Yeremia 1:1-19
1 Haya ndiyo maneno ya Yeremia* mwana wa Hilkia, mumoja wa makuhani katika Anatoti+ katika inchi ya Benyamini.
2 Neno la Yehova likakuja kwake katika siku za Yosia+ mwana wa Amoni,+ mufalme wa Yuda, katika mwaka wa kumi na tatu (13) wa utawala wake.
3 Likakuja pia katika siku za Yehoyakimu+ mwana wa Yosia, mufalme wa Yuda, mupaka kumalizika kwa mwaka wa kumi na moja (11) wa Sedekia+ mwana wa Yosia, mufalme wa Yuda, mupaka wakati Yerusalemu ilienda katika uhamisho katika mwezi wa tano (5).+
4 Neno la Yehova likakuja kwangu, na kusema:
5 “Mbele nikuumbe katika tumbo la uzazi nilikujua,*+Na mbele uzaliwe* nilikutakasa.*+
Nilikufanya kuwa nabii kwa mataifa.”
6 Lakini nikasema: “Ole wangu, Ee Bwana Mwenye Mamlaka Makubwa Zaidi Yehova!
Mimi sijue namna ya kusema,+ kwa maana niko kijana mudogo tu.”+
7 Kisha Yehova akaniambia:
“Usiseme, ‘Niko kijana mudogo tu.’
Kwa maana unapaswa kuenda kwa wote wenye ninakutuma kwao,Na unapaswa kusema kila jambo lenye ninakuamuru.+
8 Usiogope kwa sababu ya namna wanaonekana,+Kwa maana ‘mimi niko pamoja na wewe ili kukuokoa,’+ ni vile Yehova anasema.”
9 Kisha Yehova akanyoosha mukono wake na kugusa kinywa changu.+ Na Yehova akaniambia: “Nimetia maneno yangu katika kinywa chako.+
10 Angalia, nimekupatia daraka leo hii ili ukuwe juu ya mataifa na juu ya falme, ili kungoa na kubomoa, ili kuharibu na kuangusha, ili kujenga na kupanda.”+
11 Neno la Yehova likakuja tena kwangu, na kusema: “Unaona nini, Yeremia?” Basi nikasema: “Ninaona tawi la muti wa lozi.”*
12 Yehova akaniambia: “Umeona muzuri, kwa maana niko macho kabisa juu ya neno langu ili kulitimiza.”
13 Neno la Yehova likakuja kwangu mara ya pili, likisema: “Unaona nini?” Basi nikasema: “Ninaona chungu* chenye kutokota,* na mudomo wake umeinama kutoka kaskazini.”
14 Kisha Yehova akaniambia:
“Musiba utafunguliwa kutoka kaskaziniJuu ya wakaaji wote wa inchi.+
15 Kwa maana ‘ninaita familia zote za falme za kaskazini,’ ni vile Yehova anasema,+‘Na watakuja; kila mumoja ataweka kiti chake cha ufalmeKwenye muingilio wa milango mikubwa ya Yerusalemu,+Kwenye kuta zake kuzunguka pande zoteNa kwenye miji yote ya Yuda.+
16 Na nitatangaza hukumu zangu juu yao kwa sababu ya uovu wao wote,Kwa sababu wameniacha,+Na wanachoma zabihu ili zitoe moshi kwa ajili ya miungu mingine+Na kuinamia kazi za mikono yao wenyewe.’+
17 Lakini unapaswa kujitayarisha ili kutenda,*Na unapaswa kusimama na kuwaambia kila jambo lenye ninakuamuru.
Usiwaogope,+Ili nisikuogopeshe mbele yao.
18 Kwa maana leo nimekufanya kuwa muji wenye ngome,Nguzo ya chuma, na kuta za shaba juu ya inchi yote,+Kuelekea wafalme wa Yuda na wakubwa wake,Kuelekea makuhani wake na watu wa inchi.+
19 Na hakika watapigana na wewe,Lakini hawatakushinda,Kwa maana ‘Mimi niko pamoja na wewe,’+ ni vile Yehova anasema, ‘ili kukuokoa.’”
Maelezo ya Chini
^ Pengine linamaanisha “Yehova Anainua.”
^ Ao “nilikuchagua.”
^ Ao “nilikutia pembeni.”
^ Tnn., “mbele utoke katika tumbo la uzazi.”
^ Tnn., “muti wenye kuamuka.”
^ Ao “chungu cha kupikia chenye mudomo mupana.”
^ Tnn., “chenye kupulizwa;” hilo linaonyesha kwamba chini yake kulikuwa moto wenye kuchochewa.
^ Tnn., “unapaswa kufunga kiuno chako.”
