Yoshua 22:1-34
22 Kisha Yoshua akaita Warubeni, Wagadi, na nusu ya kabila la Manase
2 na kuwaambia: “Mumefanya mambo yote yenye Musa mutumishi wa Yehova aliwaamuru mufanye,+ na mumetii sauti yangu katika mambo yote yenye nimewaamuru.+
3 Hamujaacha ndugu zenu siku hizi zote, mupaka leo;+ na mumeshika masharti ya amri ya Yehova Mungu wenu.+
4 Sasa Yehova Mungu wenu amepatia ndugu zenu pumuziko kama vile aliahidi.+ Basi sasa murudie kwenye mahema yenu katika inchi yenye Musa mutumishi wa Yehova aliwapatia ngambo ingine ya* Yordani.+
5 Lakini tu mukuwe waangalifu sana ili kutimiza amri na Sheria yenye Musa mutumishi wa Yehova aliwapatia,+ kwa kumupenda Yehova Mungu wenu,+ kwa kutembea katika njia zake zote,+ kwa kushika amri zake,+ kwa kushikamana naye,+ na kwa kumutumikia+ kwa moyo wenu wote na nafsi* yenu yote.”+
6 Kisha Yoshua akawabariki na kuwaacha waende, na wakarudia kwenye mahema yao.
7 Na Musa alikuwa amepatia nusu ya kabila la Manase uriti kule Bashani,+ na Yoshua akapatia nusu yenye ilibakia ya kabila hilo inchi upande wa mangaribi wa Yordani,+ pamoja na ndugu zao. Zaidi ya hiyo, wakati Yoshua aliwaacha waende kwenye mahema yao, akawabariki
8 na kuwaambia: “Murudie kwenye mahema yenu mukiwa na utajiri mwingi, mifugo mingi sana, feza na zahabu, shaba na chuma, na nguo nyingi sana.+ Mugawanye pamoja na ndugu zenu vitu vyenye mulichukua+ kutoka kwa maadui wenu.”
9 Kisha Warubeni, Wagadi, na nusu ya kabila la Manase wakaacha Waisraeli wengine kule Shilo katika inchi ya Kanaani, wakarudia Gileadi,+ inchi yao ya uriti, kwenye walikuwa wamepewa makao kama vile Yehova alikuwa ameagiza kupitia Musa.+
10 Wakati Warubeni, Wagadi, na nusu ya kabila la Manase walifika katika maeneo ya Yordani, wakajenga kule mazabahu kubwa sana, ya ajabu.
11 Kisha wakati fulani Waisraeli wengine wakasikia habari hiyo+ na kusema: “Muangalie! Warubeni, Wagadi, na nusu ya kabila la Manase wamejenga mazabahu kwenye mupaka wa inchi ya Kanaani katika maeneo ya Yordani kwenye upande wa Waisraeli.”
12 Wakati Waisraeli walisikia habari hiyo, wakakusanyika wote kule Shilo+ ili waende kupigana nao.
13 Kisha Waisraeli wakatuma Finehasi+ mwana wa Eleazari kuhani kwa Warubeni, Wagadi, na nusu ya kabila la Manase katika inchi ya Gileadi,
14 na wakubwa kumi (10) walikuwa pamoja naye, mukubwa mumoja wa kila jamaa ya upande wa baba katika makabila yote ya Israeli, kila mumoja alikuwa kichwa cha jamaa yake ya upande wa baba kati ya maelfu ya* Israeli.+
15 Wakati walifika kwa Warubeni, Wagadi, na nusu ya kabila la Manase katika inchi ya Gileadi, wakawaambia:
16 “Mukusanyiko wote wa Yehova unasema hivi: ‘Ni jambo gani hili la kukosa uaminifu+ lenye mumemufanyia Mungu wa Israeli? Leo mumeacha kufuata Yehova kwa kujenga ninyi wenyewe mazabahu na kumuasi Yehova.+
17 Je, kosa lenye tulifanya kule Peori halitoshe? Mupaka leo hatujajitakasa kuhusu kosa hilo, hata kama mukusanyiko wa Yehova ulipata pigo.+
18 Na munataka kabisa kuacha kumufuata Yehova leo? Kama munamuasi Yehova leo, basi kesho atakasirikia mukusanyiko wote wa Israeli.+
19 Sasa kama ni kwa sababu inchi yenye ni mali yenu haiko safi, muvuke na kuingia katika inchi yenye ni mali ya Yehova+ kwenye kuko tabenakulo ya Yehova+ na mukae kati yetu, lakini musimuasi Yehova, wala musitufanye tuasi kwa kujenga ninyi wenyewe mazabahu ingine zaidi ya ile mazabahu ya Yehova Mungu wetu.+
20 Wakati Akani+ mwana wa Zera alikosa uaminifu na kukamata vitu vyenye vilipaswa kuharibiwa, je, Mungu hakukasirikia mukusanyiko wote wa Israeli?+ Na haiko Akani tu ndiye alikufa kwa sababu ya kosa lake.’”+
21 Basi Warubeni, Wagadi, na nusu ya kabila la Manase wakajibu vichwa vya maelfu ya* Israeli:+
22 “Mungu wa miungu, Yehova!* Mungu wa miungu, Yehova!+ Anajua, na Israeli pia watajua. Kama tumeasi na kukosa uaminifu kwa Yehova, basi usituokoe leo.
23 Kama tulijenga mazabahu sisi wenyewe ili kuacha kumufuata Yehova na kutoa juu yake zabihu za kuteketezwa, matoleo ya nafaka, na zabihu za ushirika, Yehova atatupatia azabu.+
24 Hapana, kulikuwa sababu ingine yenye iliacha tunafanya vile, kwa maana tulisema, ‘Wakati wenye kuja wana wenu watauliza wana wetu: “Kuko nini kati yenu na Yehova Mungu wa Israeli?
25 Yehova ametia Yordani kuwa mupaka katikati yetu na ninyi, Warubeni na Wagadi. Hamuna fungu lolote katika Yehova.” Na wana wenu watazuia wana wetu kumuabudu* Yehova.’
26 “Ndiyo maana tulisema, ‘Ni lazima tujenge mazabahu, hapana kwa ajili ya matoleo ya kuteketezwa ao zabihu,
27 lakini ili ikuwe ushahidi kati yetu na ninyi+ na wazao wetu* kwamba tutamutumikia Yehova na kumutolea matoleo yetu ya kuteketezwa na zabihu zetu na zabihu zetu za ushirika,+ ili wakati wenye kuja wana wenu wasiambie wana wetu hivi: “Hamuna fungu lolote katika Yehova.”’
28 Ndiyo maana tulisema, ‘Kama watatuambia vile sisi na wazao wetu* wakati wenye kuja, tutawajibu: “Muangalie mazabahu yenye mababu zetu walijenga yenye kufanana na ile mazabahu ya Yehova, haikujengwa kwa ajili ya matoleo ya kuteketezwa na zabihu, lakini ili ikuwe ushahidi kati yetu na ninyi.”’
29 Ni jambo lenye haliwezi kuwaziwa kwamba sisi tumuasi Yehova na kuacha kumufuata Yehova+ kwa kujenga mazabahu kwa ajili ya matoleo ya kuteketezwa, matoleo ya nafaka, na zabihu, zaidi ya mazabahu ya Yehova Mungu wetu yenye iko mbele ya tabenakulo yake!”+
30 Wakati Finehasi kuhani, wakubwa wa mukusanyiko, na vichwa vya maelfu ya* Israeli wenye walikuwa pamoja naye walisikia maneno yenye wazao wa Rubeni, Gadi, na Manase walisema, wakatosheka.+
31 Basi Finehasi mwana wa Eleazari kuhani akaambia wazao wa Rubeni, Gadi, na Manase: “Leo tunatambua kuwa Yehova iko* kati yetu, kwa sababu hamukufanyia Yehova tendo hili la kukosa uaminifu. Sasa mumeokoa Waisraeli katika mukono wa Yehova.”
32 Kisha Finehasi mwana wa Eleazari kuhani na wale wakubwa wakaaga Warubeni na Wagadi katika inchi ya Gileadi na kurudia katika inchi ya Kanaani, na wakapelekea Waisraeli wengine habari hiyo.
33 Na Waisraeli wakatosheka na habari hiyo. Kisha Waisraeli wakamusifu Mungu, na hawakusema neno lingine lolote juu ya kuenda kupigana na Warubeni na Wagadi ili kuharibu inchi yenye walikuwa wanaishi ndani.
34 Basi Warubeni na Wagadi wakapatia mazabahu hiyo jina,* kwa sababu “ni ushahidi kati yetu kwamba Yehova ndiye Mungu wa kweli.”
Maelezo ya Chini
^ Ni kusema, upande wa mashariki wa.
^ Angalia Maana ya Maneno.
^ Ao “ukoo mbalimbali wa.”
^ Ao “ukoo mbalimbali wa.”
^ Ao “Mungu Mumoja, Yehova.”
^ Tnn., “kumuogopa.”
^ Tnn., “vizazi vyetu.”
^ Tnn., “vizazi vyetu.”
^ Ao “ukoo mbalimbali wa.”
^ Ao “eko.”
^ Kulingana na maelezo yenye yanatolewa, inaonekana mazabahu hiyo iliitwa Ushahidi.
