Yobu 32:1-22
32 Basi wanaume hao watatu (3) wakaacha kujaribu kumujibu Yobu, kwa sababu alijiona kuwa mwenye haki.*+
2 Lakini Elihu mwana wa Barakeli ule Mubuzi+ wa familia ya Ramu, alikuwa amekasirika sana. Kasirani yake iliwaka juu ya Yobu kwa sababu alijaribu kujionyesha kuwa mutu mwenye kufanya mambo yenye kuwa sawa pa nafasi ya Mungu.+
3 Pia, alikasirikia sana marafiki watatu (3) wa Yobu kwa sababu hawakupata jibu lakini walikuwa wamemutangaza Mungu kuwa muovu.+
4 Elihu alikuwa amengojea mbele ya kumujibu Yobu, kwa sababu walikuwa na miaka mingi kuliko yeye.+
5 Wakati Elihu aliona kwamba wale wanaume watatu (3) hawakukuwa na neno la kujibu, kasirani yake ikawaka.
6 Kwa hiyo Elihu mwana wa Barakeli ule Mubuzi, akaanza kuzungumuza, na kusema:
“Mimi ni kijana*Na ninyi ni wazee.+
Kwa hiyo, kwa heshima, nilijizuia,+Na sikupima kuwaambia mambo yenye ninajua.
7 Niliwaza, ‘Acha miaka iseme,*Na acha wingi wa miaka utangaze hekima.’
8 Lakini ni roho yenye kuwa ndani ya watu,Pumuzi ya Mweza-Yote, ndiyo inawapatia uelewaji.+
9 Haiko kuishi miaka mingi tu ndiko kunamufanya* mutu akuwe na hekima,Na haiko wazee peke yao ndio wanaelewa mambo yenye kuwa sawa.+
10 Kwa hiyo ninasema, ‘Munisikilize,Na mimi pia nitawaambia mambo yenye ninajua.’
11 Muangalie! Nilingojea maneno yenu;Niliendelea kusikiliza mawazo yenu+Wakati mulikuwa munatafuta mambo ya kusema.+
12 Niliwasikiliza kwa uangalifu,Lakini hakuna mutu katikati yenu mwenye aliweza kumuonyesha Yobu kosa lake*Ao kujibu mawazo yake.
13 Kwa hiyo musiseme, ‘Tumepata hekima;Mungu ndiye anamupinga, hapana mwanadamu.’
14 Yobu hakuelekeza maneno yake kwangu,Kwa hiyo sitamujibu kwa kutumia mawazo yenu.
15 Wamekuwa na wasiwasi, hawana tena majibu;Hawana tena neno la kusema.
16 Nimengojea, lakini hawaendelee kusema;Wamesimama pale tu, bila neno lingine la kujibu.
17 Kwa hiyo mimi pia nitatoa jibu;Mimi pia nitasema mambo yenye ninajua,
18 Kwa maana niko na maneno mengi;Roho yenye kuwa ndani yangu inanisukuma.
19 Sehemu zangu za ndani ziko kama divai yenye haina nafasi ya kupitisha hewa,Kama chupa mupya za ngozi za kuwekea divai zenye zinakaribia kupasuka.+
20 Acha niseme ili nipate kitulizo!
Nitafungua midomo yangu na kutoa jibu.
21 Sitapendelea mutu yeyote;+Wala sitasifu-sifu mwanadamu yeyote,*
22 Kwa maana sijue kusifu-sifu watu;Kama nilifanya vile, Mutengenezaji wangu angeniharibu mara moja.
Maelezo ya Chini
^ Ao “kwa sababu alikuwa mwenye haki katika macho yake mwenyewe.”
^ Tnn., “niko na siku kidogo.”
^ Tnn., “siku ziseme.”
^ Ao “Haiko siku nyingi ndizo zinamufanya.”
^ Ao “mwenye alimukaripia Yobu.”
^ Ao “sitapatia mwanadamu yeyote jina la cheo.”
