Zaburi 102:1-28
Sala ya mutu mwenye kukandamizwa wakati amepoteza tumaini*na anamwanga hangaiko lakembele ya Yehova.+
102 Ee Yehova, sikia sala yangu;+
Kilio changu cha kuomba musaada kikufikie.+
2 Usinifiche uso wako wakati niko katika taabu.+
Unitegee sikio lako;*
Unijibu haraka wakati ninaita.+
3 Kwa maana siku zangu zinaisha kama moshi,
Na mifupa yangu imeungua na kuwa myeusi kama jiko.+
4 Moyo wangu umepigwa kama majani na umekauka,+
Kwa maana ninasahau kula chakula changu.
5 Kwa sababu ninalia kwa maumivu kwa sauti kubwa,+
Mifupa yangu inakamatana na nyama yangu.+
6 Ninafanana na mwari wa jangwa;
Niko kama bundi mudogo kati ya mabomoko.
7 Ninalala bila kupata usingizi;*
Niko kama ndege mwenye kuwa peke yake kwenye sehemu ya juu ya nyumba.+
8 Maadui wangu wananichokoza muchana wote.+
Wale wenye kunichekelea* wanatumia jina langu kama laana.
9 Kwa maana ninakula majivu kama mukate,+
Na kinywaji changu kimechanganywa na machozi,+
10 Kwa sababu ya hasira yako na kasirani yako kali,
Kwa maana uliniinua juu ili tu unitupe pembeni.
11 Siku zangu ziko kama kivuli chenye kufifia,*+
Na ninakauka kama majani.+
12 Lakini wewe unadumu milele, Ee Yehova,+
Na sifa yako itadumu* katika vizazi vyote.+
13 Hakika utasimama na kuonyesha Sayuni rehema,+
Kwa maana ni wakati wa kuonyesha muji huo wema wako;+
Wakati wenye uliwekwa umefika.+
14 Kwa maana watumishi wako wanafurahia majiwe yake+
Na wanapenda hata mavumbi yake.+
15 Mataifa yataogopa jina la Yehova,
Na wafalme wote wa dunia wataogopa utukufu wako.+
16 Kwa maana Yehova atajenga upya Sayuni;+
Atatokea katika utukufu wake.+
17 Atasikiliza sala ya maskini;+
Hatazarau sala yao.+
18 Hili limeandikwa kwa ajili ya kizazi cha siku zenye kuja,+
Ili watu wenye bado hawajazaliwa* wamusifu Yah.
19 Kwa maana anaangalia chini akiwa katika nafasi yake takatifu ya juu,+
Akiwa mbinguni Yehova anaona dunia,
20 Ili asikie kilio cha maumivu cha mufungwa,+
Ili aweke huru wale wenye walihukumiwa kifo,+
21 Ili jina la Yehova litangazwe katika Sayuni+
Na sifa yake katika Yerusalemu,
22 Wakati vikundi vya watu na falme
Wanakusanyika pamoja ili kumutumikia Yehova.+
23 Alininyanganya nguvu zangu mbele ya wakati;
Alifupisha siku zangu.
24 Nilisema: “Ee Mungu wangu,
Usiniharibu nikiwa katikati ya maisha yangu,
Wewe mwenye miaka yako inadumu katika vizazi vyote.+
25 Zamani sana uliweka misingi ya dunia,
Na mbingu ni kazi ya mikono yako.+
26 Hizo zitaangamia, lakini wewe utaendelea kuwa;
Zote zitazeeka kama vile nguo.
Utazibadilisha kama vile nguo, na zitapita.
27 Lakini wewe ni uleule, na miaka yako haitafikia mwisho hata siku moja.+
28 Watoto wa watumishi wako watakaa kwa usalama,
Na uzao wao utafanywa kuwa imara kabisa mbele yako.”+
Maelezo ya Chini
^ Ao “anakuwa zaifu.”
^ Ao “Inama chini na unisikilize.”
^ Ao pengine, “mwenye kukonda sana na zaifu.”
^ Ao “wenye kunifanya nionekane kuwa mupumbavu.”
^ Ao “kivuli chenye kurefuka.”
^ Ao “jina lako litadumu.” Tnn., “ukumbusho wako utadumu.”
^ Tnn., “hawajaumbwa.”
