Yoshua 3:1-17
-
Israeli wanavuka Yordani (1-17)
3 Kisha Yoshua akaamuka asubui sana, na yeye pamoja na Waisraeli wote* wakasafiri kutoka Shitimu+ mupaka Yordani. Wakalala pale usiku mbele ya kuvuka.
2 Kisha siku tatu (3), maofisa wa watu+ wakapita katika kambi yote
3 na kuamuru watu: “Wakati tu mutaona sanduku la agano la Yehova Mungu wenu linabebwa na makuhani Walawi,+ munapaswa kuondoka mahali muko na kulifuata.
4 Lakini muache nafasi katikati yenu na lile sanduku, karibu mikono elfu mbili (2 000);* musilikaribie, ili mujue njia yenye munapaswa kufuata, kwa maana hamujapitaka katika njia hiyo.”
5 Sasa Yoshua akaambia watu: “Mujitakase,+ kwa maana kesho Yehova atafanya mambo ya ajabu kati yenu.”+
6 Kisha Yoshua akaambia makuhani: “Mubebe sanduku+ la agano na mupite mbele ya watu.” Basi wakabeba sanduku la agano na wakapita mbele ya watu.
7 Kisha Yehova akamuambia Yoshua: “Leo nitaanza kukutukuza mbele ya macho ya Israeli wote,+ ili wajue kwamba nitakuwa pamoja na wewe+ kama vile nilikuwa pamoja na Musa.+
8 Utapatia makuhani wenye kubeba sanduku la agano amri hii: ‘Wakati mutafika pembeni ya maji ya Yordani, muingie na kusimama ndani ya maji ya Yordani.’”+
9 Tena Yoshua akaambia Waisraeli: “Mukuje hapa na musikilize maneno ya Yehova Mungu wenu.”
10 Kisha Yoshua akasema: “Kwa njia hii mutajua kama Mungu mwenye kuishi iko* kati yenu,+ na hakika atafukuza mbele yenu Wakanaani, Wahiti, Wahivi, Waperizi, Wagirgashi, Waamori, na Wayebusi.+
11 Muangalie! Sanduku la agano la Bwana wa dunia yote linapita mbele yenu na kuingia katika Yordani.
12 Sasa muchague wanaume kumi na mbili (12) katika makabila ya Israeli, mwanaume mumoja katika kila kabila,+
13 na wakati tu vikanyangio vya miguu ya makuhani wenye kubeba sanduku la Yehova, Bwana wa dunia yote, vitagusa* maji ya Yordani, maji ya Yordani yenye kutoka upande wa juu yatasimamishwa yasiteremuke na yatasimama kama vile ukuta wa maji.”+
14 Basi wakati watu walitoka katika mahema yao mbele tu ya kuvuka Yordani, makuhani wenye kubeba sanduku+ la agano wakapita mbele ya watu.
15 Wakati tu wale wenye kubeba Sanduku walifika kwenye Yordani na wakati makuhani wenye kubeba lile Sanduku waliingiza miguu yao katika maji (kwa maana Yordani inajaa na kumwanga maji yake inje ya mipaka yake+ siku zote za mavuno),
16 maji yenye kutoka upande wa juu yakasimama. Yakasimama kama ukuta mbali sana kule Adamu, muji wenye kuwa karibu na Saretani, na maji yenye kuelekea kwenye Bahari ya Araba, ni kusema, Bahari ya Chumvi,* yakaisha. Yalisimamishwa, na watu wakavuka ngambo ingine kuelekea Yeriko.
17 Wakati makuhani wenye kubeba sanduku la agano la Yehova waliendelea kusimama kwenye inchi kavu+ katikati ya Yordani, Israeli wote walivuka kwenye inchi kavu+ mupaka wakati taifa lote lilimaliza kuvuka Yordani.
Maelezo ya Chini
^ Tnn., ”wana wote wa Israeli.”
^ Karibu metre 890 (futi 2920). Angalia Nyongeza B14.
^ Ao “eko.”
^ Tnn., “vitapumuzika ndani ya.”
^ Ni kusema, Bahari Yenye Kufa.
