Zaburi 32:1-11
Ya Daudi. Maskili.*
32 Mwenye furaha ni mutu mwenye amesamehewa kosa lake, mwenye zambi yake imefunikwa.*+
2 Mwenye furaha ni mutu mwenye Yehova hamuhesabie kuwa na hatia,+
Mwenye katika roho yake hamuna udanganyifu.
3 Wakati nilinyamaza, mifupa yangu ilikuwa zaifu kwa sababu ya kulia kwa maumivu muchana wote.+
4 Kwa maana usiku na muchana mukono wako ulikuwa* muzito juu yangu.+
Nguvu zangu zilikauka* kama maji katika joto yenye kukauka ya kipindi cha joto. (Sela)
5 Mwishowe niliungama zambi yangu kwako;
Sikufunika kosa langu.+
Nilisema: “Nitaungama makosa yangu kwa Yehova.”+
Na ulisamehe kosa la zambi zangu.+ (Sela)
6 Ndiyo sababu kila mushikamanifu atasali kwako+
Wakati wewe ungali unaweza kupatikana.+
Halafu hata maji ya garika hayatamufikia.
7 Wewe ni mahali pangu pa kujificha;
Utanilinda nisipatwe na taabu.+
Utanizunguka kwa vigelegele vya shangwe ya ukombozi.+ (Sela)
8 “Nitakupatia ufahamu na kukufundisha katika njia yenye unapaswa kufuata.+
Nitakupatia shauri jicho langu likikuangalia.+
9 Usikuwe kama farasi ao nyumbu, mwenye hana uelewaji,+
Mwenye musisimuko wake unapaswa kuzuiwa kupitia lijamu* ao kupitia hatamu*
Mbele akukaribie.”
10 Maumivu ya muovu ni mengi;
Lakini mwenye kumutegemea Yehova amezungukwa na upendo Wake mushikamanifu.+
11 Mushangilie katika Yehova na kufurahi, ninyi wenye haki;
Mupige vigelegele vya shangwe, ninyi wote wenye kuwa wanyoofu katika moyo.
Maelezo ya Chini
^ Angalia Maana ya Maneno.
^ Ao “imesamehewa.”
^ Ao “kukosa kupendezwa kwako kulikuwa.”
^ Ao “Umajimaji wa uzima wangu ulibadilika.”
^ Lijamu ni kipande cha chuma chenye kinawekwa kwenye kinywa cha munyama ili kumuongoza na kumuzuia.
^ Hatamu ni kamba ya kumuongozea farasi ao punda.
