Yoshua 18:1-28
18 Kisha mukusanyiko wote wa Waisraeli ukakusanyika Shilo,+ na wakasimamisha hema ya mukutano kule,+ kwa maana inchi ilikuwa sasa imetiishwa mbele yao.+
2 Lakini makabila saba (7) ya Waisraeli yalikuwa hayajagawiwa uriti wao.
3 Basi Yoshua akaambia Waisraeli: “Mutakawia mupaka wakati gani kukamata inchi yenye Yehova Mungu wa mababu zenu amewapatia?+
4 Munipatie wanaume watatu (3) katika kila kabila ili niwatume; wataenda na kutembea katika inchi hiyo yote na kuchapa karte yake kulingana na uriti wao. Kisha wataniletea habari.
5 Wanapaswa kugawanya inchi hiyo kati yao katika mafungu saba (7).+ Kabila la Yuda litabakia katika eneo lake upande wa kusini,+ na nyumba ya Yosefu itabakia katika eneo lake upande wa kaskazini.+
6 Sasa ninyi, muchape karte ya inchi katika mafungu saba (7), na kuniletea mafungu hayo, na nitawapigia kura+ mbele ya Yehova Mungu wetu.
7 Lakini Walawi hawana fungu kati yenu,+ kwa sababu ukuhani wa Yehova ndio uriti wao;+ na tayari Gadi, Rubeni, na nusu ya kabila la Manase+ wamekamata uriti wao upande wa mashariki wa Yordani, wenye Musa mutumishi wa Yehova aliwapatia.”
8 Wanaume hao wakajitayarisha kuenda, na Yoshua akaamuru wale wenye walipaswa kuchapa karte ya inchi: “Muende na mutembee katika inchi hiyo yote, muchape karte yake na kurudia kwangu, na nitawapigia kura mbele ya Yehova hapa Shilo.”+
9 Basi wanaume hao wakaenda, wakapita katikati ya inchi na wakachapa karte kulingana na miji, katika mafungu saba (7), na kuandika katika kitabu. Kisha wakarudia kwa Yoshua katika kambi kule Shilo.
10 Kisha Yoshua akawapigia kura mbele ya Yehova kule Shilo.+ Ni kule Yoshua aligawia Waisraeli inchi kulingana na mafungu yao.+
11 Kura ilitokea kwa ajili ya kabila la Benyamini kulingana na familia zao, na eneo la kura yao lilikuwa katikati ya watu wa Yuda+ na watu wa Yosefu.+
12 Kwenye upande wa kaskazini, mupaka wao ulianzia Yordani, na mupaka huo ulipanda kufikia muteremuko wa Yeriko+ kwenye upande wa kaskazini na ulipanda kwenye mulima upande wa mangaribi, na uliendelea katika jangwa la Bet-aveni.+
13 Na mupaka huo uliendelea kufikia Luzi, kwenye muteremuko wa kusini wa Luzi, ni kusema, Beteli;+ na ulishuka mupaka Atarot-adari+ kwenye mulima wenye kuwa upande wa kusini wa Bet-horoni ya Chini.+
14 Na mupaka huo ulipita upande wa mangaribi na uligeukia upande wa kusini kuanzia mulima wenye kuangaliana na Bet-horoni upande wa kusini; na ukaishia Kiriat-baali, ni kusema, Kiriat-yearimu,+ muji wa Yuda. Huo ndio mupaka wa eneo la mangaribi.
15 Upande wa kusini ulianzia kwenye mwisho wa Kiriat-yearimu, na mupaka uliendelea upande wa mangaribi; uliendelea kufikia kwenye chemchemi ya maji ya Neftoa.+
16 Mupaka huo ulishuka kufikia mwisho wa mulima wenye kuangaliana na Bonde la Mwana wa Hinomu,+ upande wa kaskazini katika Bonde* la Refaimu,+ na ulishukia upande wa kusini katika Bonde la Hinomu, kwenye muteremuko wa Muyebusi,+ na kushukia En-rogeli.+
17 Na ulielekea kaskazini mupaka En-shemeshi na kufika Geliloti, mbele ya mupando wa Adumimu;+ na kushuka kwenye jiwe+ la Bohani+ mwana wa Rubeni.
18 Uliendelea mupaka kwenye muteremuko wa kaskazini mbele ya Araba na kushuka mupaka Araba.
19 Na mupaka huo uliendelea kufikia kwenye muteremuko wa kaskazini wa Bet-hogla,+ na mupaka huo uliishia kwenye guba* ya kaskazini ya Bahari ya Chumvi*+ kwenye mwisho wa upande wa kusini wa Yordani. Huo ndio ulikuwa mupaka wa kusini.
20 Na Yordani ilikuwa mupaka wake upande wa mashariki. Huo ndio ulikuwa uriti wa wazao wa Benyamini kulingana na familia zao, na hiyo ndiyo mipaka yao yote.
21 Na miji ya kabila la Benyamini kulingana na familia zao ilikuwa: Yeriko, Bet-hogla, Emek-kesisi,
22 Bet-araba,+ Semaraimu, Beteli,+
23 Avimu, Para, Ofra,
24 Kefar-amoni, Ofni, na Geba+—miji kumi na mbili (12) na makao yake.
25 Gibeoni,+ Rama, Beeroti,
26 Mispe, Kefira, Mosa,
27 Rekemu, Irpeeli, Tarala,
28 Zela,+ Ha-elefu, Yebusi, ni kusema, Yerusalemu,+ Gibea,+ na Kiriati—miji kumi na ine (14) na makao yake.
Huo ndio ulikuwa uriti wa wazao wa Benyamini kulingana na familia zao.
Maelezo ya Chini
^ Ao “Eneo Tambarare la Chini.”
^ Guba ni sehemu ya bahari yenye inaingia katika inchi kavu.
^ Ni kusema, Bahari Yenye Kufa.
