Zaburi 24:1-10
-
Mufalme mwenye utukufu anaingia katika milango mikubwa
-
‘Dunia ni ya Yehova’ (1)
-
Ya Daudi. Muziki.
24 Dunia na vyote vyenye kuwa ndani yake ni vya Yehova,+
Inchi yenye kuzaa na wale wenye kukaa juu yake.
2 Kwa maana ameiweka imara kabisa juu ya bahari+
Na kuiweka imara kabisa juu ya mito.
3 Ni nani anaweza kupanda mulima wa Yehova,+
Na ni nani anaweza kusimama mahali pake patakatifu?
4 Mutu yeyote mwenye mikono yenye haina kosa na mwenye moyo safi,+
Mwenye hajaapa kiapo cha uongo kwa uzima Wangu,*
Wala kuapa kwa udanganyifu.+
5 Atapokea baraka kutoka kwa Yehova+
Na haki kutoka kwa Mungu wake wa wokovu.+
6 Hiki ni kizazi cha wale wenye kumutafuta,
Cha wale wenye kutafuta uso wako, Ee Mungu wa Yakobo. (Sela)
7 Muinue vichwa vyenu, ninyi milango mikubwa;+
Mufunguke,* ninyi miingilio ya zamani,
Ili Mufalme mwenye utukufu aingie!+
8 Mufalme huyu mwenye utukufu ni nani?
Yehova, mwenye nguvu na uwezo,+
Yehova, mwenye uwezo katika vita.+
9 Muinue vichwa vyenu, ninyi milango mikubwa;+
Mufunguke, ninyi miingilio ya zamani,
Ili Mufalme mwenye utukufu aingie!
10 Yeye ni nani, huyo Mufalme mwenye utukufu?
Yehova wa majeshi—yeye ndiye Mufalme mwenye utukufu.+ (Sela)
Maelezo ya Chini
^ Ao “nafsi Yangu,” inamaanisha uzima wa Yehova wenye mutu anaapa kwa huo.
^ Ao “Musimame.”
