Yoshua 16:1-10
16 Na inchi yenye wazao wa Yosefu+ waligawiwa kwa kura+ ilianzia Yordani kule Yeriko mupaka kwenye maji yenye kuwa upande wa mashariki wa Yeriko, ilipita katika jangwa lenye kupanda kuanzia Yeriko mupaka eneo lenye milima la Beteli.+
2 Iliendelea kutoka Beteli yenye ilikuwa ya Luzi na kufikia kwenye mupaka wa Waarki kule Ataroti,
3 kisha ilishuka kuenda mangaribi kuelekea kwenye mupaka wa Wayafleti na kufikia kwenye mupaka wa Bet-horoni+ ya Chini na Gezeri,+ na iliishia kwenye bahari.
4 Basi wazao wa Yosefu,+ ni kusema, Manase na Efraimu, wakakamata inchi yao.+
5 Mupaka wa wazao wa Efraimu kulingana na familia zao ulikuwa huu: Mupaka wa uriti wao upande wa mashariki ulikuwa Atarot-adari,+ kufikia Bet-horoni ya Juu,+
6 na mupaka huo ulifika kwenye bahari. Mikmetati+ ilikuwa upande wa kaskazini, na mupaka huo ulizunguka upande wa mashariki kufikia Taanat-shilo, na ulipita upande wa mashariki mupaka Yanoa.
7 Kisha ulishuka kutoka Yanoa mupaka Ataroti na Naara na ukafika Yeriko+ na ukaendelea mupaka Yordani.
8 Kutoka Tapua+ mupaka huo uliendelea kwenye upande wa mangaribi kufikia kwenye Bonde la Muto la Kana, na uliishia kwenye bahari.+ Huo ndio uriti wa kabila la Efraimu kulingana na familia zao;
9 na wazao wa Efraimu walikuwa pia na miji katikati ya uriti wa wazao wa Manase,+ ni kusema, miji yote na makao yake.
10 Lakini hawakufukuza Wakanaani wenye walikuwa wanaishi Gezeri,+ na Wakanaani wanaendelea kuishi kati ya wazao wa Efraimu mupaka leo+ na wanatumikishwa kazi za kulazimishwa.+
