo na kisha inapotea.+
15 Tofauti na hilo, munapaswa kusema: “Kama Yehova* anapenda,+ tutaishi na kufanya hiki ao kile.”
16 Lakini sasa munajivunia kujisifu kwenu kwa kiburi. Majivuno yote ya namna hiyo ni maovu.
17 Kwa hiyo, kama mutu anajua namna ya kufanya mambo yenye kuwa sawa lakini hayafanye, hiyo ni zambi kwake.+
Maelezo ya Chini
^ Tnn., “ndani ya viungo vyenu.”
^ Ao “Ninyi wenye hamuko waaminifu.”
^ Angalia Nyongeza A5.
^ Angalia Nyongeza A5.
