Zaburi 4:1-8
Kwa kiongozi; iimbwe kwa vyombo vya kamba. Muziki wa Daudi.
4 Wakati ninakuita, unijibu, Ee Mungu wangu mwenye haki.+
Unitengenezee njia ya kuponyoka* taabu yangu.
Unionyeshe wema na usikie sala yangu.
2 Ninyi wana wa binadamu, mutaendelea mupaka wakati gani kugeuza heshima yangu kuwa haya?
Mutaendelea mupaka wakati gani kupenda mambo yenye hayana mafaa yoyote na kutafuta mambo ya uongo? (Sela)
3 Mujue kwamba Yehova atamutendea mushikamanifu wake kwa njia ya pekee;*
Yehova atasikia wakati nitamuita.
4 Mukasirike, lakini musitende zambi.+
Museme katika moyo wenu, kwenye kitanda chenu, na munyamaze kimya. (Sela)
5 Mutoe zabihu za haki,
Na mumutegemee Yehova.+
6 Kuko watu wengi wenye kusema: “Ni nani atatuonyesha jambo lolote la muzuri?”
Mwangaza wa uso wako utuangazie, Ee Yehova.+
7 Umejaza moyo wangu shangwe nyingi sana
Kuliko wale wenye kuwa na mavuno mengi sana ya nafaka na divai mupya.
8 Nitajilaza chini na kulala usingizi kwa amani,+
Kwa maana wewe peke yako, Ee Yehova, unanifanya niishi katika usalama.+
Maelezo ya Chini
^ Tnn., “Unitengenezee nafasi kubwa katika.”
^ Ao “atamufanya mushikamanifu wake aonekane kuwa tofauti; atamutia pembeni mushikamanifu wake kwa ajili yake mwenyewe.”
