Kulingana na Yohana 13:1-38
13 Sasa, kwa sababu alijua mbele ya sikukuu ya Pasaka kwamba saa yake ya kutoka katika ulimwengu huu na kuenda kwa Baba+ ilikuwa imefika,+ Yesu, akiwa amependa wale wenye ni wake mwenyewe wenye walikuwa katika ulimwengu, aliwapenda mupaka mwisho.+
2 Walikuwa wanaendelea kula chakula cha mangaribi, na Ibilisi alikuwa amekwisha kutia katika moyo wa Yuda Iskariote,+ mwana wa Simoni, wazo la kumusaliti Yesu.+
3 Basi Yesu, kwa sababu alijua kwamba Baba alikuwa ametia vitu vyote katika mikono yake na kwamba alikuja kutoka kwa Mungu na alikuwa anaenda kwa Mungu,+
4 akasimama kutoka kwenye chakula cha mangaribi na kutia nguo zake za inje pembeni. Na akakamata kitambaa, akakifunga kwenye kiuno chake.+
5 Kisha akatia maji ndani ya beseni, akaanza kunawisha wanafunzi miguu na kuipanguza kwa kitambaa chenye alikuwa amejifunga kwenye kiuno.
6 Kisha akafika kwa Simoni Petro. Petro akamuuliza: “Bwana, unataka kuninawisha miguu?”
7 Yesu akamujibu: “Jambo lenye ninafanya haulielewe sasa, lakini utaelewa kisha mambo haya.”
8 Petro akamuambia: “Hautaninawisha miguu hata kidogo.” Yesu akamujibu: “Kama sikunawishe,+ hauna sehemu pamoja na mimi.”
9 Simoni Petro akamuambia: “Bwana, usininawishe miguu tu, lakini uninawishe pia mikono na kichwa.”
10 Yesu akamuambia: “Kila mutu mwenye ameoga iko* na lazima tu ya kunawa miguu, lakini iko* safi kabisa. Na ninyi muko safi, lakini hapana ninyi wote.”
11 Kwa maana alijua mutu mwenye alikuwa anamusaliti.+ Ndiyo sababu alisema: “Haiko ninyi wote ndio muko safi.”
12 Basi, wakati sasa alikuwa amewanawisha miguu na kuvaa nguo zake za inje, akakaa tena kwenye meza na kuwaambia: “Je, munaelewa jambo lenye nimewafanyia?
13 Ninyi munaniita, ‘Mwalimu,’ na, ‘Bwana,’ na munasema kweli, kwa maana ni vile niko.+
14 Kwa hiyo, kama mimi mwenye ni Bwana na Mwalimu, niliwanawisha ninyi miguu,+ ninyi pia munapaswa* kunawishana miguu.+
15 Kwa maana niliwawekea ninyi mufano, ili kama vile niliwafanyia ninyi, ninyi pia mufanye vilevile.+
16 Kwa kweli kabisa ninawaambia ninyi, mutumwa haiko mukubwa kuliko bwana wake, wala ule mwenye alitumwa haiko mukubwa kuliko ule mwenye alimutuma.
17 Kama munajua mambo haya, ninyi ni wenye furaha ikiwa munayatenda.+
18 Siseme juu yenu ninyi wote; ninajua wale wenye nimechagua. Lakini ilikuwa vile ili andiko litimizwe:+ ‘Ule mwenye alikuwa anakula mukate wangu ameinua kisigino chake ili kuniumiza.’*+
19 Kuanzia wakati huu na kuendelea, ninawaambia mbele ya jambo hilo kutokea, ili wakati litatokea muamini kwamba mimi ndiye.+
20 Kwa kweli kabisa ninawaambia ninyi, kila mutu mwenye anamupokea ule mwenye ninatuma ananipokea mimi pia,+ na kila mutu mwenye ananipokea, anamupokea pia Ule mwenye alinituma.”+
21 Kisha kusema mambo hayo, Yesu akavurugika sana katika roho, na akatoa ushahidi, na kusema: “Kwa kweli kabisa ninawaambia ninyi, mumoja wenu atanisaliti.”+
22 Wanafunzi wakaanza kuangaliana, bila kujua kabisa alikuwa anasema juu ya nani.+
23 Mumoja wa wanafunzi, ule mwenye Yesu alipenda,+ alikuwa amekaa karibu na* Yesu.
24 Kwa hiyo, Simoni Petro akamufanyia alama kwa kichwa na kumuambia: “Tuambie anasema juu ya nani.”
25 Basi mwanafunzi huyo akaegemea nyuma kwenye kifua cha Yesu na kumuuliza: “Bwana, ni nani?”+
26 Yesu akajibu: “Ni ule mwenye nitapatia kipande cha mukate chenye ninaingiza katika bakuli.”+ Basi, kisha kuingiza mukate katika bakuli, akaukamata na kuupatia Yuda, mwana wa Simoni Iskariote.
27 Kisha Yuda kukamata kile kipande cha mukate, Shetani akaingia ndani yake.+ Kwa hiyo, Yesu akamuambia: “Kile unafanya, ukifanye mbio sana.”
28 Lakini hakuna hata mumoja kati ya wale wenye walikuwa wamekaa kwenye meza mwenye alijua sababu gani amemuambia vile.
29 Kwa kweli, wamoja waliwaza kwamba kwa sababu Yuda alikuwa anachunga sanduku la feza,+ Yesu alikuwa anamuambia, “Nunua vitu vyenye tuko navyo lazima kwa ajili ya sikukuu,” ao kwamba apatie maskini kitu fulani.
30 Basi, kisha kupokea kile kipande cha mukate, akaenda inje mara moja. Na ilikuwa usiku.+
31 Kwa hiyo, wakati alikuwa ameenda inje, Yesu akasema: “Sasa Mwana wa binadamu ametukuzwa,+ na Mungu ametukuzwa kuhusiana naye.
32 Mungu mwenyewe atamutukuza,+ na atamutukuza bila kukawia.
33 Watoto wadogo, mimi ningali pamoja na ninyi kwa wakati kidogo. Mutanitafuta; na kama vile niliambia Wayahudi, ‘Kwenye ninaenda hamuwezi kuja,’+ sasa ninawaambia ninyi pia.
34 Ninawapatia ninyi amri mupya, kwamba mupendane; kama vile nimewapenda ninyi,+ ninyi pia mupendane vilevile.+
35 Kwa jambo hili wote watajua kama ninyi ni wanafunzi wangu—kama muko na upendo kati yenu.”+
36 Simoni Petro akamuuliza: “Bwana, unaenda wapi?” Yesu akajibu: “Kule ninaenda hauwezi kunifuata sasa, lakini utanifuata kisha wakati fulani.”+
37 Petro akamuambia: “Bwana, sababu gani siwezi kukufuata sasa? Nitatoa uzima wangu* kwa ajili yako.”+
38 Yesu akajibu: “Je, utatoa uzima wako* kwa ajili yangu? Kwa kweli kabisa ninakuambia, jogoo hatawika kabisa mupaka ukuwe umenikana mara tatu (3).”+
Maelezo ya Chini
^ Ao “eko.”
^ Ao “eko.”
^ Ao “munalazimishwa.”
^ Ao “amenigeukia.”
^ Tnn., “katika kifua cha.”
^ Ao “nafsi yangu.”
^ Ao “nafsi yako.”
