Zaburi 53:1-6
Kwa kiongozi; katika mutindo wa Mahalati.* Maskili.* Ya Daudi.
53 Mupumbavu* anasema katika moyo wake:
“Hakuna Yehova.”+
Matendo yao yenye hayako ya haki yamepotoka na yanachukiza;
Hakuna mwenye kutenda mema.+
2 Lakini Mungu anaangalia wana wa binadamu akiwa mbinguni+
Ili aone kama kuko mutu yeyote mwenye kuwa na ufahamu, kama kuko mutu yeyote mwenye kumutafuta Yehova.+
3 Wote wamekengeuka;
Wote pamoja wamepotoka.
Hakuna mwenye kutenda mema,
Hakuna hata mumoja.+
4 Je, hakuna hata mumoja kati ya wakosaji mwenye anaelewa?
Wanameza watu wangu kama vile wanakula mukate.
Hawamuitie Yehova.+
5 Lakini watajaa woga mukubwa,
Woga wenye hawajapata kuwa nao hata siku moja,*
Kwa maana Mungu atasambaza mifupa ya wale wenye kuwashambulia ninyi.*
Mutawapatisha haya, kwa maana Yehova amewakataa wao.
6 Aa! kama tu wokovu wa Israeli ungetoka Sayuni!+
Wakati Yehova atakusanya tena watu wake wenye walikamatwa mateka,
Yakobo ashangilie, Israeli afurahi.
Maelezo ya Chini
^ Angalia Maana ya Maneno.
^ Angalia Maana ya Maneno.
^ Ao “Mwenye hana akili.”
^ Ao pengine, “Woga mahali kwenye hakuna kitu cha kuogopa.”
^ Tnn., “wenye kupiga kambi ili kuwashambulia ninyi.”
