Yoshua 4:1-24
-
Majiwe ya ukumbusho (1-24)
4 Kisha tu taifa lote kumaliza kuvuka Yordani, Yehova akamuambia Yoshua:
2 “Chukua wanaume kumi na mbili (12) kati ya watu, mwanaume mumoja katika kila kabila,+
3 na uwaamuru hivi: ‘Mukamate majiwe kumi na mbili (12) katikati ya Yordani, mahali kwenye miguu ya makuhani ilisimama,+ na muende nayo na muyatie mahali kwenye mutalala usiku wa leo.’”+
4 Basi Yoshua akaita wale wanaume kumi na mbili (12) wenye alichagua kati ya Waisraeli, mwanaume mumoja katika kila kabila,
5 na Yoshua akawaambia: “Mupite mbele ya sanduku la Yehova Mungu wenu mupaka katikati ya Yordani, na kila mumoja wenu abebe jiwe kwenye bega lake, kulingana na hesabu ya makabila ya Waisraeli,
6 ili yakuwe alama kati yenu. Kama siku moja watoto* wenu watawauliza, ‘Sababu gani muko na majiwe haya?’+
7 munapaswa kuwaambia: ‘Ni kwa sababu maji ya Yordani yalisimamishwa mbele ya sanduku+ la agano la Yehova. Wakati lilivuka Yordani, maji ya Yordani yalisimamishwa. Majiwe haya yatakuwa ukumbusho wa kudumu kwa watu wa Israeli.’”+
8 Kwa hiyo Waisraeli wakafanya kama vile Yoshua alikuwa ameamuru. Wakakamata majiwe kumi na mbili (12) katikati ya Yordani, kama vile Yehova alikuwa ameagiza Yoshua, kulingana na hesabu ya makabila ya Waisraeli. Wakayapeleka mahali kwenye walilala na kuyaweka pale.
9 Pia Yoshua akatia majiwe kumi na mbili (12) katikati ya Yordani mahali kwenye miguu ya makuhani wenye walibeba sanduku la agano ilisimama,+ na majiwe hayo yako pale mupaka leo.
10 Makuhani wenye kubeba Sanduku walibakia wenye kusimama katikati ya Yordani mupaka wakati watu walikuwa wamemaliza kufanya mambo yote yenye Yehova alimuamuru Yoshua awaambie wafanye, kulingana na mambo yote yenye Musa alikuwa amemuamuru Yoshua. Wakati huo wote, watu wakafanya haraka kuvuka.
11 Wakati tu watu wote walikuwa wamemaliza kuvuka, sanduku la Yehova na makuhani wakavuka mbele ya macho ya watu wote.+
12 Na watu wa kabila la Rubeni, Gadi, na nusu ya kabila la Manase wakavuka wakiwa wamejipanga kwa ajili ya vita+ mbele ya Waisraeli wengine, kama vile Musa alikuwa amewaagiza.+
13 Maaskari karibu elfu makumi ine (40 000) wenye kubeba silaha za vita wakavuka mbele ya Yehova na kuingia katika maeneo tambarare ya jangwa la Yeriko.
14 Siku hiyo Yehova alimutukuza Yoshua mbele ya macho ya Israeli wote,+ na wakamuheshimia* sana siku zote za maisha yake, kama vile walimuheshimia sana Musa.+
15 Kisha Yehova akamuambia Yoshua:
16 “Amuru makuhani wenye kubeba sanduku+ la Ushuhuda watoke ndani ya Yordani.”
17 Basi Yoshua akawaambia makuhani: “Mutoke ndani ya Yordani.”
18 Wakati makuhani wenye kubeba sanduku+ la agano la Yehova walitoka katikati ya Yordani na wakati vikanyangio vya miguu yao vilikanyanga inchi kavu, maji ya Yordani yakarudia tena mahali pake na yakajaa na kumwangika inje ya mipaka yake+ kama vile ilikuwa mbele.
19 Watu walipanda kutoka kwenye Yordani siku ya kumi (10) ya mwezi wa kwanza na kupiga kambi Gilgali+ kwenye mupaka wa mashariki wa Yeriko.
20 Na yale majiwe kumi na mbili (12) yenye walikamata katika Yordani, Yoshua aliyapanga kule Gilgali.+
21 Kisha akaambia Waisraeli: “Siku moja wakati watoto wenu watawauliza, ‘Majiwe haya maana yake nini?’+
22 munapaswa kuambia watoto wenu: ‘Israeli walivuka Yordani kwenye inchi kavu+
23 wakati Yehova Mungu wenu alikausha maji ya Yordani mbele yao mupaka wakati walimaliza kuvuka, kama vile Yehova Mungu wenu alikausha Bahari Nyekundu mbele yetu mupaka wakati tulimaliza kuivuka.+
24 Alifanya vile ili vikundi vyote vya watu vijue kwamba mukono wa Yehova ni wenye nguvu sana+ na ili muweze kumuogopa Yehova Mungu wenu sikuzote.’”
