Yoshua 11:1-23
11 Wakati tu Yabini mufalme wa Hasori alisikia habari hizo, akatuma ujumbe kwa Yobabu mufalme wa Madoni,+ na kwa mufalme wa Shimroni, na kwa mufalme wa Akshafi,+
2 na kwa wafalme wa eneo la kaskazini lenye milima, na wa maeneo tambarare* upande wa kusini wa Kinereti, na kwa wale wenye walikuwa Shefela na kwenye miteremuko ya Dori+ upande wa mangaribi,
3 Wakanaani+ upande wa mashariki na mangaribi, Waamori,+ Wahiti, Waperizi, Wayebusi katika eneo lenye milima, na Wahivi+ chini ya Mulima Hermoni+ katika inchi ya Mispa.
4 Basi wakatoka na majeshi yao yote, watu wengi sana kama vile chembe za muchanga pembeni ya bahari, pamoja na farasi wengi sana na magari mengi sana ya vita.
5 Wafalme hao wote wakakutana, na wakaenda na kupiga kambi pamoja pembeni ya maji ya Meromu ili kupigana na Israeli.
6 Basi Yehova akamuambia Yoshua: “Usiwaogope+ kwa sababu kesho wakati kama huu, nitawatia katika mukono wa Israeli, na mutawaua. Mutakata mishipa ya magoti ya farasi zao,+ na kuteketeza kwa moto magari yao.”
7 Basi Yoshua na wanaume wote wa vita wakawashambulia kwa kushitukia pembeni ya maji ya Meromu.
8 Yehova akawatia katika mukono wa Israeli,+ na wakawashinda na kuwafuatilia mupaka Sidoni+ Kubwa na Misrefot-maimu+ na Bonde la Mispe upande wa mashariki, wakawaua, na hakuna mwenye aliokoka.+
9 Kisha Yoshua akawatendea kama vile Yehova alimuambia; akakata mishipa ya magoti ya farasi zao na kuteketeza magari yao kwa moto.+
10 Zaidi ya hiyo, Yoshua akarudia na kukamata Hasori, akamupiga na kumuua mufalme wake kwa upanga,+ kwa sababu zamani Hasori ndio ulikuwa kichwa cha falme hizo zote.
11 Wakapiga na kuua kwa upanga kila mutu mwenye alikuwa* ndani yake, wakawaharibu.+ Hakuna kitu chenye kupumua chenye kilibakia.+ Kisha akateketeza Hasori kwa moto.
12 Yoshua akakamata miji yote ya wafalme hao na kushinda wafalme wote wa miji hiyo kwa upanga.+ Akawaharibu,+ kama vile Musa mutumishi wa Yehova alikuwa ameamuru.
13 Lakini, Israeli hawakuteketeza kwa moto miji yenye ilikuwa kwenye vilima isipokuwa Hasori; ni muji huo tu ndio Yoshua aliteketeza kwa moto.
14 Waisraeli wakanyanganya vitu vyote vya miji hiyo na mifugo kwa ajili yao.+ Lakini wakaua watu wote kwa upanga mupaka wakaharibu kila mutu.+ Hawakuacha hata mutu mumoja mwenye kupumua.+
15 Kama vile Yehova alikuwa amemuamuru Musa mutumishi wake, ni vile Musa alimuamuru Yoshua,+ na ni vile Yoshua alifanya. Hakukosa kufanya jambo lolote kati ya mambo yote yenye Yehova alikuwa amemuamuru Musa.+
16 Yoshua alishinda inchi hii yote, eneo lenye milima, eneo lote la Negebu,+ inchi yote ya Gosheni, Shefela,+ Araba,+ na eneo lenye milima la Israeli na maeneo yake ya Shefela,*
17 kuanzia Mulima Halaki, wenye kupanda mupaka Seiri, na mupaka Baal-gadi+ katika Bonde la Lebanoni chini ya Mulima Hermoni,+ na akakamata wafalme wote wa maeneo hayo na akawashinda, na kuwaua.
18 Yoshua alipigana na wafalme hao wote kwa siku nyingi.
19 Hakuna muji wenye ulifanya amani pamoja na Waisraeli isipokuwa Wahivi wenye waliishi Gibeoni.+ Walipigana na miji ingine yote na kuishinda.+
20 Ni Yehova ndiye aliacha mioyo yao ikuwe migumu+ ili wapigane na Israeli, kusudi awaharibu bila huruma.+ Walipaswa kuharibiwa, kama vile Yehova alikuwa amemuamuru Musa.+
21 Wakati huo, Yoshua aliharibu kabisa Waanaki+ katika eneo lenye milima, Hebroni, Debiri, Anabu, na katika eneo lote lenye milima la Yuda na Israeli. Yoshua aliharibu watu hao na miji yao.+
22 Hakuna Waanaki wenye walibakia katika inchi ya Waisraeli; walibakia+ tu katika Gaza,+ Gati,+ na Ashdodi.+
23 Basi Yoshua akakamata inchi yote, kama vile Yehova alikuwa amemuahidi Musa,+ kisha Yoshua akapatia Waisraeli inchi hiyo ikuwe uriti wao kulingana na mafungu yao yenye yalipaswa kugawanywa kati ya makabila yao.+ Na inchi ikapata pumuziko na haikukuwa na vita.+
Maelezo ya Chini
^ Ao “Araba.”
^ Ao “kila nafsi yenye ilikuwa.”
^ Ao “maeneo yake yenye kuwa chini ya vilima.”
